Politike

Gjin Gjoni kandidat për deputet? Reagon PD: Propozimi s’nënkupton kandidim, s’fusim në listë të larguarit e Vettingut

22 Korrik 2020, 15:06 Nga DOSJA
Gjin Gjoni kandidat për deputet? Reagon PD: Propozimi

TIRANË- Partia Demokratike ka reaguar zyrtarisht lidhur me emrat që qarkullojnë në media se do të kandidojnë për deputet nën siglën e “bluve” në zgjedhjet e ardhshme parlamentare. Në një reagim zyrtar, PD deklaron se asnjë emër nuk është zyrtar, duke përfshirë edhe ish-gjyqtarin e Apelit, Gjin Gjoni, emri i të cilit është përfolur se do të garojnë në zonën e Lezhës.

PD ka mohuar zyrtarisht kandidimin e tij duke sqaruar se propozimi i një emri nga një anëtar i partisë nuk nënkupton se Gjoni do të jetë pjesë e listës. 

Selia blu konfirmon se në metodologjinë e hartuar të seleksionimit të kandidatëve nga Komisioni i Vlerësimit të Kandidatëve, është përcaktuar qartë si kriter përjashtues, që nuk mund të kandidohet; “asnjë individ i cili është larguar nga detyra për shkak të vettingut apo që ka dhënë dorëheqjen nga funksioni në drejtësi pas hyrjes në fuqi të ligjit të vettingut.”

Lidhur me “zërat” reagoi edhe ambasadorja amerikane Yuri Kim, e cila paralajmëroi krerët e partive se do të mbajnë përgjegjësi për listat e emrave që do të dorëzojnë dhe se duhet që të ‘vetojnë’ çdo kandidat.

(k.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

politike politike gjin gjoni deputet listat e hapura gjin gjoni deputet listat e hapura

Sondazh

Poll