AktualitetPolitike

Prishja e banesës tek Petro Nini, Veliaj: Nuk jemi të përfshirë, jemi gati t’i ofrojmë mbështetje familjeve

Kreu i Bashkisë së Tiranës, Eriom Veliaj ka reaguar lidhur me prishjen e ndërtesës pranë shkollës “Petro Nini Luarasi”. Ai shkruan se Bashkia nuk ka asnjë lidhje me rastin.
Featured image of article: Prishja e banesës tek Petro Nini, Veliaj: Nuk jemi të përfshirë, jemi gati t’i ofrojmë mbështetje familjeve

TIRANË– Kreu i Bashkisë së Tiranës ka reaguar lidhur me shembjen e ndërtesës pranë shkollës “Petro Nini Luarasi”, ku Policia dhe Përmbaruesit tentuan  për të nxjerrë nga shtëpia 4 familje.

Kryebashkiaku Veliaj shkruan se Bashkia e Tiranës nuk ka asnjë përfshirje me rastin por se është i gatshëm që të ofrojë mbështetje me banesa sociale pavarësisht vendimit të gjykatës.

“Bashkia nuk ka ASNJE perfshirje te PNL, as ka PDV apo leje ndertimi! Konflikti i pronareve te tokes me banoret e nje ndertese me shtesa pa leje eshte trajtuar ne GJYKATE! Ata qe e politizojne na kujtojne prej kujt i kemi peshqesh keto gjykata e keto plage me pronat. E megjithate Bashkia e Tiranës eshte gati qe SOT t’i ofroje mbeshtetje me BANESA SOCIALE ne kushte shume me te mira se katet pa leje te gjithe familjeve te prekura nga ky konflikt mes DY PRIVATEVE per pronat, kontratat e llogarite e tyre, pavaresisht vendimit te gjykates!,”-shkruan Veliaj. 

Për më shumë bëhu pjesë e grupit më viral në Facebook, Dosja.al

Prej rreth orës 10 të mëngjesit të sotëm, banorët e 4 familjeve të një banese 2 katëshe, janë përplasur me Policinë e Shtetit dhe Përmbarimin, të cilët kërkojnë që të zbatojnë vendimin e gjykatës. Banesa ku ata jetojnë do të shembet, pasi toka iu është kthyer pronarëve. Ata pretendojnë se vendimi i gjykatës është i korruptuar dhe refuzojnë të lirojnë banesat e tyre. (Lexo këtu)

(k.m/dosja.al)

Shto Koment