Politike

"Infektivi s’ka asnjë ndryshim nga spitalet e Europës", Rama nuk i ndahet opozitës: I shërbejnë të keqes

Fjalorin e një jave më parë të përdorur kundër opozitës në Kuvend Rama e solli sërish në vëmendje në Berat ku tha se ata që kanë marrë para ruse për të rrëzuar qeverinë janë njerëz pa fe. Kreu i ekzekutivit u ndal dhe tek kryedemokrati Sali Berisha për të cilin tha se gjatë kohës që ishte në qeveri ka bashkuar votat me Kremlinin për të dëmtuar Kosovën

16 Nëntor 2022, 17:37 Nga e.k
"Infektivi s’ka asnjë ndryshim nga spitalet e
Edi Rama

BERAT- Kryeministri Edi Rama gjatë një takimi me të qytetarët e Beratit është rikthyer sërish tek pretendimet për finacimet ruse në Partinë Demokratike. Kreu i qeverisë 'shënjestroi' PD-në duke e quajtur një parti që bashkëpunon me Putinin dhe flet gjuhën e tij duke thënë se nuk ka luiftë. Fjalorin e një jave më parë të përdorur kundër opozitës në Kuvend Rama e solli sërish në vëmendje në Berat ku tha se ata që kanë marrë para ruse për të rrëzuar qeverinë janë njerëz pa fe. Kreu i ekzekutivit u ndal dhe tek kryedemokrati Sali Berisha për të cilin tha se gjatë kohës që ishte në qeveri ka bashkuar votat me Kremlinin për të dëmtuar Kosovën

Edi Rama: Infektivi, një spital që mund ta vendosësh në çdo qytet të Europës pa asnjë lloj ndryshimi. Këtu janë disa që duan ta kthejnë përmbys këtë vend duke thënë se nuk ka luftë. E njëjta gjë që thotë Vladimir Putin në Rusi. Nga brenda gjenden dhe bashkëpunëtorë, njerëz pa fe dhe thonë është fyerje, jo fyerje është t’I dëgjojmë, Njerëz pa atdhe. Fyerje është të vazhdosh ti shohesh, njerëz pa din e pa imam. Ti kemi nëpërkëmbët e këtij populli që ka që në 1912-tes të dalë matanë detit dhe të shkruajë një histori të re. Nuk i ndahet një degë e shtrembër e pemës tonë gjenarologjike të mbushur me ligësi dhe një ankth të madh, godasin vazhdimisht, helmojnë vazhdimisht për t’I thënë shqipatrëve se ky vend është i mallkua pa jua thënë drejtëpërdrejtë. Këta njerëz janë të ekspozuar, nuk janë më një hipotezë, as një krahasim me të shkuarën si të gjithë ata që janë vënë në shërbim të së keqes. Këta njerëz kanë marrë para nga ai vendi që ka filluar tani këtë luftë dhe i kanë marrë paratë për të rrëzuar qeverinë e vendit të tyre. Gjysëm milioni dollarë, dhe pse pikërisht këtyre se ka pasur një garanci se këta kanë dhënë prova dhe sot është e qartë, njëra nga provat është publike se si kur ishin në qeveri të këtij vendi bashkuan votat me përfaqësuesit e atij që sot ka hapur luftë me përëmndimin për të goditur Kosovën dhe Shqipërinë. Çfarë duhet të bëjnë më shumë këta dhe çfarë i duhet kërkuar më pak sa çdo shqiptari të jetë në lartësinë e nevojës që ka Shqipëria pavarësisht problemeve që ka dhe kush është krenar për emrin shqiptar nuk mund të bashkohet me këtë farë të keqe që ka mbarë që në 1912-tes dhe nuk do shuhet derisa të tërë të ndahen nga kjo farë. Ka njëmijë e një arsye për të qenë të pakënaqur por nuk ka asnjë arsye në botë për t’u ndarë me thikën e një konflikti eskstrem dhe a duhet ne të jemi krenar për Shqipërinë dhe të jemi një kur flasim për shqiptarët apo të jemi të ndarë. 

edi rama ne berat edi rama

Sondazh

Poll

MË SHUMË