Aktualitet

OFL ‘godet’ sërish, kërkohet justifikimi i pasurisë së Shullazit, në ‘lupë’ edhe miku i tij Gjergj Cukali (VD)

  • “Shullazi në KÇK”, avokati Meçe: Është ‘show’, klienti im ka një banesë modeste
  • Emiljano Shullazi dhe Gjergj Cukali brenda 48 orësh duhet të plotësojnë formularin e vetëdeklarimit të pasurisë së tij. 
    Featured image of article: OFL ‘godet’ sërish, kërkohet justifikimi i pasurisë së Shullazit, në ‘lupë’ edhe miku i tij Gjergj Cukali (VD) Emiljano Shullazi, OFL dhe Gjergj Cukali

    TIRANË– OFL (Operacioni Forca e Ligjit) i ka dërguar sot kërkesat për të deklaruar pasuritë e tyre, dy ‘kokave’ të krimit. Bëhet fjalë për Emiljano Shullazin dhe Gjergj Cukalin, të cilët brenda 48 orësh duhet të plotësojnë formularin e vetëdeklarimit të pasurisë së tij. 

    Akuzat ndaj Shullazit

    Grupi ‘Shullazi’, është dënuar më 13 nëntor 2018, me 55 vite burg nga Gjykata e Shkallës së Parë për Krimet e Rënda. Vendimi është apeluar nga grupi, ndërsa koka e bandës, Emiljano Shullazi është dënuar për gjobëvënie ndaj dy biznesmenëve, Ylvi Beqja në të famshmen çështje të “Hotel Vollgës” dhe Jani Zakos, me 14 vite burg. Për katër anëtarët e tjerë të grupit, Gjykata ka dhënë 12 vite burg për Gilmando Danin, Indrit Qyqja 10 vite, Indrit Zela 10 vite dhe Blerim Shullazi 9 vite burg. Në vendimin e Gjykatës theksohej se askush nga të dënuarit nuk do të përfitojë liri me kusht. Dy akuzat e tjera, shkatërrim prone me eksploziv dhe kanosje ndaj dy pedagogëve  Mynyr Koni dhe Dhori Kule kanë rënë.

    Kush është Cukali, i riu që vrau ish-policin Bilali dhe miqësia me Shullazin

    Për më shumë bëhu pjesë e grupit më viral në Facebook, Dosja.al

    Gjergj Cukali u arrestua në maj të vitit të shkuar për vrasjen e ish-policit Arben Bilalit. Cukali është zbuluar nga ADN-ja e gjetur në automjetin që u përdor për ekzekutimin e ish-policit. Por u lirua disa ditë më parë nga Gjykata e Apelit. Ish-polici Arben Bilali, 50 vjeç u vra me armë zjarri më datë 30 janar të vitit 2018 teksa po ecte në drejtim të banesës së tij. 15 plumbat e qëlluar mbi ish-policin e lanë të vdekur në vend.  40-vjeçari njihet si një person me precedentë penalë. Ai njihet si ‘i forti’ i Myslym Shyrit dhe për miqësinë që ka me Emilajno Shullazin. Por vrasja e Bilalit nuk ka qënë e vetmja akuzë që ka rënduar në “shpatullat” e Cukalit. Në vitin 2006, ai është dënuar nga Gjykata e Tiranës e ka dënuar me 10 vite burg për rrëmbim e pengmarrje.

    NJOFTIMI I PLOTË:

    OFL, 11 shkurt 2020
    Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.
    Në këtë kuadër OFL u ka dërguar kërkesat për vetëdeklarim të pasurisë shtetasve: 
    – E. Sh, me banim në Tiranë, i cili aktualisht ndodhet i paraburgosur, pasi ndaj tij po zhvillohet gjykimi për veprat penale “Shtrëngimi me anë të kanosjes ose dhunës për dhënien e pasurisë”, “Grup i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”;
    – Gj. C., me banim në Tiranë, pasi në vitin 2006, Gjykata e Rrethit Tiranë e ka dënuar me 10 vite burg, për veprën penale “Rrëmbimi ose mbajtja peng e personit”;
    Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së. 
    Më pas, përgjigjet e marra do t’i dërgohen SPAK-ut, për veprime të mëtejshme.
    OFL, që prej nisjes së operacionit e deri sot, u ka dërguar kërkesë për vetëdeklarim të pasurisë 13 personave, si dhe ka sekuestruar: një vilë, një karburant, 6 banesa, 3 automjete dhe 1900 m2 truall, arë.
    OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.

    Ka kaluar më shumë se një javë që prej momentit kur OFL ka nisur goditjen dhe sekuestrimin e emrave të njohur të botës së krimit. Dje, OFL dërgoi formularin tek Suel Cela dhe Plarent Dervishajt. Më herët, OLF shënjestroi biznesmenin durrsak, Dashamir Gjokadhe trafikantin i arrestuar në Gjermani për trafik droge, Emiljano Hysenaj dhe të afërmin e tij, Edlirin. Formulari iu dërgua ish-kreut të bandës së Durrësit, Lulzim Berisha, i cili ktheu edhe përgjigjien e tij. Formulari i është dërguar edhe Ardian Çapjas në Elbasan, ndërkohë që pasuria i është sekuestruar Altin Hajrit në Shijak, dhe Grupit të Dukagjinit në Shkodër.  3 ditë  më parë OFL-ja i ka dërguar formularin për deklarimin e pasurisë Saimir Taullau dhe Arben Isufaj i njohur ndryshe si Ben Qimja.  Po kështu ditën e shtunë u janë sekuestruar makinat e blindura, Durim Bamit, Dashamir Gjokës dhe Landi Muharremit. Dje në ‘sitën’ e OFL-së u kap “kumbari i Shkodrës” Bardhok Pllanaj dhe  Alberto Kochsiek (Lamaj), i njohur ndryshe si kreu i bandës së bananeve. 

    (k.m./dosja.al)

    Shto Koment