Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË- Banorët e ndërtesës pranë gjimnazit “Petro Nini” u zgjuan mëngjesin e sotëm me punonjësit e IKMT-së që u kërkonin të lironin shtëpitë. Që prej atij momenti prej 5 orësh, anëtarët e 4 familjeve u përplasën me policinë dhe punonjësit e Përmbarimit në përpjekje për të mbrojtur pronën e tyre. Banesa në zonën pranë gjimnazit “Petro Nini” në Tiranë, do të shembet, pasi toka ku ata kanë ndërtuar banesën iu është kthyer pronarëve. Nga kjo shembje, preken rreth 15 banorë që iu përkasin 4 familjeje. Ata refuzojnë të lirojnë banesat e tyre. Një nga anëtaret e kësaj familjeje është një grua shtatzënë, e cila është përplasur edhe me policinë. Policia ka shoqëruar në komisariat disa prej banorëve që kanë kundërshtuar ndërhyrjen e IKMT. Madje njëra prej tyre, Blerta Sadiku është efektive e repartit të Shqiponjave. Banorët janë shprehur se pronën e kanë blerë që në vitin 1939, kohë edhe kur ajo është sekuestruar nga qeveria e kohës. Ata pretendojnë se vendimi i Apelit është i padrejtë pasi prona nuk është marrë pas 28 nëntorit të vitit 1944 dhe duhet t’i rikthehet pronarit sipas ligjit 7501. Në shenjë revolte banorët i vunë flakën disa mbeturinave anash banesës, por me ndërhyrjen e policisë, zjarri u shua. Banorët thonë se nuk kanë për t’a lejuar shembjen, pasi sipas tyre kjo është grabitje. Sipas tyre, ndërtesa është në proces legalizimit. Ministri i Brendshëm, Sandër Lleshaj tha se Policia e Shtetit e ka detyrim ligjor të mbështesë përmbarimin, por edhe që të jetë edhe dinjitoze, gjë që sipas tij sot nuk ka ndodhur. Kryeministri Edi u shpreh se pamjet e transmetuara ishin të trishta, por qeveria nuk ka asnjë fuqi mbi vendimet e gjykatave. Ndërsa kryebashkiaku Erion Veliaj tha se do t’i ofronte banorëve të shtëpive strehim në banesat sociale. Dita e sotme u mbyll. Betejën e parë e fituan banorët, ndërsa presin me ankth të nesërmen.
Zhvillimet orë pas ore nga tensionet tek Petro Nini:
Ora 16:00- Banorja: S’ ka marrëveshje për shtëpinë, e kemi në proces legalizimi
Njëra prej banoreve të ndërtesës që do të shëmbet tek Petro Nini është shprehur nuk do të ketë një marrëveshje për pronën e saj. Ajo u shpreh se ndërtesa e tyre është ende në proces legalizimi.
Ora
Kryebashkiaku Veliaj shkruan se Bashkia e Tiranës nuk ka asnjë përfshirje me rastin por se është i gatshëm që të ofrojë mbështetje me banesa sociale pavarësisht vendimit të gjykatës.
Ora 15:33 – Policia largohet nga banesa tek Petro Nini
Policia e Tiranës, pas më shumë 5 orësh, është larguar nga banesa tek “Petro Nini” e cila do të shembej.
Ora 15: 23- Shembja e banesës tek “Petro Nini”/ Cilët janë gjyqtarët që kanë dhënë vendimin
4 familje pritet të dalin në rrugë nga ora në orë, pas ndërhyrjes së Inspektoriatit Kombëtar të Mbrojtjes së Territorit. Banesa në zonën pranë gjimnazit “Petro Nini” në Tiranë, do të shembet, pasi toka ku ata kanë ndërtuar banesën iu është kthyer pronarëve.
Ora 14:40– Prishja e banesës tek ‘Petro Nini’, Rama: S’kam asnjë fuqi
Kryeministri Edi Rama i ka quajtur pamjet e transmetuara nga mediet si të trishtueshme, por shprehet se ai nuk ka asnjë fuqi përballë përmbarimit.
Ora 14:15- Sandër Lleshaj ‘dush të ftohtë’ policëve: Duhet të jeni dinjitozë, sot s’ishit
Rreth situatës së krijuar dhe shoqërimeve të bëra nga ana e Policisë së Shtetit, ka reaguar edhe ministri i Brendshëm. Ai shprehet se ndonëse policia e ka detyrim ligjor të jetë pranë përmbaruesve, ajo ka gjithashtu detyrë që të jetë dinjitoze, që sipas tij nuk kanë qenë.
