Ndarja nga jeta e Kryepeshkopit Anastas, në Katedralen Ngjallja e Krishtit në Gjirokastër mbahen lutje për Fortlumturinë...
Vihet nën kontroll zjarri në pallatin 8-katësh në Tiranë, digjen 3 automjete të parkuara, ja çfarë dys...
"Do t’i japim Selisë së Kryegjyshatës një status të ngjashëm me Vatikanin!" Ideja për krijimin e shteti...
EMRAT/ Vrasja e Lulzim Vishës, në banesë iu gjetën armë zjarri automatike me silenciator dhe gëzhoja, arrestohet 3...
Një luftë e ftohtë po shfaqet dita-ditës nëpër sinjale të fshehura mes bashkëshortes së kryetarit të Bashkisë Tiranë, Erion Veliaj, Ajola Xoxa dhe gruas së kryeministrit Edi Rama, Linda Rama. Çfarë tha Linda Rama në “Opinion” dhe fotoja që ndezi thashethemet.
TIRANE- Një fotografi e Ajola Xoxës publikuar në vitin 2019 në Instagram bëri xhiron e portaleve në vend, për shkak të ngjashmërisë që këngëtarja Lus Kasal kishte në pamje me gruan e kryeministrit Edi Rama, Linda Ramën.
Lajmi u mbulua thuajse në portalet kryesore të vendit, përfshirë edhe Dosja.al. Në komente, qytetarët vinin në pah ngjashmërinë mes tyre ndërkohë që në asnjë moment, Xoxa nuk iu përgjigj komenteve në fjalë.
5 vite më vonë, rrethanat kanë ndryshuar. Ajola Xoxa është nën hetim bashkë me Erion Veliajn, ndërsa SPAK njoftoi sot se në këtë procedim penal, janë gjetur elementë që i lidhin çiftin e parë të Tiranës me 4 vepra penale, nga 1 që fillimisht nisi verifikimi për ta. Por teksa SPAK mundohet të sqarojë përfshirjen e Veliajt në këtë procedim, duke mos e lenë afatin 24 orarësh që qendrimi i Veliajt që e quan hetimin ‘bashkëpunim’, të tjera hije duket se vërtiten rreth çiftit Veliaj-Xoxa.
Kryetari i Partisë Demokratike, Sali Berisha deklaroi sot se mes Xoxës dhe Ramës ka një luftë e cila ka nisur për shkak të fotos së sipërmendur e që vazhdon deri në këtë luftë.
“Këtu është gracka. Shikojeni me vëmëndje këtë foto! Ju të gjithë mendoni se kjo është Linda Rama. Jo nuk është Linda Rama. Kjo është Lui Kasal dhe znj. Veliaj që e poston këtë kastile, Velica, për t’i çuar nervat asaj ka marrë me dhjetëra komente, ku i thonë “Paske dalë me zonjën e parë..”. Nuk e përgënjeshtron në asnjë rresht. (u kthehet gazetarëve) Këto duhet t’i ndiqnit ju, jo unë. Por unë betejën e vazhdoj. Deri këtu zbret lufta. Çfarë ndodhi? Znj. Rama i tha “Rri me Luis Casal ti tani…”. Unë nuk them se kjo foto kishte rol kryesor, por edhe pa rol nuk është.”-tha Berisha.
Por a mund të jetë ky vetëm një diversion apo në këtë përplasje që zbuloi Berisha ka një tension që i ka vënë përballë të dyja zonjat e para të pushtetit?
Në një intervistë të dhënë për herë të parë në “Opionin” disa ditë më parë, Linda Rama doli me arsyen se ajo ishte autorja e parathënies së librit të Kamala Harris, ish-kandidates për president në SHBA. Një sukses personal për Linda Ramën. Gjatë intervistës, Fevziu e pyeti Ramën për disa çështje.
Ajo u kujdes që me shumë elegancë të sqaronte disa herë, se ajo ishte e kundërta e një tjetër zonje të pushtetit, e cila tashmë është nën hetim, Ajola Xoxës.
Në dallim nga Xoxa, Linda Rama theksoi se pasuria e saj personale dhe të ardhurat e saj nga puna janë ulur. Sipas saj, kjo lidhet me faktin se si bashkëshortja e kryeministrit nuk merr punë të cilat mund të vihen në dyshim nga ana etike.
“Të ardhurat e mia personalisht nga puna dhe ekspertiza janë ulur ndjeshëm dhe për shkak të këtij filtrimi që bëj për të mos marrë përsipër punë që mua nuk më qëndrojnë nga pikëpamja etike”-, theksoi Linda Rama.
