Bota

Morën pjesë në luftën në Siri, arrestohen tre shtetas maqedonas

Sipas policisë, të arrestuarit, me inicialet O. S. (28 vjeç), R. S. (33 vjeç) dhe M. G. (26vjeç), në vitin 2014 iu bashkuan formacioneve të armatosura të organizatës militante Shteti Islamik, në territorin e Sirisë dhe morën pjesë aktive në operacionet ushtarake.

12 Maj 2023, 17:58 Nga a.l
Morën pjesë në luftën në Siri, arrestohen tre shtetas
Foto ilustruese

MAQEDONI E VERIUT- Tre shtetas maqedonas të cilët dyshohet se kanë marrë pjesë në luftën në Siri janë vënë në pranga nga autoritetet vendase. Lajmi është bërë i ditur nga Ministria e Punëve të Brendshme e cila njofton se të arrestuarit pritet të përballen me akuzën për veprën penale si 'pjesëtarë të organizatës militante Shteti Islamik'. 

Sipas policisë, të arrestuarit, me inicialet O. S. (28 vjeç), R. S. (33 vjeç) dhe M. G. (26vjeç), në vitin 2014 iu bashkuan formacioneve të armatosura të organizatës militante Shteti Islamik, në territorin e Sirisë dhe morën pjesë aktive në operacionet ushtarake.

“MPB-ja, me urdhër për bastisje të shtëpive dhe objekteve tjera të lëshuara nga gjyqtari i procedurës paraprake, sot në orët e paradites ka kryer bastisje në dy lokacione në Shkup, te O.S. dhe R. S., ku janë gjetur dhe konfiskuar armë, municione, telefona celularë dhe pajisje të tjera elektronike që mund të përmbajnë dëshmi shtesë për veprën e kryer”, tha zëdhënësi i MPB-së së Maqedonisë së Veriut, më 12 maj. 

Njëri prej maqedonasve u vu në pranga në Maqedoninë e Veriut dhe një në Francë, sipas një urdhër-arresti maqedonas, si rezultat i bashkëpunimit të MPB-së dhe Agjencisë së Sigurisë Kombëtare me autoritetet franceze.

lufta ne siri

Sondazh

Poll

MË SHUMË