Bota

TRADHËTIA shkak i ndarjes? FOTOT- Brenda klubit të natës, ish-burri i kryeministres finlandeze Sanna Marin u kap duke flirtuar me një turiste

Biznesmeni Markus Räikkönen, 37 vjeç, thuhet se ka flirtuar dhe kërcyer me gruan indiane që besohet se ka qenë me pushime në Finlandë me yjet e Bollywood-it, Rakul Preet dhe Pragya Jaisëal.

12 Maj 2023, 16:52 Nga k.m.
TRADHËTIA shkak i ndarjes? FOTOT- Brenda klubit të natës,
Markus Räikkönen dhe vajza misterioze

FINLANDË- Bashkëshorti i ish-kryeministres finlandeze, Sanna Marin u fotografua me një grua në krahët e tij në një klub nate, vetëm disa javë para se ai dhe gruaja e tij të shpallnin divorcin. Biznesmeni Markus Räikkönen, 37 vjeç, thuhet se ka flirtuar dhe kërcyer me gruan indiane që besohet se ka qenë me pushime në Finlandë me yjet e Bollywood-it, Rakul Preet dhe Pragya Jaisëal.

Mediat finlandeze raportuan se ai, edhe pse i dehur, u përpoq ta puthte teksa qëndronin së bashku në barin e klubit të natës "Post" në Helsinki. Por theksohet se as ajo nuk e ka kundërshtuar dhe kanë kaluar të dy mbrëmjen bashkë. Një dëshmitar që shkrepi fotot dhe raportoi për mediat tha se: Ajo që më befasoi më shumë ishte se sa haptas Markus flirtonte me gruan. Ai nuk kujdesej aspak, edhe pse ishte i martuar me Sannën. Nuk jam shumë konservator, por po, Markus duhet të sillet sipas dinjitetit të bashkëshortit së kryeministres. Një situatë e tillë degradon institucionin e kryeministrit.

Marin dhe ish-bashkëshorti kanë qenë së bashku që në moshën 18-vjeçare, por u martuan vetëm tre vjet më parë, derisa njoftuan bashkërisht në Instagram këtë javë se po divorcoheshin, por nuk dhanë arsye për ndarjen e tyre. Njoftimi u bë pak më shumë se një muaj pasi Marin zbuloi se ajo po jepte dorëheqjen si udhëheqëse e Partisë Social Demokrate të qendrës së majtë pas humbjes së saj në zgjedhje./Dailymail

markus räikkönen sanna marin

Sondazh

Poll

MË SHUMË