Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Nga Alessio Marchionna “Internazionale”
“Kaosi shoqëron kudo Donald Trump, dhe Shtetet e Bashkuara nuk mund të jenë një vend
në rrëmujë”- ka thënë së fundmi Nikki Haley, kandidate për nominimin zyrtar të Partisë Republikane në garën për presidencialet e këtij viti.
“Në të gjithë karrierën e saj politike, Haley ka qenë në listë-pagesën e donatorëve të institucioneve që duan politikën e kufijve të hapur për emigrantët”- është kundër përgjigjur Donald Trump, favorit për të garuar sërish për president nën siglën e republikanëve.
Më 15 janar, me grupet parlamentare të Iowa, nisi zyrtarisht procesi që do të përfundojë më 5 nëntor me zgjedhjet presidenciale. Atë ditë do të zgjidhen gjithashtu edhe 1/3 e senatorëve, i gjithë Kongresi, 11 guvernatorët dhe parlamentarët e 85 asambleve legjislative shtetërore. Do të jenë muaj të ngarkuar, ku do të ndodhin shumë gjëra të ndërlikuara mbi të cilat do të flitet dhe analizohet, sidomos kur dinamika politike përzihet me problemet gjyqësore të Donald Trump.
Unë gjykoj se ky vit zgjedhor në SHBA do të sillet rreth 3 çështjeve kryesore. E para: Sa dhe si do të ndikojnë gjyqet ndaj Trump në orientimin e votuesve? Prej kohësh ka qenë e qartë se shumica e republikanëve mendojnë se ish-presidenti është i pafajshëm apo edhe viktimë e një komploti të inskenuar nga demokratët.
Prandaj, gjyqet nuk do të kenë një ndikim aq të madh në zgjedhjen e kandidatit zyrtar. Kjo edhe sepse një pjesë e madhe e delegatëve - zyrtarët e zgjedhur nga vota popullore që përzgjedhin kandidatin në konventën e partisë në korrik - do të caktohen përpara se të kemi ndonjë vendim nga gjyqet e shumta ndaj Trump.
Nga ana tjetër, situata mund të ndryshojë në fushatën elektorale kundër kandidatit demokrat, kur për të fituar duhet të bindësh edhe njerëz të tjerë përveç mbështetësve të t’u më besnikë. Ndërkohë në shkurt, Gjykata e Lartë duhet të vendosë nëse Trump ka të drejtë të kandidojë apo jo, bazuar në përcaktimet kushtetuese.
Dhe këtu gjyqtarët pritet të vendosin në favor të tij. Por edhe atëherë do të mbeten disa pikëpyetje: Çfarë ndodh nëse Trump shpallet fajtor dhe dënohet gjatë fushatës zgjedhore? Po sikur të fitojë zgjedhjet ndërkohë që vazhdojnë gjyqet ndaj tij?
E dyta: Si do të votojnë të rinjtë dhe pakicat? Sipas sondazheve më të fundit, këto grupime të konsideruara prej kohësh si besnike ndaj Partisë Demokratike, po zhvendosen pjesërisht drejt republikanëve. Biden do të përpiqet të rifitojë mbështetjen e tyre, ndërsa kandidati republikan do të shfrytëzojë mundësinë për ta diversifikuar bazën e tij elektorale.
Kjo do të thotë se të dyja partitë do të harxhojnë shumë burime për të bindur afro-amerikanët, hispanikët dhe të rinjtë, në dallim nga fushatat e fundit, kur fokusi ishte kryesisht tek votuesit e bardhë të klasës punëtore.
E treta: A mund të bëhet më pak popullor Joe Biden? Presidenti hyri në vitin zgjedhor me një vlerësim prej vetëm 39 për qind, më i keqi në histori. Demokratët janë mbi të gjitha të shqetësuar pasi administratës aktuale nuk i njihet merita për situatën e shkëlqyer ekonomike, dhe me një rritje shumë më të lartë se pjesa tjetër e botës perëndimore dhe me një nivel punësimi shumë të lartë.
Ata shpresojnë që me afrimin e zgjedhjeve, votuesit demokratë do të mblidhen rreth presidentit, dhe që thirrjet për të mbrojtur demokracinë nga Trump mund të bindin votuesit e moderuar. Koha do të krijojë mundësinë për të pasur një ide pak më të qartë.
Për momentin ka një çështje edhe më urgjente, duke pasur parasysh se jemi të prag të zgjedhjeve paraprake republikane: A ka njeri që mund ta rivalizojë Trumpin? Deri pak muaj më parë përgjigja dukej po, dhe favoriti ishte guvernatori i Floridës Ron DeSantis, cilësia kryesore e të cilit ishte të qenit një “Trump” më i ri dhe më i pranueshëm. Por me kalimin e javëve, DeSantis ka treguar se është i paaftë të menaxhojë një fushatë zgjedhore në nivel kombëtar. Mbi të gjitha, është bërë e qartë se votuesit republikanë që votojnë në zgjedhjet paraprake, nuk duan një kopje të Trump, pasi më mirë preferojnë të zgjedhin origjinalin.
