Aktualitet

975 dozat e vaksinës antiCOVID erdhën nga Gjermania, Ambasada: S’kemi informacion! Qeveria e aplikoi me ngut, Pfizer qëndroi vetëm 1 orë në Rinas dhe u dërgua në “Air Albania”

EKSKLUZIVE
  • Ambasada gjermane në Tiranë për vaksinat anti-COVID: S'kemi informacione!
  • Vaksinat anti-COVID dhuratë nga Gjermania? Flet mjekja Aurora Dollenberg: Vijnë nga një organizatë
  • Koduzi: Rama i solli kontrabandë nga Gjermania, veproi si një magjistar pas indinjatës së darkës në Dubai
  • Zbulohet misteri! Vaksinat anti-covid kanë mbërritur nga Gjermania. Kryeministri Edi Rama tha se nuk e tregonte dot vendin pasi ishte kërkuar koefidencialitet, por në faturë shihet se dërguesi është kompania Pfizer! Ambasada Gjermane në Shqipëri, pretendon se nuk ka informacione. Ndërsa sipas mjekjes Aurora Dollenberg, dozat anti-COVID vijnë nga Gjermani, por i ka paketuar një organizatë joqeveritare. Megjithatë nuk ka asnjë reagim zyrtar. 
    Featured image of article: 975 dozat e vaksinës antiCOVID erdhën nga Gjermania, Ambasada: S’kemi informacion! Qeveria e aplikoi me ngut, Pfizer qëndroi vetëm 1 orë në Rinas dhe u dërgua në “Air Albania” Edi Rama dhe foto ilustruese
    Përditësuar:

    TIRANË– Gjermania është vendi nga ku i erdhën Shqipërisë 975 dozat e para të vaksinës Pfizer/BioNtech. Kanali i famshëm bilateral për të cilin foli dje kryeministri Edi Rama është Gjermania, si vend eksporti dhe origjine i vaksinës që ka mbërritur në Shqipëri. Dosja.al ka siguruar dokumentacionin e plotë bashkëngjitur “valixhes” me 975 doza Pfizer/BioNtech. Ndërkohë që Ambasada Gjermane në Shqipëri, në një reagim për mediat nuk ka mohuar asgjë, por ka pretenduar për mungesë informacioni. 

    Në faturën e zhdoganimit të vaksinës në Rinas, shihet se vaksina ka si vend origjine dhe eksporti Gjermaninë, ndërsa dërguesi është kompania Pfizer/BioNtech. Vaksina ka mbërritur në Shqipëri në orën 13:45, dhe është zhdoganuar në orën 14:42, 18 minuta para se në stadiumin “Air Albania” të niste vaksinimi. 

    Pritësi është agjencia doganore ‘Ben Impex&Co”, ndërsa bie në sy fakti se kutia me vaksina ka mbërritur “DORAZI”. Në faturën e zhdoganimit shihet se vakina është transportuar dorazi me kuti, dhe më pas është tërhequr nga punonjësi i agjencisë doganore për të kaluar tek Instituti i Shëndetit Publik, institucion që e ka kaluar me urgjencë vaksinën tek stadiumi Air Albania.

    Ndryshe nga sa u tha dje në media nga kryeministri Edi Rama se vaksina qëndroi tri ditë në doganë, ndërsa mjeku Pëllumb Pipero tha se vaksina ishte në ambientet e Institutit të Shëndetit Publik në mëngjes, shihet se vaksina ka qëndruar vetëm 1 orë në Rinas, ku ka mbërritur në 13:45 dhe ka dalë më 14:42. 

    Për më shumë bëhu pjesë e grupit më viral në Facebook, Dosja.al

    Ajo që nuk kuptohet është nguti i qeverisë dhe kryeministrit Edi Rama për të njoftuar se vaksina kishte ardhur në kohën që ajo nuk ishte akoma në Shqipëri, apo fakti se vaksina u aplikua në një kohë rekord dhe pa i dhënë informacion publikut nëse Agjencia Kombëtare e Barnave dhe ISHP e kanë kontrolluar vaksinën pas mbërritjes në Rinas. 

