Politike

“127-ta nuk është t’u tallur, siç bëri kolegia juaj”, Sonila Meço i përgjigjet Ramës: Bëra punën time se gazetare

13 Mars 2020, 09:01 Nga DOSJA
“127-ta nuk është t’u tallur, siç bëri kolegia

TIRANË- Një telefonatë që u bë të martën nga gazetarja Sonila Meço, Live në studion e emsionit “Tempora”, ka ngjallur një debat mes saj dhe Kryeministrit Edi Rama. Rama në një dalje për mediat u shpreh se kjo gjë nuk mund të ndodhte, por gazetarja iu përgjigj. Por duket se përgjigja e Meços nuk ka mjaftuar për Ramën, i cili mbrëmjen e djeshme në një lidhje në emisionin “Opinion”, është shprehur se Sonila Meço ka bërë gabim dhe numri 127 nuk është për t’u tallur.

“Ishte një kolegia juaj që merrte 127-ën në studio dhe thoshte hajde ta marrim 127-ën ta shikojmë punon apo jo, psë për çfarë është ai numër për t’u tallur”, u shpreh Rama. Por duket se kjo deklaratë e kreut të qeverisë, nuk është pritur mirë nga gazetarja e cila ka reaguar sërish.  Në një postim në Facebook, drejtuesja e “Tempora” është shprehur se situata është shumë kritike nga përhapja e koronavirusit, por Kryeministri ka gjetur kohën të merret me 10 sekonda verifikim që kanë bërë gazetarët.  

REAGIMI I PLOTË

Situata është kritike të enjten e 12 marsit 2020, me të dhënat e pandemisë së Covid-19, me nevojën për masa drakoniane në izolim të përgjithshëm… Ndërsa kryeministri i vendit gjen kohë të merret sonte, mbrëmjen e së enjtes së datës 12 mars 2020 me 10 sekonda verifikim nga gazetarë pas qindra mesazheve për mosfunksionim të linjës 127, të martën e 10 marsit në mbrëmje. Ka tre ditë, që ato sekonda e minuta që duhet t’ja dedikojë punës për masat ndaj pandemisë, i çon dëm, sepse do patjetër të merret me një punë gazetareske.

Ashtu si çdo mjek, infermier, shkencëtar, studiues, polic, ushtar, qytetar e di se kjo është luftë me covid-19, edhe kryeministri si shërbyes i të gjithëve duhet ta dijë se kjo nuk është as lojë pushteti, as mesazh promocional dhe as qyfyre për pasdarkë me servilë. Jemi të gjithë bashkë, armikun e njohim. Të gjithë bashkë! Bashkë! Në këtë moment, njëkohshëm, mediat botërore, gazetarët që nga BBC e deri tek CNN, kudo, ngado janë duke bërë të gjitha pyetjet, duke kërkuar llogari, duke informuar, duke hetuar. Askush nuk u ka thënë se misioni i tyre ndryshon me shpalljen e pandemisë. Vetëm në një vend ndodhi, në Kinë. Në Shqipërinë e vogëlth, që po përpiqet si mundet të përballojë një betejë shumë herë më të madhe se ajo, pushteti ka luksin të harxhojë minuta për të mësuar gazetarët si të bëjnë punën. Pra 10 sekonda harxhuar për të sharë, që shumfishohen prej disa ditësh në çdo dalje publike, nuk janë sa 10 sekonda nevojë për verifikim për t’i ardhur në ndihmë publikut e operatorit. Nëse nuk e kuptojnë lart se në këtë betejë corona virus është armiku e jo alibia e një pushteti që do të bëjë vetëm politikë, atëherë 127-a është marrë peng prej tyre.

(A.B. Dosja.al)

1 vit nga zgjedhjet e 25 prillit si e shikoni gjendjen e vendit:

View Results

politike politike edi rama numri 127 sonila meço edi rama numri 127 sonila meço

Sondazh

Poll

Politike 13 Mars 2020, 07:58

TIRANË- Kryeministri Edi Rama në orët e para të mëngjësit u është drejtuar shqiptarëve me fjalët e ish-Presidentit të SHBA, Barak Obamës. Në një reagim në ...

Politike 12 Mars 2020, 23:59

TIRANË- Kryeministri Edi Rama iu përgjigj pyetjes së disa qytetarëve, të cilat iu drejtuar nga moderatori i emisionit  “Opinion”, Blendi Fevziu.I pyetur ng...

MË SHUMË