Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Kodi Penal Islamik thekson se ata që akuzohen për “vrasje” apo plagosje të rëndë, i nënshtrohen “qisas”, ligjit të hakmarrjes, pavarësisht qëllimit apo rrethanave në të cilat personi në fjalë është fajtor për krimin. Kësisoj, vendoset nëse duhet vrarë, nëse ka vrarë dikë, gjymtuar nëse ka gjymtuar dikë, apo nëse duhet të ketë një “kompensim material” (ekonomik).
Nga Mariano Giustino “Huffington Post Italia”
Samira Sabzianfard, 29 vjeçe, nga Khorramabad e provincës Lorestan, u arrestua 10 vjet më parë me akuzën e vrasjes. Në atë kohë ishte një “nuse fëmijë”, dhe më pas u shpall fajrore dhe u dënua me vdekje e akuzuar se për vrasjen e bashkëshortit të saj.
Ajo mbahej e mbyllur në burgun Qarchak, në jug të Teheranit, dhe ekzekutimi me varje në litar duhej të ndodhte të mërkurën më 13 dhjetor. Por autoritetet iraniane e shtynë ekzekutimin me një javë. Dy fëmijët e vizituan ne qeli për herë të parë që nga burgimi i saj, për t'i dhënë lamtumirën.
Samira ishte 15 vjeçe kur u detyrua të martohej dhe ka dy fëmijë. Kur u burgos gati 10 vite më parë, më i madhi ishte 7 vjeç dhe më i vogli 6 muajsh. Pas muajsh të tërë pritje, e reja nuk mori dot faljen e prindërve të ish-burrit të saj, akt që do të kishte shmangur dënimin kapital.
Vajza, asokohe 19-vjeçe, nuk donte të toleronte më dhunën e tmerrshme të pësuar çdo ditë nga personi me të cilin ajo u detyrua të martohej që kur ishte ende adoleshente. Ajo e vrau burrin e saj në vitin 2013, 4 vite pas martesës së detyruar. Tani Samira e ka humbur aftësinë për të folur dhe është e detyruar ta lëvizë me karrocë sepse nuk mundet të ecë.
Kodi Penal Islamik thekson se ata që akuzohen për “vrasje” apo plagosje të rëndë, i nënshtrohen “qisas”, ligjit të hakmarrjes, pavarësisht qëllimit apo rrethanave në të cilat personi në fjalë është fajtor për krimin. Kësisoj, vendoset nëse duhet vrarë, nëse ka vrarë dikë, gjymtuar nëse ka gjymtuar dikë, apo nëse duhet të ketë një “kompensim material” (ekonomik).
Kur një i pandehur shpallet fajtor dhe dënohet, familja e viktimës ka fjalën e fundit mbi dënimin që do t'i jepet. Pra ajo vendos nëse i dënuari do të duhet të vuajë dënimin e dhënë nga gjykata, pra të paguajë “diyeh” (çmimin e gjakut), apo nëse duhet të falet (“rezajat”). Në rastin e Samirës, gjyshërit e fëmijëve të saj zgjodhën që ajo të ekzekutohet me varje në litar.
Republika Islamike është xhelati më i tmerrshëm i grave në botë, duke varur të paktën 16 gra në vitin 2022 dhe 17 të tjera që nga fillimi i këtij vitit. Po ashtu, Irani është një nga vendet e pakta në botë që dënon me vdekje të miturit. Që nga viti 2010 janë të paktën 68 të mitur që janë ekzekutuar.
Hamidreza Azari ishte një djalë 17-vjeçar iranian që u ekzekutua muajin e kaluar së bashku me Milad Zohrevand, një djalë i ri 22 vjeç. Ironikisht, të dy djemtë u varën në të njëjtën ditë kur Republika Islamike e Iranit drejtoi Forumin Social 2023 nga Këshilli i Kombeve të Bashkuara për të Drejtat e Njeriut.
Pikërisht në ato orë trupat e Azar dhe Zohrevand vareshin nga një vinç në oborrin e burgut Sabzevarit, në provincën Horasan, ndërsa britma “Allahu Akbear” bëri jehonë në kohën e namazit të parë të sabahut. Të ekzekutuar pa prova, dhe pas një gjyqi farsë.
Të njëjtin fat patën edhe 8 të burgosur të tjerë, 7 prej të cilëve kurdë. Ata u varën herët në mëngjes në burgun Ghezel Hesar në Karaj, në burgun Lakan në Rasht. Midis tyre ishte edhe Geda Ali Sabermotlaq, 62 vjeç, mbështetës i Organizatës së Muxhahedinëve të Popullit iranian.
Tetë të burgosurit u varën ditën që liderët e Teheranit u mirëpritën në Dubai në samitin e OKB-së për klimën. Më shumë dënime me vdekje u zbatuan të martën, më 12 dhjetor, me të paktën 3 të burgosur kurdë në burgun qendror të Karajit. Ata ishin Amin Zakeri Kakavand, Rahim Amiri nga Harsin dhe Khalil Haji Abadi i Kangavarit (krahina Kermanshah).
Pothuajse si të gjithë të burgosur politikë kurdë, edhe ata janë akuzuar për krime të lidhura me drogën. Ndërkohë, 6 qytetarë që i përkasin sektit Bahá'í janë dënuan me 29 dhe 10 vjet muaj burg nga seksioni 36 i Gjykatës së Apelit të provincës së Teheranit për “propagandë kundër Republikës Islamike”.
