Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Më shumë se një kryeministër i akuzuar për më shumë se 12 vite, Arben Ahmetaj zbuloi para syve tanë, një kryeministër sheik, që në këmbim të qeverisjes në favor të qytetarëve shet interesin publik për të garantuar jetën e sheikut dhe stilin e ri të jetës që i ka imponuar vetes si kryeministër.
TIRANË- Intervista e tretë e ish-zv.kryeministrit Arben Ahmetaj, ashtu edhe siç ishte njoftuar, zbuloi përpara publikut një sërë pazaresh, abuzimesh, para të hedhura në xhepat e të afërmve të ministrave dhe qeveritarëve, por kryesorja që është kthyer edhe në kryefjalën e reagimeve në rrjetet sociale këtë të martë, lidhet me stilin e jetesës së kreut të qeverisë.
Janë të paktën 10 episode denoncuese të ish-zv.kryeministri Arben Ahmetaj tregoi dje që përfshijnë direkt kryeministrin Edi Rama dhe kabinetin aktual dhe atë të mëparshëm të qeverisë. Ahmetaj foli për një luks të shfrenuar të kryeministrit Edi Rama, i cili sponsorizohet sipas tij nga biznesmenë shqiptarë që marrin leje ndërtimi te kryeministri.
Rama në Palace Hotel në Bolzano
Ahmetaj deklaroi se Rama ka qenë në një qendër detoksifikimi në Bolzano ku kushton 10 mijë euro trajtimi për person për një javë. Rama ka qenë dy herë bashkë me të shoqen.
“Po mirë, gazetarët investigativë, verifikoni ku ka qenë kreu i organizatës (Rama) në Palaco Hotel në Bolzano, qendër detoksifikimi. Ka qenë më shumë se dy herë. Ka qenë me zonjën e tij, personi kushton 10 mijë euro në javë. I ka paguar një biznesmen që është afër familjes dhe personi ka marrë në vazhdimësi leje ndërtimi. Le ta verifikojnë, Palace Di Merino, është një vend shumë i shtrenjtë, kanë qenë familjarisht, pa fëmijët dhe ka paguar biznesmeni që ka marrë leje ndërtimi. Ky që se ka tradhtuar asnjëherë Shqipërinë. Le t’i kërkojë SPAK-u, pse nuk i kërkon," tha Ahmetaj.
‘Komandon Shqipërinë’. Edi Rama me Ergys Agasin në Davos
Një tjetër moment interesant sipas Ahmetajt është edhe prania e Ergys Agasit me kryeministrin në Davos gjatë Forumit Ekonomik Botëror. Ahmetaj ngriti pyetje se çfarë përfaqësonte Agasi në këtë forum dhe përse sipas tij ai sot “komandon Shqipërinë”,
"Referojuni pak Encro Chat të SKY, fatkeqësisht për shkak të atyre dosjeve të ardhura në Belgjika dhe Franca dhe jo të nisura nga SPAK-u dhe unë do ta theksoj, kanë rënë katër qarqe elektorale, fatkeqësisht për ne që kemi lënë ditë, net, vit të tëra për të punuar me shumë qejf për Partinë Socialiste. Katër, ka rënë Shkodra, ka rënë Durrësi, ka rënë Elbasani, ka rënë Tirana. Po pse kjo është Partia Socialiste? Çfarë lidhje ka Partia Socialiste? Po pse mo, Partia Socialiste ka dalë të votojë për Gys Agasin që të komandojë Shqipërinë??? Jo mo, nuk e dija. Kur shkova në zgjedhje nuk e dija që do ndodhte kjo. Çfarë do Gys Agasi në Emirate me kryeministrin edhe në DAVOS, çfarë përfaqëson? Çfarë përfaqëson? Le t’i kthehem qytetarëve shqiptarë. Socialistëve, o miqtë e mi, diku më keni dash, diku më keni kritikuar, diku më keni urryer, emocione njerëzore. Për Gys Agasin keni votuar ju?" tha Ahmetaj.
“Kopështi privat i Kryeministrit, AKSHI”
Ahmetaj u ndal te projekti i laboratorëve të AKSHI-t dhe deklaroi se AKSHi është kthyer në kopshtin privat të Ramës. Sipas tij, familjarë të Ramës fitojnë para dhe bëjnë çfarë ju do qejfi.