    Po ashtu është e paqartë nëse Gjermania i ka dërguar vaksinat privatisht apo qeveria shqiptare i ka siguruar ato në rrugë private me kompaninë Pfizer. Sipas mjekjes Aurora Dollenberg, dozat anti-COVID vijnë nga Gjermani, por i ka paketuar një organizatë joqeveritare. Megjithatë nuk ka asnjë reagim zyrtar. 

    (F.G;F.M/dosja.al)

    • 13:16

      SIGURIA/ A e ndoqi qeveria protokollin për shkrirjen e flakonëve të Pfizer?! Udhëzimi që bie ndesh me praktikën, dozat duhet të rrinë në temperaturë 25 gradë C për 30 minuta... u zbatua?

      Është e paqartë mënyra sesi Shqipëria e nisi dje vaksinimin me 50 mjekët dhe infermierët e parë, por edhe me kryeministrin Edi Rama. Dosja.al raportoi sot sesi vaksina hyri nga Gjermania në Shqipëri, ndërsa ende nuk dihet sesi u sigurua ajo. Ndërkohë që një tjetër element i rëndësishëm që ende nuk është sqaruar është ndjekja e përpiktë e protokollit të sigurisë siç kërkohet nga prodhuesi Pfizer/BioNtech. 

      Dosja.al ka parë një nga udhëzuesit e përzierjes së vaksinës që ndodhet në ambientet e Air Albania Stadium. Në këtë udhëzues përdorimi, thuhet qartë se para përdorimit, vaksina e Pfizer/BioNtech, që ruhet në temperaturën ekstreme -70 gradë, duhet që të shkrihet. 

      Shkrirja e flakonëve të vaksinës Pfizer/BioNtech COVID19 para përdorimit mund të realizohet nëpërmjet:

        1. Lënies së flakonëve të shkrihen në frigorifer në +2 gradë C deri në 8 gradë C. Një kuti kartoni me flakonë mund të kërkojë deri në 3 orë për t’u shkrirë dhe flakonët e shkrirë mund të ruhen në frigoriferë deri në 5 ditë (120 orë).
        2. Lënies së flakonit në temperaturë dhome në temperaturë dhome deri në 25 gradë C për 30 minuta.
        3. Flakonët duhet të arrijnë temperaturën e dhomës përpara hollimit dhe duhet të hollohen brenda 2 orësh nga arritja e kësaj temperature.
        4. Para hollimit flakoni i vaksinës përmbyset butësisht 10 herë.
        5. Mos e tundni atë.
        6. Kontrolloni lëngun në flakonë përpara hollimit. Lëngu është nëjë pezulli e bardhë në bezhë dhe mund të përmbajë grimca amorfe të bardha në bezhë.
        7. Mos e përdorni nëse lëngu është i zbardhur apo nëse vërehen grimca të tjera.

      Por a u shkri vaksina e Pfizer në temperaturën që duhet? Nga verifikimi, referuar dokumenteve zyrtare të shtetit shqiptar, vaksina hyri në Shqipëri mesditën e djeshme, në orën 13:45 dhe u zhdoganua në 14:42, vetëm 18 minuta nga nisja zyrtare e orarit të vaksinimit. A mund të shkrinte vaksina gjatë kësaj kohe? Autoritetet ende nuk kanë një reagim zyrtar, që nga dje, kur u pretendua se Pfizer ndodhej në godinën e ISHP.

    • 12:01

      Me urgjencë! Nga Rinasi tek ‘Air Albania’, ora e zhdoganimit të vaksinës në aeroport nxjerr zbuluar qeverinë, vaksina ‘fluturoi’ për 20 minuta, nuk ktheu për asnjë moment tek ISHP

      975 dozat e vaksinës anti-Covid të Pfizer/ Biontech u zhdoganua një ditë më parë në aeroportin e Rinasit, vetëm 15 minuta përpara se bluzat e bardha dhe kryeministri Edi Rama të uleshin në postacione për tu vaksinuar.

