TIRANE- Operacioni Forca e Ligjiti ka dërguar formularin për të deklaruar pasuritë dy subjekteve të radhës, përkatësisht Eljon Hatos, dhe Ilir Selmanit, të dy të dënuar për vrasje. Eljon Hato, njihet nga të gjithë si shoku i Ervis Martinajt. Hato ishte pjesë e masakrës së ish-bllokut, që ndodhi më 4 tetor të 2018, ku aty mbeti i plagosur. Më 26 shkurt Gjykata e Tiranës liroi nga burgu të riun, pasi dha “arrest shtëpie”, për shkak të gjendjes së tij shëndetësore. Por edhe më herët ai ka qenë i përfshirë në ngjarje të rënda kriminale. Më 12 maj të vitit 2014, Eljon Hato nën efektin e alkoolit akuzohet se vrau një moshatarin e tij pas një sherri banal. (Lexo këtu më shumë lajme për Eljon Haton).
Ndërsa i dyti, është një emër nga banda që akuzohet se ekzekutoi ish-policin Santiago Malko, edhe ky mik me Martinajn.
Ilir Selmani njihet nga të gjithë me nofkën “Boksieri”. Ai ka qenë pjesë e klanit Duka dhe është shpallur në kërkim nga Policia për vrasjen e Santiago Malkos. Selmani është personi që mblodhi afër vendit të ngjarjes bishtat e cigareve që kishte konsumuar Blendi Teta, dhe i hodhi në koshin e mbeturinave. Selmani njihet edhe për jetën e luksit, pasi është i apasionuar pas udhëtimeve, makinave të shtrenjta dhe selfie-ve. Në një vëzhgim të Dosja.al, rezultoi se modelja Trejsi Sejdini dhe Selmani kishin të dy veshur të njëjtën varëse floriri. (Lexo këtu më shumë lajme për Ilir Selmanin).
Njoftimi i Policisë:
Vijon Operacioni Forca e Ligjit, në bashkëpunim me strukturat vendore të Policisë, në zbatim të detyrave të përcaktuara në Aktin Normativ të datës 31 janar 2020, për dërgimin e kërkesave për vetëdeklarim të pasurisë, personave që janë subjekt i këtij ligji. Në këtë kuadër, OFL u ka dërguar kërkesat për vetëdeklarim të pasurisë, shtetasve: E. H., banues në Lezhë, i dënuar për veprat penale “Vrasja me dashje”, “Plagosja e rëndë me dashje” dhe “Armëmbajtje pa leje”; I. S., banues në Tiranë, i dënuar për veprat penale “Vrasja me paramendim” e kryer në bashkëpunim dhe “Armëmbajtja pa leje”, në kuadër të grupit të strukturuar kriminal.
Brenda 48 orësh, këta individë, si subjekt i Ligjit Special, duhet t’u përgjigjen me shkrim të gjitha pyetjeve të OFL-së. Më pas, përgjigjet e marra do t’i dërgohen SPAK-ut, për veprime të mëtejshme.
Me qëllim evidentimin dhe dërgimin në SPAK, të të gjithë personave që janë subjekt i Ligjit Special, OFL është në veprim të pandërprerë dhe në kryerje të veprimeve komplekse.
Për të gjitha nismat procedurale dhe operacionet ekzekutive që do të kryejë, OFL do të informojë publikun në vijimësi.
Që prej 3 shkurtit, OFL ka nisur goditjen dhe sekuestrimin e pasurive të emrave të njohur të botës së krimit. OFL ka dërguar tashmë formularin tek Suel Cela dhe Plarent Dervishaj, Dash Gjoka, Emiljano Hysenaj, Lulzim Berisha, Edlir Hysenaj, Altin Hajri, Ardian Capja, grupi i Dukagjinit, Saimir Taullau, Ben Qimja, Durim Bami, Landi Muharremi, Bardhok Pllanaj, Alberto Lamaj, Dritan Dajtit, Xhevdet Troplinit, Emiljano Shullazit, Gjergj Cukalit, Orges Jahelezi dhe Pajtim Serjanit, Gazmend Mahmutajt, Edison Çobos, Ervis Martinajt, Arben dhe Valentino Kaçorrit, Altin Lames, Eduard Dushkut, Fatjon Lazes, Kreshnik Budllës, Astrit Avdylajt, Astrit Balliut, Arben Frrokut, Jasin Kalas Durim Keçit, Flamur Hakës , Talo Çelës, Aurel Hoxhallarit dhe Elidon Kotorrit.
(J.V;F.G/Dosja.al)
1 vit nga zgjedhjet e 25 prillit si e shikoni gjendjen e vendit:
VLORË– Një aksident i rëndë ka ndodhur ditën e sotme në Bulevardin e ri Vlorës-Skelë. Mësohet se një drejtues motori ka goditur një person, i cili po kalon...
Tiranë-Eugena Tomini, Shefja e Epidemiologjisë në Institutin e Shëndetit Publik ka deklaruar se deri tani në vendin tonë janë testuar 36 persona për koronavirus...
Durrës- Familjarët e Anxhelo Avdias, i cili u ekzekutua mbrëmjen e djeshme në Durrës bashkë me Dorian Shkozën, kanë deklaruar se i riu nuk kishte konflikte apo ...
VLORË- Rreziku nga koronavirusi ka bërë që të shtohen masat dhe kontrollet në pikat kufitare dhe në porte. Drejtori i operatorit të kujdesit shëndetësor pë...
TIRANË- Policia e Shtetit ka vënë sot në pranga një tjetër person të shpallur në kërkim për operacionin e shtrirë në disa qytete të koduar “Mezhgorani”. Në...
TIRANË–Ka dalë para Komisionit të Pavarur të Kualifikimit, kryegjyqtari i Vlorës, Skënder Haluca. KPK ka rrëzuar kërkesën e Halucajt për të skualifikuar tr...
TIRANË- Enver Jamaku është një 32-vjeçar që preferon gjuetinë e mëllenjave. Por nuk janë mëllenjat që i hapën probleme me policinë, por komshiu. Kjo...
Fier- 50 mijë euro janë vjedhur në një pikë këmbimi parash në Fier. Burime për Dosja.al bëjnë me dije se ngjarja ka ndodhur më 11 shkurt të këtij viti, por poli...
FIER- Një 30-vjeçar ështe arrestuar në Fier, pasi ishte shpallur në kërkim për “Korrupsion pasiv” dhe “Ushtrim i ndikimit të paligjshëm ndaj personave q...
TIRANË- Kreu i Këshillit të Lartë të Prokurorisë, Gent Ibrahimi në konferencën “Sfidat e Prokurorisë së Përgjithshme në Dritën e Reformës në Drejtësi” ka d...