Dënimi shënon një valë të re shtypjeje kundër një komuniteti që ka qenë gjithmonë i diskriminuar. Lëvizja fetare Bahá'í-të ështe e mirë-organizuar dhe ka një komunitet të fortë me një ndikim të madh në SHBA dhe Izrael. Në Iran ajo u persekutua edhe nga Shahu, teksa u pengua të ketë qasje në sistemin arsimor.
Feja e tyre nuk njihet zyrtarisht, dhe ata janë të detyruar ta fshehin identitetin e tyre si shiitë jo-ortodoksë. Ndërsa sunnizmi, krishterimi dhe judaizmi janë fe të njohura, edhe pse të kundërshtuara fuqishëm, doktrina e Bahá'í konsiderohet një herezi.
Në mesin e kurdëve, tek më të përndjekuritit, ka nga ata që kryejnë veprimtari klandestine, kolbar. Kolbarët janë kurdë që jetojnë me tregtinë midis 2 kufijve. Ky është burimi i tyre i vetëm sepse Korpusi i Gardës Revolucionare Islamike i privoi ato nga çdo mjet mbështetjeje. Ata masakrohen çdo ditë.
Pasdaran i ndjek dhe kap në malet në kufi me Irakun. Ata janë në shenjestër të rojeve kufitare ndërsa ngjiten në male së bashku me fëmijët e tyre dhe familjet e tyre të përbëra nga gratë por edhe të moshuarit. Një tmerr i vërtetë, një krim tjetër kundër njerëzimit që kryhet çdo ditë nga Republika Islamike në Iran.
Vetëm në nëntor, regjimi iranian ekzekutoi me varje në litar 176 persona. Gardianët e Revolucionit Islamik, Pasdaran kanë zhdukur 118 qytetarë të pakicave në zona të ndryshme të vendit, gjithmonë vetëm në muajin nëntor. Ndër ta 44 janë kurdë, 7 beluçë, 18 ithtarë të minoritetit fetar Bahá'í; mes tyre 40 gra dhe 7 gilaki, (grup etnik me origjinë nga Deti Kaspik jugor), 2 kurdë dhe 5 të mitur, që të gjithë kurdë.
Që nga 1 janari i këtij viti, janë kryer çdo ditë në agim rreth 750 varje në litar gjithsej, dhe thuajse të gjithë ishin të burgosur politikë. Është një shifër e paprecedentë në 8 vitet e fundit. Regjimi iranian po përfiton nga lufta në Gaza për t'i dhënë një zgjidhje përfundimtare shtypjes së minoriteteve dhe çdo kundërshtari.
Nuk është aspak një rastësi që ekzekutimet u shtuan ndjeshëm që nga fillimi i luftës në Gaza, me të paktën 176 njerëz të ekzekutuar në 60 ditë: ose rreth 3 të varur në ditë. Po ashtu, është e rëndësishme të theksohet se nuk ka asnjë dyshim se koston më të madhe të kësaj lufte paqësore për rrëzimin e Republikës Islamike, po e paguajnë pakicat e ndryshme etnike dhe fetare të vendit: gra dhe burra, nga qendra dhe periferia, të angazhuar në një rezistencë të pabesueshme, e njëjta gjë që u pa që prej shkurtit të vitit 1979, të nesërmen e marrjes së pushtetit nga Khomeini, prej 16 shtatorit 2023 po shfaqet me një vendosmëri të jashtëzakonshme.
aleksander vucic Nga Andrea Dudik & Misha Savic “Bloomberg” Në fillim të këtij vitit, presidenti serb Aleksandar Vucic b&eu...
Enton Abilekaj Ajo qe po ndodh keto momente me gazetarin e Ora News, Elton Qyno, eshte duke u shnderruar ne nje skandal. Prej 11 oresh, SPAK e ka mbajtur n...
foto ilustruese Nga Max Hastings “Bloomberg” “Gjithçka do të përfundojë deri për Krishtlindje!”, ë...
Mattia Feltri Nga Mattia Feltri “Huffington Post Italia” Çfarë do të ndodhë me ne, nëse pas 11 muajsh Donald Trump...
Xi Jinping Nga Federico Giuliani “Il Giornale” Dhjetë rrathë koncentrikë interesash për të përshkruar objektiva...
Kyriakos Mitsotakis dhe Rexhep Taip Erdogan Nga Francesco De Palo “Formiche” Kyriakos Mitsotakis dhe Recep Tayyip Erdogan nënshkruan Dek...
Nga Fabio Marco Fabbri “Opinione.it” Zgjedhjet në Shtetet e Bashkuara përfaqësojnë një aspekt të politikës q&e...
Foto ilustruese Nga Marcus Walker & Ievgeniia Sivorka “Wall Street Journal” Teksa bora po binte në heshtje në një bazë...
Foto ilustruese Nga Nadim Koteich “The Spectator” Kryediplomati i Bashkimit Evropian, Josep Borrell, mbajti javën e kaluar një q&eum...
Kosova Nga Giorgio Cafiero “National Interest” Në kundër të shpërbërjes së Jugosllavisë në fillimin e ...