“Gazheli t’ia japi dokumentat Gaxhua se sa janë futur paisjet e laboratorëve në Republikën e Shqipërisë. Po ua them, dhjetëfishi i kostove. Kam ekstrakte nga tatimet, po jap një shifër që të kuptoni se çfarë ndodh me AKSHI-n, AKSHI është kopshti privat i kryeministrit, ku njerëz të lidhur me familjen e tij, bëjnë çfarë ju do qejfi. Dhe është dhjetë fishi te laboratorët. Pyetje kam për gazetarët investigativë: Gërmoni këto, shkoni në doganë, po qe se nuk gjeni 10-fishin e kostos si fitim atëherë kthehuni tek unë. E dyta, gërmoni të dashur gazetarë investigativë, a janë grisur dy urdhër arreste përpara një muaji e gjysëm, dy muaj, në lidhje me laboratorët?”-tha Ahmetaj, e më pas zbuloi se një kompani e lidhur sipas tij me kryeministrin Edi Rama, ka marrë tender 15 milionë euro pa prokurim të hapur. “Pyetje për gazetarët investigativë, retorike, bëni çfarë të doni: Si është fshehur ish-kompania ABS tek kompani AIBS? Mund të bëni një kontroll se te SPAK-u s’kam besim. Kompanisë së baxhanakut. Si ka mundësi që kompania me xhiro 1.9 milionë euro, fiton tender 1.8 milion euro.”-tha Ahmetaj.
Konflikti i interesit me ECO PARK, Rama ia ‘rrasi’ Lefter Kokës
Arben Ahmetaj risolli çështjen e Eco Park dhe tha se hetimet për Lefter Kokën janë shtrirë dhe për Eco Parkun. Ahmetaj tha se ndërkohë kjo është afera e kryeministrit.
“Po ta risjell Eko-Parkun. Mësova një detaj interesant nga avokatët e mi. Që Ter Kokën e paskan akuzuar edhe për Eko-Parkun. Ter Koka s’ka qenë as ministër as e ka dhënë. Ore cila është arsyeja? Ore rrasi, po e fute brenda, se ky ishte edhe qëllimi ndaj meje, po e fute brenda rrasi sipër akuza se afërmendsh gjykata do vendosi atë që kërkon kreu drejtpërsëdrejti dhe përmes SPAK-ut. Eko-Parku është drejtpërdrejt korrupsion dhe konflikt interesi ku është e përfshirë familja e kryeministrit. Më thonë që dikush e ka çuar në SPAK.”-tha Ahmetaj.
Udhëtimet me Çarterat, bisedat e biznesmenit të kapur nga SPAK
Ahmetaj tha se ka mbi 12 fluturime me çarter të kryeministrit në telefonin e një biznesmeni të kapur nga SPAK.
“Në telefonin e një biznesmeni, kur të më vijë kujtesa do ta them, janë mbi 12 fluturime ‘çarterash’ të kryeministrit që e ka SPAK-u. Në një telefon të një biznesmeni në Shqipëri të kapur nga SPAK-u, janë 12 udhëtime me ‘çarter’ të kryeministit. Të dali të kundërshotjë. Ta detyroj Altin Dumanin unë dhe biznesmenin të nxjerri telefonin, ose të dalin të thonë, ti gënjen se ne e kemi fshirë.”-tha ai.
Shitja e borxhit publik me izraelitin te Dhoma e Luleve
Ahmetaj foli edhe për një tjetër favor të kërkuar nga Rama. Ai tha se Rama se i kishte kërkuar që të ndryshonte ligjin për të shitur borxhin publik të Shqipërisë tek një miku i tij izraelit. Ahmetaj dha detaje specifike në lidhje me këtë favor të kërkuar nga Rama. Episodi sipas tij ka ndodhur në vitin 2018, pak përpara se vendi të dilte në Eurobond, në një zyrë të quajtur “Dhoma e Luleve” në Kryeministri, hapësirë e kryeministrit, atje ku ai konsumon drekat.
"Kam një episod më kreun e organizatës dhe një mikun e vet izraelit te kopshti i luleve. Se përveç kopshtit të Edenit, ka edhe dhomën e luleve ku ha. Më ka kërkuar në tryezë me mikun e vet, unë isha përpara daljes në Eurobond, në 2018, që t’ia kaloja borxhin privatish (private selement) mikut të vet. Ka këmbëngulur dy herë. I kam thënë nuk bëhet. Nuk është në interes të Shqipërisë. Është e paligjshme, kostot janë të fshehta, Shqipëria humbet dhe nesër e ka të pamundur të dali në tregun ndërkombëtar. Bëhet fjalë për 1-miliardë dollar. Që t’i shkonte borxhi publik një dorë një njeriu.”, tha Ahmetaj.
