Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Nga Dosja.al
Kryetari i një partie, sado të madhe, si rregull e jep dorëheqjen për shkak të rezultatit në zgjedhjet e pjesshme lokale. E shkruar apo e pashkruar, është një praktikë demokratike që kryetari i një partie jep dorëheqjen vetëm kur humbet zgjedhjet e përgjithshme. Nëse 6 marsi do të ishte një datë e zakonshme zgjedhjesh të pjesshme lokale, askush nuk do ta mendonte domosdoshmërinë e dorëheqjes së Lulzim Bashës, pavarësisht rezultatit turpërues.
Problemi i Bashës lindi, sepse 6 marsi nuk ishte një datë zgjedhjesh së pjesshme, por testi i së vërtetës, për legjitimitetin e dy lëvizjeve paralele brenda Partisë Demokratike. Ai do të sqaronte që në dy kuvende, me puthuajse 5 mijë delegatë secili, kush ishte i vërteti, mes dy vendimeve të marra, kush ishte legjitim, mes dy kundërshtarëve, kush kishte mbështetjen e anëtarësisë. Ajo që doli nga kutitë, tregoi se Foltorja, kishte prodhuar një Kuvend të shumicës. Pika e nisjes së vendimmarrjes ishte 11 dhjetori. Mbi bazën e atij Kuvendi duhej ndërtuar realiteti politik i PD-së. Mbi këtë realitet që ishte injoruar për 3 muaj, duhej të fillonte reflektimi i Partisë Demokratike.
Kjo do të thotë që vendimet e 11 dhjetorit, duke nisur nga shkarkimi i Kryetarit dhe Kryesisë dhe zëvendësimi i tyre me Komisionin e Rithemelimit, duheshin zbatuar të parat, për të kthyer legjitimitetin e mohuar. Nëse ata që kanë sot çelësat e dyerve të blinduara, ku mbajnë asetet e Partisë Demokratike, duhet të kishin dalë nga selia, për t’ua lënë vendin atyre që votoi Kuvendi legjitim, si hap i parë drejt bashkimit.
Pas vendosjes së legjitimitetit, duke njohur çdo vendim të 11 dhjetorit, të gjitha debatet politike, të gjitha propozimet, përfshirë edhe vendimin e Berishës për të kandiduar për kryetar, do të ishin pjesë e një diskutimi legjitim. Do të diskutohej për proçesin që ishte vendosur të fillonte sot dhe i gjithë presioni do të ishte mbi Berishën dhe Komisionin e Rithemelimit.
Në realitetin e 11 dhjetorit, që u konfirmua në 6 mars, Lulzim Basha nuk është kryetar, dhe si rrjedhim dorëheqja e tij ishte e pavlefshme, Enkelejd Alibeaj nuk është nënkryetar, prandaj komandimi i tij është i paligjshëm, Kryesia nuk ekziston, prandaj nuk mund të marrë vendime.
Problemi është që askush nuk niset nga legjitimiteti, as Berisha dhe grupimi i tij që përfitojnë. Ata janë gati ta negociojnë legjitimitetin për hir të asaj që e quajnë Bashkim. Megjithëse theksojnë se bashkimi duhet të bëhet mbi votën e lirë, janë gati ta negociojnë pa mandat atë që Kuvendi i 11 dhjetorit vendosi dhe elektorati opozitar i 6 marsit konfirmoi me votën e lirë.
Pala e Lulzim Bashës, pavarësisht katastrofës elektorale, vendosi të vazhdojë në rrugën jolegjitime, duke ndryshuar taktikë. Me dorëheqjen e djeshme, ata duan të ushtrojnë presion mbi Berishën, që edhe ai të bëjë një hap pas dhe, duke mbajtur çelësat e Partisë, të zhvillojnë një proces pajtimi me Foltoren, ta shoqërojnë me një proces votimi pas më shumë se 1 viti, pasi të kenë humbur edhe zgjedhjet lokale dhe të sigurohen që numërues do jetë i njëjti Jemin që e ka nxjerrë Bashën kryetar 2 herë. Kështu do të rizgjedhin Bashën, do të mbajnë zyrat, por do të kenë rikthyer edhe votat, nëpërmjet tërheqjes së Berishës. Basha dha dorëheqjen, por nuk hoqi dorë.
