Politike

Porti i Durrësit/ Igli Cara -Ramës: Fal 3.8 milion euro në këmbim të asgjëje! Durrsakët nuk e hanë sapunin për djathë

Në një postim në Facebook Cara shkruan se qeveria po fal 3.8 miliardë euro në këmbim të asgjëje. Sipas Carës Durrësi është një qytet që ka trashëgimi kulturore dhe jo vetëm vlerë pallatesh e kullash. 

16 Nëntor 2022, 18:37 Nga e.k
Porti i Durrësit/ Igli Cara -Ramës: Fal 3.8 milion euro në
Igli Cara

DURRËS- Ish-deputeti i Partisë Demokratike njëherazi kandidat për primaret në bashkinë e Durrësit Igli Cara ka reaguar pas deklaratës së kryeministrit Rama për Portin e Durrësit. Në një postim në Facebook Cara shkruan se qeveria po fal 3.8 miliardë euro në këmbim të asgjëje. Sipas Carës Durrësi është një qytet që ka trashëgimi kulturore dhe jo vetëm vlerë pallatesh e kullash. 

"Zot fale se nuk di se çfarë thotë! Reagimi i Ramës, në rastin më të mirë është për të ardhur keq!
Rama, që vetë firmos dhe vetë vulos pranon faktin që jemi në plehra, duke harruar që është prej rreth 10 vitesh në krye të qeverisë. Të falësh 3.8 miliardë euro, në këmbim të pothuaj asgjëje, nuk eshtë të qëndrosh në plehra! Durrsakët kanë treguar ndër vite, që nuk e hanë sapunin për djathë! Ky qytet ka histori, emocion, trashëgimni, vlera të pamatshme dhe të patjetërsueshme, ndaj nuk e di e çfarë kandari e ke peshuar?! Për ata, që e duan dhe e jetojnë këtë qytet, Durrësi nuk ka vetëm vlerë parash dhe kullash! Të mendosh që mburret si durrsak dhe që përfaqëson Durrësin në Parlament!!! Shtëpia jote nuk ka çmim, me të as bëhet tregti dhe as shitet lirë! Porti i Durrësit është i durrsakëve dhe i shqiptarëve! O me portin në shtëpi, o larg Durrësit me gjithë qeveri", shkruan Cara.

Kryeministri Edi Rama ka reaguar ditën e sotme pas akuzave të bëra nga opozita për privatizmin e Portit të Durrësit. Në një postim në Tëitter kreu i qeverisë tha se armiqësia kundër investimit më të madh në rajon tregon fytyrën e vërtetë të armiqëve të zhvillimit të Durrësit. 

igli cara edi rama porti i durresit

Sondazh

Poll

MË SHUMË