Pagesat e NBA nga biznesmeni që mori leje ndërtimi
Ahmetaj akuzoi publikisht kryeministrin se ka shkuar në ndeshjet e NBA dhe se biletat ia ka paguar një biznesmen i cili është favorizuar me leje ndërtimi.
“A u kap me foto te ndeshja e NBA. Është 22 deri 28 mijë dollarë një biletë. Nuk e tregon kush ia ka paguar, e ka detyrim, po nuk e tregon. Po mirë, e di ti që katër bileta janë trefish e gjysmë e akuzës time për hotelet. Që le të qëndrojnë, nuk qëndrojnë, po le të qëndrojnë. Çfarë ka bërë SPAK-u? Ku i gjen ky këto para? Ky është i pandëshkueshëm, dhe për ata që do ky, ka mbaruar pandëshkueshmëria??? Edhe merret ky me Ben Ahmetajn, Ilir Beqajn, Ilir Metën, me Bardh Spahiajn, Ervin Salianjin…”-tha Ahmetaj.
33 mijë dollar verë e shtrenjtë te Dhoma e Luleve me kreun e krimit
Ahmetaj e çoi më tej akuzën për kryeministrin kur tha se teksa njerëzit vuajnë te Onkologjiku, kryeministri i ka krijuar vetes “Dhomën e Luleve” atje ku pi verë të shtrenjtë me krerët e krimit, të cilët më pas mburren që kanë qëndruar me kryeministrin.
“Një ngacmim për të lidhur kopshtin e Edenit me Onkologjikun. Vuajtjen e qytetarëve me kopshtin e Edenit me peshqit e kuq si avatari dhe in betëeen dhoma e luleve ku pihet kjo lloj vere me kordinatorin e krimit. Dhe njëri prej tyre mburret.”-tha Ahmetaj.
Sa qëndrojnë këto akuza?
Analiza që një ish-ministër i bën kabinetit ku ka qenë pjesë për më shumë se 8 vite në çdo vend të botës demokratike do të kishte bërë që shoqëria të dilte në rrugë e të kërkonte hetim dhe transparencë, që çdo gazetar të pyeste kryeministrin se kush e ndërtoi “Dhomën e Luleve”, kush ia paguan çarterin, kush e çon në ndeshjet e NBA dhe sesi e cënon qeverisjen e vendit, taksat dhe besimin që i është dhënë për ti qeverisur, duke e shitur qeverisjen në këmbim të stilit të tij të jetesës, identik me atë të një sheiku./Dosja.al
rexhep qosja KOSOVË- Me 17 dhjetor 2024 prej KQZ-së më erdhi ky mesazh: “Përshëndetje nga KQZ. Qendra jote e votimit ës...
foto ilustruese “Më kujtohet fare mirë ajo natë, më e llahtarshmja e jetës sime. "Elizer, o biri im, eja këtu! Dua t&e...
Edhe pse nuk kam kohë dhe dëshirë që të lexoj portalet "patriotike" dhe disa individë "patriotë" ndihem i detyruar që ...
foto ilustruese TIRANË- Një Hap Historik për Demokracinë Shqiptare Më 11 Janar 2025, shqiptarët në diasporë do t&e...
Saimir Kadiu Sot ne dreke ndoqem nepermjet RTSH, Koncertin e Vitit te Ri 2025 te Filarmonise se Vienes, nen dirigjimin e te madhit Riccardo Mutti. Kjo shfa...
qendra kombetare e kinematografise TIRANË- QKK është institucioni i vetëm ku kineastët dhe krijuesit e filmit mund të drejtoh...
foto ilustruese TIRANE- Një fotografi e Ajola Xoxës publikuar në vitin 2019 në Instagram bëri xhiron e portaleve në vend, p&e...
Linda Rama TIRANË- Nuk është e qartë përse bashkëshortja e Kryeministrit dhe televizioni ku ishte e ftuar zgjodhën pik&e...
elvana gjata TIRANË- Festivali i Këngës në Radiotelevizion është e vetmja herë kur një shumicë teleshikuesish ...
eduard halimi TIRANË- Propozimi i djeshëm i Kryeministrit (njëkohësisht kryetarit të PS në pushtet), për të m...
