Protesta zhvendoset edhe në Milano/ Mijëra emigratë kërkojnë anulimin e projektit dhe dorëheqjen e kryeministrit R...
Berisha: Çdo demokrat e ka vendin te protesta, sloganet kundër nesh janë vepër e veglave të qeverisë 13 Qershor...
“Rama në burg, Berisha në burg"/ Tensione në Rrjoll, banorët përplasen me policinë 13 Qershor, 11:20 ...
"Duhet me shku në Zvërnec me pa ato pronat"/ Adrian Rama dhe Artur Shehu takime në Stamboll në 2020: Vila po më thot&eu...
• Mijëra qytetarë janë mbledhur në sheshin “Skënderbej”, për të 14-tën ditë rradhazi të revoltës së tyre. • Pas oraganizimit të tyre ata priten të nisin marshimin drejt Kryeministrisë, ku dhe do të zhvillojnë fjalimet e tyre. • Protesta ka thyer rekorde në pjesëmarrje ditët e fundit, ndërsa tubimit të sotëm i janë bashkuar qindra emigrantë. • Prej gati dy javësh protestuesit kanë kërkuar dorëheqjen e kryeministrit Edi Rama dhe të gjithë kabinetit qeveritar të tij, si dhe anulimin e projektit të Zvërnecit. • Me pankarta në duar dhe flamuj kuqezi, ata kanë bërë thirrje për ndryshim. • “Rama në burg, Berisha në burg”, “Shqipëria është e jona”, “O Erion o legen, prite Ramën se po vjen”, “Ju erdhi fundi”, “Anulo projektin”, “Rama jep dorëheqjen” dhe “Bashkohuni me ne”, këto kanë qenë disa nga thirrjet e tyre gjatë këtyre ditëve.
10 artikuj për këtë temë.
TIRANË- Nëna e Martin Canit ka marrë pjesë në protestën, e cila po zhvillohet ditën e sotme në Tiranë. Gjatë fjalës së saj në podimin e vendosur para Kryeministrisë, ajo u shpreh se i biri humbi jetën nga pakujdesia e arsimit dhe e shëndetësisë.
Ajo tha se ka 18 muaj që proteston dhe i mbushet zemra plot, kur sheh Tiranën të mbushur plot rini.
“Mendova të bashkohem me ju për fëmijën tim dhe fëmijët shqiptarë kudo që janë. Duam siguri! E çova në shkollë dhe nuk më u kthye më. Jo nga paedukata, por nga pakujdesia e këtyre që kanë degraduar arsimin, shëndetësinë e të gjitha me radhë! Kam 18 muaj që protestoj dhe më mbushet zemra teksa shoh Tiranën të mbushur me rini! Duam drejtësi dhe rend nëpër gjykata, duam drejtësi! Poshtë kjo qeveri e krimit, poshtë Edi Rama! Duam drejtësi!” u shpreh ajo mes duartrokitjeve të shumta të protestuesve./Dosja.al
TIRANË- Një protestues ka kërkuar ditën e sotme rikthimin e ish-kreut të SPAK, Altin Dumani. Gjatë fjalës së tij në podiumin e vendosur para Kryeministrisë, ai tha se Dumani duhet të kthehet dhe të përfundoi misionin e tij.
Ai tha se populli shqiptar ka besim tek SPAK, ndërsa i bërë thirrje të veprojë sa nuk është vonë.
Protestuesi: Altin Dumani ktheu dhe fillo arrestimet sa më parë. SPAK kemi besim tek ti, vepro sa nuk është vonë./Dosja.al
TIRANË- Një i ri i cili ka marrë pjesë në protestën e cila po organizohet sot në Tiranë, ka kërkuar dorëheqjen e kryeministrit Edi Rama. Gjatë fjalës së tij në podiumin e vendosur para Kryeministrisë, ai tha se Rama ose duhet të jap dorëheqjen ose të shkoj në burg.
Aktivisti shtoi se ky është mitingu i diasporës, pasi të gjithë emigrantët janë këtu.
Aktivisti: Ky sot është mitingu i diasporës, të gjithë emigrantët janë këtu. Ky sistem politik na ka larguar, na ka detyruar të ikim larg vendit tonë. Por zemra e vendit tonë ka ardhur e gjitha këtu sot.
