Sport

Flamengo-Vidal shtërngohet duart. Vizitat mjekësore sot, zyrtarizimi të premten

Mesfushori kilian do të marrë një bonus prej 4 milionë eurosh nga Interi për një vit

7 Korrik 2022, 14:27 Nga DOSJA
Flamengo-Vidal shtërngohet duart. Vizitat mjekësore sot, zyrtarizimi

ITALI - Arturo Vidal është gati të bëhet lojtar i ri i Flamengos. Mesfushori kilian ka zbarkuar dje në Rio de Zhaneiro dhe ka ndjekur në ‘Maracana’ fitoren 7-1 të kuqezinjve ndaj kolumbianëve të Tolima, në ‘play-off’-in për ‘Copa Libertadores’.

Ndërkohë vizitat mjekësore janë planifikuar për ditën e sotme, ndërsa deri të premten do të përfundojë nënshkrimi i kontratës vjetore dhe shpallja zyrtare. Vidal do të marrë gjithashtu një pagesë prej 4 milionë eurosh nga Interi , me të cilin ka kontratë deri në qershor 2023.

Tratativat mes 35-vjeçarit dhe Flamengos vazhdojnë prej disa muajsh: në dhjetor 2021 Vidal kishte postuar një foto me fanelën e kuqezinjve në Instagram. Me kalimin e muajve, simpatinë e tij për Fla dhe dëshira për të provuar një përvojë në ligën braziliane erdhi duke u forcuar. 

Jashtë planeve të Inzaghit dhe pa perspektivë me ardhjen e Mkhitaryan dhe Asllanit, largimi nga Interi tashmë ishte i mirëqenë. Vidal u largua nga zikaltrit pas dy sezonesh: me gjithsej 71 ndeshje, 4 gola dhe 6 asistime si dhe një ‘Scudetto’, një kupë dhe një Superkupë të Italisë.

B.T (Dosja.al)

Sondazh

Poll

MË SHUMË