Nga fundi i vitit të kaluar, kur DeSantis po binte në sondazhe, ajo që po rritej ishte Nikki Haley, ish-guvernatorja e Karolinës së Jugut dhe ambasadore e SHBA-së në OKB gjatë viteve 2017- 2018, pikërisht gjatë administratës Trump.
Fitorja e saj në zgjedhjet paraprake do ta bënte atë gruan e parë që do të fitonte nominimin e Partisë Republikane, dhe po ashtu vajzën e parë të 2 emigrantëve që do të ishte kandidate presidenciale (prindërit e saj mbërritën në SHBA nga India në vitet 1960 dhe emri i saj në zyrën e gjendjes civile është Nimarata Randhawa).
Rruga e saj drejt nominimit është plot me pengesa, por jo tërësisht të pakalueshme. Haley duhet t’i tejkalojë pritshmëritë në shtetet e para ku do të zhvillohet votimi, duke treguar se është një kandidate e besueshme. Pastaj duhet të shpresojë që kandidatët e tjerë të vegjël të largohen nga gara, dhe që zgjedhjet paraprake të shndërrohen në një garë me dy persona, ku njerëzit të bëjnë dallimet mes saj dhe Trump.
Në shtetin Iowa, votuesit nuk shprehen përmes zgjedhjeve normale, por përmes grupeve parlamentare, takimeve me debate të organizuara nga partia në palestra, shkolla, bashki, kisha dhe hapësira të tjera publike. Të paktën një mbështetës për secilin kandidat merr fjalën dhe përpiqet të bindë të pranishmit që të marrin anën e tij.
Pas përfundimit të diskutimit, të gjithë pjesëmarrësit e grupit parlamentar shprehen me votim të fshehtë. Sipas mesatares së sondazheve, Trump ka një avantazh prej rreth 35 për qind ndaj Haley dhe DeSantis, pavarësisht se është më pak i dukshëm për banorët e Iowa-s se kundërshtarët e tij.
Ish-presidenti mendon ndoshta se baza e tij elektorale tashmë është mjaft e motivuar. Haley duhet të bëjë çmos që të zgjidhet të paktën e dyta, pas Trump, duke luajtur të gjitha karta e saj 8 ditë më vonë në New Hampshire, në verilindje, ku sondazhet e tregojnë atë jo shumë larg nga ish-presidenti.
Javët e fundit, Trump ka filluar ta sulmojë Haley-n, duke e akuzuar se është mike e Kinës dhe se dëshiron të rrisë taksat. Në realitet, ish-guvernatorja ka qëndrime shumë konservatore për të gjitha çështjet kryesore të politikë së brendshme. Ajo e mbështet shumicën e masave të Trump për emigracionin, është në favor të dispozitave më kufizuese për abortin, kundër garantimit të të drejtave për komunitetin LGBT+, propozon shkurtime të mëdha në shpenzimet sociale, dhe nuk i duron sindikatat.
Por çështja në të cilën spikat më shumë është politika e jashtme, pasi e akuzon Trump se ka dobësuar aleancat tradicionale ndërkombëtare të Shteteve të Bashkuara. Haley po përpiqet të bindë votuesit republikanë duke u fokusuar në një faktor karakterial dhe jo politik:ajo është e vetmja kandidate e pjekur që do t’i japë fund kaosit të lënë pas nga Trump.
foto ilustruese “The Economist” Fati i luftërave zvarritëse, sikurse tentojnë të shndërrohen konfliktet në shkal...
foto ilustruese Nga Roberto Sciarrone “Formiche.net” Ky vit nisi duke lënë të pandryshuara debatet kryesore ndërkombë...
joe biden, volodymyr zelenskyy Nga Robert Zubrin “Kyiv Post” “Ne amerikanët... jemi rojet në muret e lirisë botërore...
foto ilustruese Nga Ruchir Sharma “Financial Times” Kur emigrantët mësynë masivisht në kufirin jugor me Meksikën viti...
foto ilustruese Nga Brendan Cole “Newsweek” Ish-Komandanti Suprem i Aleatëve për Evropën, Philip Breedlove, parashikon 3 skenar...
Ola Xama Prej disa kohësh kemi parë dhe analizuar numrin dhe sipërfaqen e lejeve të ndërtimit që janë dhënë n...
foto nga ekuadori Nga Roberto Saviano "Corriere della Sera". Ajo që po ndodh në Ekuador ka të bëjë me çdo komb per&...
foto ilustruese Nga James Marson & Oksana Grytsenko “Wall Street Journal” Planifikuesit e kundërofensivës së Ukrainës ...
rexhep tajip erdogan Nga Murat Somer & Toygar Sinan Baykan “London School of Economics” Zgjedhjet parlamentare turke të majit të...
foto ilustruese Nga Carolina Mella “El Pais” Penitenciaría del Litoral dhe institucioni korrektues Rajonal, që ndodhen brenda t&eu...