Rama jepe dorëheqjen. Rikthej edhe një këngë që vetë kryeministri na e ka mësuar: Burg, burg, shumë, shumë burg”. Ose me dorëheqje, ose me burg, me shumë mundësi ai do përfundojë pas hekurave”./Dosja.al
TIRANË- Flamuri britanik është shfaqur në protestën masive, e cila po zhvillohet në Tiranë. Ky flamur simbolizon të gjithë shqiptarët të cilët janë zhvendosur në Mbrëtërinë e Bashkuar dhe mbështetjen e tyre për protestën e qytetarëve në Tiranë.
Qytetarët janë zhvendosur tashmë para Kryeministrisë dhe kanë filluar të zhvillojnë fjalimet e tyre. Me pankarta në duar dhe flamuj kuqezi, ata kanë bërë thirrje për ndryshim./Dosja.al
LONDRA- Protesta po përshkon çdo vend ku ka shqipatrë, ndërsa qindra emigrantë janë mbledhur ditën e sotme në Londër. Nën thirrjet “Nesër më shumë”, ata kanë kërkuar dorëheqjen e kryeministrit Edi Rama dhe anulimin e projektit të Zvërnecit.
Protesa po zhvillohen edhe në Milano dhe Francë, ku emigrantët iu kanë ardhur në mbështetje protestës, e cila po zhvillohet në Tiranë./Dosja.al
FRANCA- Qindra shqiptarë janë mbledhur ditën e sotme në Francë, për të protestuar kundër zhvillimit të projektit në Zvërnec, ndërsa kanë kërkuar edhe dorëheqjen e kryeministrit Edi Rama. Shoqëruar nga këngë shqiptare dhe pankrta në duar, ata po vijojnë marshimin e tyre në Rennes të Francës.
“Ju erdhi fundi”, kjo ka qënë një nga thirrjet më të përsëritura të tyre./Dosja.al
TIRANË- Mijëra qytetarë të shoqëruar nga emigratët e ardhur nga Diaspora janë nisur drejt Kryeministrisë. Me pankarta në duar dhe flamuj kuqezi, ata kanë bërë thirrje për ndryshim.
Pas kësaj ata do të zhvillojnë fjalimet e tyre, ku pritet të flasin emigrantët, aktivistët dhe qytetarët. Shoqëruar nga thirrja “Rama jepe dorëheqjen”, ata po vijonë marshimin e tyre./Dosja.al
TIRANË- Qytetarët kanë vendosur disa atlete para Kryeministrisë, si simbol i largimit të rinisë nga Shqipëria. Mijëra emigrantë i janë bashkuar protestës së ditës së sotme, e 14-ta rradhazi e zhvilluar në Tiranë.
Ata kanë nisur marshimin e tyre nga sheshi Skëndërbej, ndërsa priten të zhvendosen drej Kryeministrisë. Pas kësaj ata do të zhvillojnë fjalimet e tyre, ku pritet të flasin qytetarë, aktivistë, studentë dhe emigrantë./Dosja.al
ITALI- Mijëra emigratë janë mbledhur ditën e sotme në Milano, për të protestuar kundër zhvillimit të projektit në Zvërnec, ndërsa kërkojnë edhe dorëheqjen e kryeministrit Edi Rama. Me pankarta në duar dhe flamuj kuqezi, ata kanë bërë thirrje për ndryshim.
Nën thirrjet “Edi Rama ka mbaru”, ata kanë shprehur revoltën e tyre ndaj qeverisjes së vendit gjatë këtyre viteve. Kujtojmë që kjo nuk është protesta e parë që zhvillohen në Milano dhe Itali. Edhe gjatë ditëve më parë emigrantët kanë protestuar në Bolonja, Firence dhe Milano./Dosja.al
TIRANË- Mijëra qytetarë janë mbledhur në sheshin “Skënderbej”, për të 14-tën ditë rradhazi. Pas oraganizimit të tyre ata priten të nisin marshimin drejt Kryeministrisë, ku dhe do të zhvillojnë fjalimet e tyre.
Me pankarta në duar dhe flamuj kuqezi ata bëjën thirrje për ndryshim. Ditën e sotme është rregjistruar një prani e madhe emigrantëve shqipatrë, të cilët janë bërë pjesë e tubimit./Dosja.al