      Dosja.al ka siguruar ekskluzivisht dokumentin ku duket edhe ora e zhdoganimit të vaksinës anti-Covid dhe është pikërisht 14:42 18 minuta para orës 15:00, moment kur dhe nisi me urgjencë procesi i vaksinimit.

      Dokumenti i zhdoganimit:

      Ky dokument rrëzon eshe deklaratat e bëra nga kryeministri Edi Rama dhe Ministrja e Shëndetësisë Ogerta Manastirliu, të cilët thanë se vaksinat janë të vendosura në frigoriferët -70 gradë në ISHP.

      Por koha që i ka mbetur vaksinës për të bërë rrugën nga aeroporti i Rinasit tek stadiumi “Air Albania”, nuk mjaftonte për të kthyer tek ISHP-ja!

    • 12:01

      DOKUMENTET/ U pagua 1 EURO dhe erdhën dorazi në Rinas! Detajet nga sjellja e vaksinës në Shqipëri

       Dosja.al ka siguruar dokumentacionin e plotë me të cilin vaksina Pfizer/BioNtech mbërriti në Shqipëri. Vaksina u soll nga Gjermania, ndërsa në faturën shoqëruese të saj, shihet se kutitë me 975 dozat e para kanë mbërritur në Rinas, dorazi.

      Dokumenti ku thuhet se vaksina erdhi dorazi:

      Po ashtu, ne siguruam edhe urdhërin e Agjencisë Kombëtare të Barnave që lejon Institutin e Shëndetit Publik të tërheqë vaksinën në Rinas.

      Në këtë urdhër sqarohet se janë 195 doza të plota të vaksinës që secila prej tyre përmban 5 doza prej 0.3 ml të vaksinës, e cila më pas përzihet me përbërësit e tjerë para se të bëhet vaksinimi.

      Vendi nga ku janë nisur vaksinat është Gjermania, ndërsa është e paqartë nëse dërguesi është vetë kompania Pfizer apo një autoritet gjerman. Autoritetet shqiptare e kanë marrë falas kutinë me 975 doza dhe kanë paguar vetëm 1 euro si tarifë për të tërhequr “porosinë”.

    • 12:01

      DOKUMENTI-Ekskluzive/ Gjermania ishte vendi nga ku erdhën Shqipërisë 975 dozat, vaksina është Pfizer!

      Gjermania është vendi bujar nga ku i erdhën Shqiperisë 975 doza për të nisur procesin e vaksinimit me Pfizer/BioNtech. Ndryshe nga sa u aludua dje në media se vaksina u dhurua nga Greqia, Dubai apo Austria, është Gjermania, vendi që zgjodhi ti përgjigjej me PO, “lutjes” së qeverisë shqiptare.

      Dokumenti:

       

      Në këtë dokument të siguruar nga Dosja.al verifikohet se vaksina erdhi nga Gjermania dhe u zhdoganua në Shqipëri. Vaksina është Pfizer/BioNtech dhe ka mbërritur në vendin tonë bashkë me të gjithë strukturën e nevojshme, shiringa dhe flakonë.

    Një Koment në “975 dozat e vaksinës antiCOVID erdhën nga Gjermania, Ambasada: S’kemi informacion! Qeveria e aplikoi me ngut, Pfizer qëndroi vetëm 1 orë në Rinas dhe u dërgua në “Air Albania”

    1. Kjo deklarata nuk lexohet ashtu sic e lexoni juve. Ka marrveshje tregtare tripaleshe ne rastin konkret mund te jete marrveshja Shteti X ble ke Pfizer dhe kerkon dorezimi ne Shqiperi. Ne kete rast ne deklaraten e importit Exportuesi do dali Pfizer dhe importuesi ISSH. Sa i takon transportit dorazi shenohet kur transporti ofrohet nga Shitesi ne kete rast po te shohim rubriken 20. Term levrimi (incoterms) CPT qe do te thot Transporti dhe te gjitha rreziqet mbulohen nga Shitesi rasti konkret Pfizer.

    Shto Koment