TIRANË- Partia Demokratike ka reaguar për mesazhin zanor të Kryeministrit Edi Rama para çdo telefonate në Shqipëri. Në një deklaratë për mediat, PD kërkon që menjëherë kjo audio të hiqet nga telefonat e shqiptarëve, pasi qytetarët duan të dëgjojnë zërin e mejkëve dhe kjo propagandënc e Ramës.
Ndërkohë seila blu hedh dhe akuza kundër AKEP-in, duke e quajtur një zyrë propagande të Kryeministrit dhe PS-së. “PD apelon kompanitë celulare që të ndërpresin menjëherë shkeljen e ligjit dhe kushteve të kontratës me klientët dhe të rikthejnë komunikimin e shpejtë dhe normal mes qytetarëve”, shtohet më tej në deklaratë.
DEKLARATA E PLOTË
Partia Demokratike ka marrë me mijëra ankesa dhe mesazhe nga qytetarët të shqetësuar për vonesa dhe anomali në lidhjet telefonike me familjarët apo miqtë, për shkak të një mesazhi pengues zanor personal të Edi Ramës, që i paraprin telefonatave të tyre. Në çdo vend, ku Kryeministri shqetësohet për qytetarët dhe jo për propagandën e tij, mesazhet sensibilizuese për shëndetin dërgohen nga institucionet e shëndetit publik, jo nga politikanët. Partia Demokratike e dënon këtë akt flagrant të ndërhyrjes në privatësinë dhe mundësinë për komunikim normal të qytetarëve nga Edi Rama, që përdor AKEP-in si zyrë propagande të PS. PD apelon kompanitë celulare që të ndërpresin menjëherë shkeljen e ligjit dhe kushteve të kontratës me klientët dhe të rikthejnë komunikimin e shpejtë dhe normal mes qytetarëve.
Kompanitë celulare, në vend që t’i shërbejnë një individi dhe propagandës personale të tij, mund të luajnë një rol të dobishëm në këto momente kritike për bashkëqytetarët tanë. Mijëra fëmijë janë duke marrë mësim online dhe kanë nevojë për internet. Shumica dërrmuese e familjeve shqiptare e kanë të pamundur të përballojnë faturën e internetit. Një masë e dobishme nga kompanitë celulare është të mundësojnë internet falas gjatë krizës për të gjithë njerëzit në nevojë dhe për prindërit e fëmijëve në shkollë, duke siguruar akses të plotë në mësimin online. Partia Demokratike dënon thirrjen e papërgjegjshme të Edi Ramës për të bojkotuar mediat. Në një vend demokratik, media e lirë është mjeti më i besueshëm i marrjes së informacionit nga qytetarët.
Përmes medias dhe çdo forme tjetër komunikimi, qytetarët kanë nevojë të dëgjojnë zërin e mjekëve dhe të specialistëve, jo zërin e propagandës apo të kryeministrit në hall për pikët në rënie të pushtetit të tij. Në vend që të politizojë gjithçka, duke shqetësuar qytetarët dhe duke sulmuar opozitën, Edi Rama duhet të kryejë detyrat e kryeministrit për t’ua lehtësuar qytetarëve dhe personelit shëndetësor këtë moment të vështirë. Kryeministri ka detyrë që të rrisë buxhetin e nevojshëm për përballimin e kësaj situate. 3 milionë euro janë krejt të pamjaftueshme! Në vend të mesazheve telefonike, qytetarët duan që Kryeministri të marrë masa për të mbrojtur biznesin nga mbyllja e përkohshme e detyrueshme, duke e lehtësuar nga detyrimet tatimore. Qytetarët duan siguri nga profesionistët, jo propagandë nga pushtetarët!
Ditën e djeshme, para çdo telefonate dilte një audio-mesazh nga Rama, në të cilin shprehej: Edi jam! Të lutem laj duart shpesh. Mos lëviz nga shtëpia për qejf. Hap dritaret sa te mundesh. Ruaju nga informacioni i rreme. Mos ki frikë, po bëj shumë kujdes. Për çdo shenjë merr 127. Të përqafoj nga larg!”. Ndërkohë që i njëjti mesazh i ka shkuar celular qytetarëve edhe me anë të mesazheve. Të shumë ishin qytetarët që reaguan kundër duke thënë se nuk komunikojnë dot normalisht.
(A.B. Dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Sekretari i Përgjithshëm i LSI-së, Luan Rama ka një mësazh për kompaninë telefonike “Vodafone”, e cila para çdo telefonate përcjell një mesa...
Tiranë- Ish-kryeministri Sali Berisha ka denoncuar se në spitalin e Durrësit testet e koronavirusit po mbahen nga administrata e spitalit dhe nuk po ju dorëzohe...
TIRANË- Ambasadorja e SHBA në Tiranë, Yuri Kim, ka anuluar sot një aktivitet që e kishte planifikuar më herër për një takim që do zhvillohej në Shkollën e ...
TIRANË- Tre anëtarët e rinj të Gjykatës së Lartë janë betuar sot para Presidentit dhe pritet që të vijojnë punën. Sipas një njoftimi nga Presidenca bëhet m...
TIRANË– Presideni Ilir Meta ka shpërndarë në Facebook-un e tij foto të mjekëve dhe infermierëvce që po kurojnë pacientët e infektuar me covid-19.Krahas fot...
TIRANË- Kryeministri Edi Rama ka vijuar dhe sot njoftimin e publikut me të të gjitha masat që ka marrë qeveria kundër koronavirusit. Në një postim Rama ka ...
TIRANË- Kryeminsitri Edi Rama, ka postuar sot një video nga rrugët e Tiranës që duken thuajse bosh, pasi lëvizja e makinave është shumë e kufizuar. Rama sh...
TIRANË- Një telefonatë që u bë të martën nga gazetarja Sonila Meço, Live në studion e emsionit “Tempora”, ka ngjallur një debat mes saj dhe Kryemini...
TIRANË- Dje Kryeministri Edi Rama përveç mesazhe nga ekrani i ERTV, ka zgjedhur që qytetarëve t’u drejtohej dhe me një SMS, por më vonë shfaqej dhe ...