Për të dytën herë, ajo sërish tha se pasuria e saj si gruaja e kryeministrit Edi Rama, nuk mund të shtohet.
“Unë nuk mund të shtoj pasuri se jam bashkëshorte e kryeministrit. Pasuria nuk shtohet për këto arsye.
Kam punuar këto vite njëlloj siç kam punuar në karrierën time profesionale me ndryshimin që shumë punë që i bëja më parë nuk i kam bërë më, ekspertiza, këshillime, e të tjera si këto, sepse kam gjykuar që këto nuk duhen bërë për shkak të pozicionit tim. Kam hyrë në filtrin tim të seleksionimit.”-tha ajo.
Një dallim ky i pastër me Ajola Xoxën, e cila sipas raportimeve më të fundit mediatike, vetëm në vitin 2023 shtoi 97 mijë euro pasuri nga dy kompanitë Harabel dhe shoqata Balkan Youth Albania, të dyja nën hetimin e SPAK si derivat i parave të dyshuara që janë marrë përmes korrupsionit në Bashkinë e Tiranës.
Më tej, Linda tregoi se martesa me Edi Ramën i kushtoi 3 dorëheqje.
“Në vitin 2010, atë javën e martesës me Edin, më shkaktoi 3 dorëheqjeqë i kam dhënë pa m’i kërkuar njeri, jo se kishte ndonjë problem etik, por sistemi im arsyetues dhe etika ime e brendshme ma thoshte këtë gjë.
Dhashë dorëheqjen nga drejtuese e zyrës ku punoja, një dorëheqje ka qenë largimi nga auditori si lektore sepse jepja politika publike në nivelin master dhe dorëheqja e tretë ka qenë nga bordi i fondacionit Soros. Nga bordi ka pasur rezistencë të fortë që të mos pranonin dorëheqjen time, sepse e kishin të pamundur të pranonin që pozicioni i Edit në atë kohë të ishte një plumb ekzekutues për karrierën time që kishte ardhur si rezultat i kontributeve dhe meritave që kisha. Jam ndjerë shumë mirë sepse aty kam kuptuar shkallën e maturisë së atyre njerëzve dhe insistimin për të mos krijuar precedent që pastaj mund të rezononin si arsye tek të tjerët”, deklaroi Linda Rama.
Deri këtu, nuk ka asnjë problem. Por nuk mund që kjo deklaratë të mos vijë si krahasim, kur në kohën që Linda Rama tregon se ka treguar shembull për etikën e brendshme, Ajola Xoxa akuzohet se mori drejtimin e disa shoqatave të cilat më herët ishin nën drejtimin e të shoqit, e në kohën kur ai u largua në Bashki, ajo mori frenat e shpërndarjes së fondeve në këto shoqata.
Nëqoftëse Ajola Xoxa, nuk ka folur kurrë për Linda Ramën dhe për marrëdhënien e saj me Veliajn, pushtetin dhe paratë, Linda në të vetmet herë që ka folur është kujdesur që të dalë fiks si e kundërta e saj, e kundërta e Ajola Xoxës…/DOSJA.al
Linda Rama TIRANË- Nuk është e qartë përse bashkëshortja e Kryeministrit dhe televizioni ku ishte e ftuar zgjodhën pik&e...
elvana gjata TIRANË- Festivali i Këngës në Radiotelevizion është e vetmja herë kur një shumicë teleshikuesish ...
eduard halimi TIRANË- Propozimi i djeshëm i Kryeministrit (njëkohësisht kryetarit të PS në pushtet), për të m...
Lutfi Dervishi Pas 11 vitesh në qeverisje Kryeministri më në fund ka identifikuar burimin e të gjitha problemeve: TikTok! Ky ësht&...
Foto ilustruese TIRANË- Shqipëria përballet me sfida të mëdha në rrugën e saj drejt rritjes ekonomike, ku korrupsioni mb...
foto ilustruese TIRANË- Një skenar i ndërtuar mbi tre faza-manipulim mediatik, uzurpim kompetencash institucionale dhe ndikim politik-ë...
Foto ilustruese TIRANË- Sot u mbushën katër vjet që më larguan nga Teatri Kombëtar Eksperimental. "Duam ti japim një rit...
foto ilustruese TIRANË- Sjellja e deputetëve të Partisë Socialiste ndaj dy interpelancave të kërkuara nga opozita, dhuroi n&e...
Foto ilustruese TIRANA- Instituti Konfuci pranë Universitetit të Tiranës u bë qendra e një aktiviteti unik që bashkoi trash&e...
Shaban Murati MAQEDONIA E VERIUT- Në 9 dhjetor 2024 SHBA shpallën non grata ish-zëvendëskryeministrin shqiptar (BDI) të Maqedonis&...