Ora 12:10- Përmbaruesit shkelmojnë portën ndërsa tentojnë të hyjnë në banesë prë të nxjerë familjarët e tjerë.
Dosja.al ka fiksuar momentet kur përmbaruesit pasi prishin bravën e derës me vare, shkelmojnë atë ndërsa nga ana tjetër banorët mbështeten pas saj duke mos lejuar përmbaruesit të hyjnë.
Ora 11:50- Foto për të mos u humbur, policet ‘shpërthejnë’ në lot nga klithmat e nënave dhe fëmijëve
Dosja.al ka siguruar foto nga momentet kur disa efektive të Policisë së Shtetit shpërthejnë në lot teksa përpiqen të qetësojnë fëmijët dhe nënat e tyre, të cilët klithin nga situata e krijuar dhe frika se do të mbeten rrugëve.
Ora 11:18- Gruaja shtatzënë lutet që të futet në banesë, fëmija qan me të madhe, polica s’e lejon (VD)
Dosja.al ka siguruar videon e momentit kur gruaja shtatzënë është duke debatuar me forcat e policisë dhe është në gjendje të rëndë psikologjike.
Njëri nga banorët ka shpërthyer në sharje ndaj autoriteteve dhe prokurorisë, ndërkohë që nuk lë pa përmendur edhe prokuroren Arta Marku.
Ora 10:48- Tensione te “Petro Nini”, shoqërohen në polici disa banorë, një grua humb ndjenjat (VIDEO)
Banorët janë përplasur me policinë dhe janë arrestuar disa prej tyre. Ata shfaqen në gjendje të rëndë psikologjike dhe janë shtrirë në rrugë dhe qajnë. Në momentin e arrestimit një grua ka humbur ndjenjat pasi ishte shumë e tensionuar nga situata e krijuar e cila është ndihmuar nga qytetarët.
Ora 10:40- Iu rrezikohet banesa, fëmijët tentojnë të hidhen nga çatia, gruaja shtatzënë e shtrirë në rrugë (VD)
Banorët janë në gjendje të rëndë psikologjike dhe janë shfaqur në rrugë të shtrirë dhe duke qarë. Ata i kanë vënë edhe flakën banesës disa mbeturinave, që rrezikojnë të përfshijnë dhe objektin. Fëmijët e banorëve kanë tentuar të hidhen nga çatia por janë parandaluar nga policia.
(J.V/F.G/Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË– 4 familje pritet të dalin në rrugë nga ora në orë, pas ndërhyrjes së Inspektoriatit Kombëtar të Mbrojtjes së Territorit.Banesa në zonën pranë gjimn...
TIRANË- Policia e Tiranës, pas më shumë 5 orësh, është larguar nga banesa tek “Petro Nini” e cila do të shembej. (Lexo këtu)Në këtë familje jetojnë 4 famil...
GJIROKASTËR- Shembja e 28 objekteve në Këlcyrë, që preken nga projekti rehabilitues për sheshin e Këlcyrës, vazhdon të hasë në rezistencën dhe kundërshtinë...
TIRANË- Gjykata e Apelit për Krimet e Rënda ka shtyrë sërish seancën në ngarkim të ish-truprojës së Sali Berishës, Izet Haxhisë. Gjykata vendosi që të shp...
Në një ceremoni solemne, Presidenti i Republikës, Ilir Meta vlerësoi sot me Dekoratën e lartë “Nënë Tereza” Presidenten e organizatës ndërkombëtare “People to P...
TIRANË- Gjykata e Krimeve të Rënda, pasi ka vlerësuar të vlefshëm arrestimin e Nelson Hysës, ish-boksier i Vllaznisë, i cili u arrestua të shtunën pasi ish...
VLORË-3 javë pas atentatit që iu bë në Ujë të Ftohtë ku humbën jetën kunati dhe shoku i tij, Armando Sulejmani, i njohur ndryshe si Çipuri ka ngelur...
TIRANË- Gjatë takimit të sotëm mes qeverisë dhe Federatës Shqiptare të Futbollit ku në fokus ishte çështja e dhunës në stadiume.(Lexo ketu). Kryemi...
MAT/Kryeministri Edi Rama ka publikuar së fundmi një video në të cilën shfaqet një 60-vjeçare nga Mati e cila nget makinën. Me shami të bardhë në kokë, e...
