Politike

Protesta e 7 korrikut, Berisha me të rinjtë e FRPD: Revoltat nuk do shuhen më, monizmi Rama do bjerë

Gjatë fjalës së tij, me të rinjtë e FRPD-së, Berisha listoi të gjitha arsyet se përse duhet të dalin në protestën e datës 7 korrik, ndërkohë që ftoi të rinjtë të bëhen pjesë e saj.

4 Korrik 2022, 18:15 Nga I.A
Protesta e 7 korrikut, Berisha me të rinjtë e FRPD: Revoltat nuk do
pamje nga takimi

TIRANË- Ish-kryeministri Sali Berisha është takuar pasditen e sotme me të rinjtë e Forumit Rinor të Partisë Demokratike. Gjatë fjalës së tij, me të rinjtë e FRPD-së, Berisha listoi të gjitha arsyet se përse duhet të dalin në protestën e datës 7 korrik, ndërkohë që ftoi të rinjtë të bëhen pjesë e saj. 

Berisha tha se protesta e datës 7 korrik është me qëllimin e vetëm për të rrëzuar qeverinë e Ramës dhe për të dalë nga monizmi. Ai po ashtu theksoi se të rinjtë janë në krye të misionit të Partisë Demokratike për të shpëtuar Shqipërinë. 

Berisha po ashtu para të rinjëve të FRPD-së bëri përgjegjëse opozitën për dështimin e protestës së Astirit, Teatrit Kombëtar  si dhe kur u vra i riu Klodjan Rasha. Berisha përmendi edhe një faktor të tretë, atë të grupeve të shoqërisë civile që nuk donin të politizonin kauzat për të cilat protestonin.

Nga ana tjetër kryetari i Forumit Rinor të Partisë Demokratike, Belind Këlliçi siguroi në takimin me kryedemokratin Berisha, se të rinjtë do të jenë në protestën e 7 korrikut. Ai tha se shpopullimi dhe politikat e qeverisë po rrëmbejnë të ardhmen e shqiptarëve dhe të rinjve, por shtoi se në datën 7 korrik ata, do të japin mesazhin e fortë se rinia e këtij vendi është gjallë dhe më e fortë se kurrë.

sali berisha

Sondazh

Poll

MË SHUMË