Tiranë- Operacioni Forca e Ligjit ka sekuestruar së fundmi 9 automjete luksoze dhe ka bllokuar një pasaportë. Mësohet se i janë sekuestruar 3 automjete Eduard Dushkut, ( i njohur edhe si i ‘forti’ i Saukut), një fuoristradë personit me inicale G. K, një “Audi A6” personit me inicale V. H, një makinë shtetases me inicale L. M dhe 3 automjete në pronësi të A. G, E. K dhe L. K. Gjithashtu i është bllokuar pasapora për një afat 6-mujor një personi nga Lezha.
Më 20 shkurt, OFL i dërgoi formualin për të deklaruar pasurinë e tij, Eduard Dushkut, i dënuar më herët për “Shkatërrim të pronës me zjarr”, “vrasje me dashje e kryer në bashkëpunim”, “armëmbajtje pa leje” dhe “dhunë në familje”. Po kështu, më herët Dushku ka bërë ‘biznes’ me ish-kryeprokurorin, Adriatik Llalla, i cili bleu pronën e tij.
Njoftimi i Policisë:
Vijon Operacioni Forca e Ligjit, me veprime konkrete në terren. Vendoset sekuestro në kushtet e emergjencës, për 9 automjete. Gjithashtu vendoset sekuestro edhe për një pasaportë, për moslejimin e daljes jashtë shtetit të poseduesit të saj. Në zbatim të ligjit special për masat pasurore ndaj individëve të dënuar apo akuzuar për krim të organizuar, Operacioni Forca e Ligjit, në zbatim të Aktit Normativ Nr. 1, datë 31.01.2020, bazuar në Nenin Nr. 19 “Sekuestrimi i pasurisë nga Policia e Shtetit në rastet e emergjencës”, Drejtori i Përgjithshëm i Policisë së Shtetit ka nxjerrë urdhrat e sekuestrimit për 9 automjete dhe një pasaportë dhe konkretisht:
– Tre automjete autovetura në pronësi të shtetasit E. D., banues në Farkë, Tiranë;
– Automjeti fuoristradë në pronësi të shtetasit G. K., banues në Maqellarë, Dibër;
– Automjeti Audia A6, në pronësi të shtetases V. H., banuese në Korçë;
– Automjeti në pronësi të shtetases L. M., banuese në Lezhë;
– Automjeti në pronësi të shtetasit A. G., banues në Gjirokastër;
– Automjeti në pronësi të shtetases E. K., banuese në Gjirokastër;
– Automjeti në pronësi të shtetases L. K., banuese në Gjirokastër;
Gjithashtu, bazuar në Nenin Nr. 11 për “Masat parandaluese personale në raste emergjencës”, i është bërë bllokimi i pasaportës dhe i është ndaluar dalja jashtë shtetit, për një afat 6-mujor, një shtetasi, banues në Lezhë. Me vendosjen e kësaj mase sekuestroje, automjetet i kalojnë në administrim Agjencisë së Administrimit të Aseteve dhe dosjet pasurore të këtyre personave do t’i kalojnë SPAK-ut, për veprime të mëtejshme. Gjatë kësaj periudhe, OFL nuk ka ndërprerë asnjë ditë punën, por ka vijuar me veprime për kompletimin e dosjeve hetimore të shtetasve që janë subjekt i OFL-së. Policia e Shtetit, nëpërmjet strukturës së posaçme OFL, është e vendosur që në bashkëpunim me SPAK-un dhe agjencitë e tjera ligjzbatuese, brenda dhe jashtë vendit ta çojë deri në fund këtë operacion jetik, me interes të madh kombëtar e ndërkombëtar.
Që prej 3 shkurtit, OFL ka nisur goditjen dhe sekuestrimin e pasurive të emrave të njohur të botës së krimit. OFL ka dërguar tashmë formularin tek Suel Cela dhe Plarent Dervishaj, Dash Gjoka, Emiljano Hysenaj, Lulzim Berisha, Edlir Hysenaj, Altin Hajri, Ardian Capja, grupi i Dukagjinit, Saimir Taullau, Ben Qimja, Durim Bami, Landi Muharremi, Bardhok Pllanaj, Alberto Lamaj, Dritan Dajtit, Xhevdet Troplinit,Emiljano Shullazit, Gjergj Cukalit, Orges Jahelezi dhe Pajtim Serjanit, Gazmend Mahmutajt, Edison Çobos, Ervis Martinajt, Arben dhe Valentino Kaçorrit, Altin Lames, Eduard Dushkut, Fatjon Lazes, Kreshnik Budllës, Astrit Avdylajt, Astrit Balliut,Arben Frrokut, Jasin Kalas Durim Keçit, Flamur Hakës , Talo Çelës, Aurel Hoxhallarit, Elidon Kotorrit., Edmond Begos, Eduart Nazarit Gentian Cakos. Ervis dhe Leonat Gavellit. Ahmet Isufaj Zaim Tafa Vangjel Zijaj dhe Ervis Rapo
J.V/Dosja.al
1 vit nga zgjedhjet e 25 prillit si e shikoni gjendjen e vendit:
Tiranë- Ditën e sotme në ambientet e burgut “313” në Tiranë janë futur specialistë të Institutit të Shëndetit Publik, të cilët po u marrin tamponët disa të bu...
Elbasan- Ditën e sotme në qytetin e Elbasanit rezultuan të infektuar edhe 2 persona të tjerë, burrë e grua, përkatësisht 62-dhe 60-vjeç. Burime për Dos...
Tiranë- Zv/ministjra e Shëndetësisë, Mira Rakacolli ka pranuar ditën e sotme se një burgosur tek burgu “313” rezulton i infektuar me covid-19. “Janë bërë 40 t...
Elbasan- Shkon në 18 numri i të infektuarve në Elbasan, pasi është prekur nga COVID-19 një çift. Burime për Dosja.al bëjnë me dije se të infektuar kanë r...
TIRANË– Gjatë 24 orëve të fundit ka vijuar hetimi epidemiologjik për zbulimin e rasteve të reja me COVID-19. Një një deklaratë për mediat zëvendës ministrj...
TIRANË- Teksa debatet për COVID-19 “vlojnë” dhe fakti që ende shkencërisht nuk është provuar origjina e virusit, ato që kanë mbizotëruar kanë qenë teori ng...
Tiranë- Shënohet viktima e 27 nga COVID-19 në vendin tonë. Mësohet se ka humbur jetën një 71-vjeçar nga Durrësi, i cili ishte i shtruar në spitalin “She...
Korçë- 13 emigrantë që ishin të karantinuar në një hotel në Korçë kanë dalë nga karantina. Por, problem është likuidimi i hotelit, pasi emigrantë...
VLORË- Shqipëria prej gati 2 muajsh është duke luftuar me pandeminë e COVID-19, e përt ë parandaluar përhapjen e shpejtë të virusit qeveria ka marrë një së...