Është edhe një palë e tretë, që niset nga të njëjtat premisa me grupin e Bashës, por që duan të përfitojnë nga kriza, pavarësisht nëse sjellin një krizë më të madhe. E injorojnë njësoj realitetin e 11 dhjetorit që u konfirmua në 6 mars, por brenda ilegjitimitetit që ka grupi i vulës, kërkuan me ngulm dorëheqjen e Lulzim Bashës, që të mund të merrnin fraksionin në dorë, bashkë me asetet e PD-së dhe të ngrenë me to një karrierë. Dallimi i vetëm i tyre me Bashën, është Basha. Ata duan një PD po kaq jolegjitime, po kaq jopërfaqësuese, me po atë rezultat katastrofik, vetëm pa Bashën.
Në këto kushte, Berisha po tenton të krijojë një situatë paqeje me një grupim që votën e sheh si armiken e vet dhe më shumë se përpara 6 marsit, po insiston në injorimin e saj. Megjithëse vetë e thekson “bashkimin nëpërmjet votës”, ky proces po humbet nëpër negociata të kota, me njerëz që nuk kanë asnjë qëllim të ngrenë PD-në, nuk e njohin parimin e votës së lirë, pra nuk i bashkon asgjë as me idetë dhe as me interesat politike të atyre që votuan më 11 dhjetor dhe 6 mars.
Zvarritja e zgjidhjes, vetëm për selinë, duket se po e bjerr besimin e atyre që votuan Berishën, për të mos lejuar mbivendosjen e demokracisë, me urdhëra ambasadash dhe për të rindërtuar një parti mbi bazën e votës.
Në vend të kësaj që po bën, grupi i Rithemelimit, duhet të vendosë parimet dhe interesat si kusht për bashkim, që grupi i të humburve, ose të bashkohet mbi to, ose të zhduket si deputetët e turpit që zunë vendet e opozitës në 2019. Vërtet mund të humbasin vulën dhe emrin, por 6 marsi tregoi se emri dhe vula nuk vlejnë përpara lidershipit dhe demokracisë. Mbi këtë bazë mund të ndërtohet një koalicion më i fortë se bashkimi formal i PD-së./Dosja.al
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
Nga Meri LikaLulzim Basha dje bëri një hap pas. Nuk them dorëheqje sepse vetëm e tillë nuk mund të quhet. Sipas mendimit tim, media gaboi kur e quajti dorëheqje...
Nga Enton AbilekajTIRANË– Dorëheqja si akt personal nuk mund të mos përshëndetet. Pavarësisht vonesës, pavarësisht pasojave, është gjithmonë një mund...
Nga Ben BlushiSa më shumë lexoj shtypin perëndimor, aq më shumë besoj se bota jeton në të shkuarën. Nuk lexon dot asgjë për të ardhmen. Ka qindra pyetje për sot...
Nga Meri Lika Që ta dini, dje e mora vesh se unë jam me Putinin dhe sa për dijeni këtë nuk e mora vesh nga persiatjet e mia. Pozicionin tim të armikut, ma sqaro...
Nga Dosja.alTurp është të sillesh si spekulant lufte, jo të protestosh. Protesta nuk është turp, për sa kohë qytetarët nuk dalin kundër pasojave të luftës, por ...
Nga Enton Abilekaj“Paketa e Rezistencës” nuk rezistoi as 24 orë, nuk mjaftoi as për të ulur pak numrin e protestuesve, as për të rrëzuar ndonjë prej kërkesave t...
Nga Meri LikaNë politikë, ekziston një term për ata që humbasin dhe largohen me dinjitet, quhen Humbës Etik. Humbësit etik janë ata që preferojnë më mirë të hu...
Po jetojmë në kohë të vështira. Sapo globi po dukej se po e merrte veten nga pandemia e Covid-19, që për dy vjet prishi shumë ekuilibra shëndetësorë, ekonomikë ...
Nga Meri LikaKemi një shprehje ne shqiptarët “i ra b*tha në ujë”. Në këtë situatë është sot lideri ynë suprem, pas protestave kundër rritjes pa frena dhe pa asn...
TIRANË– Kryeministri Edi Rama pas monologut që bëri dje në zyrën e tij për situatën dhe pasojat e luftës, premtoi që do të ndërmerrte masa për të kon...
