Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Nga Carolina Mella “El Pais”
Penitenciaría del Litoral dhe institucioni korrektues Rajonal, që ndodhen brenda të njëjtit kompleks, janë burgjet më të populluara në Ekuador. Ato janë të vendosura në qytetin bregdetar Guayaquil dhe mbajnë në total 10.000 të burgosur, ose më shumë se çerekun e të gjithë të burgosurve në këtë vend të Amerikës së Jugut.
Atje kontrollin e kanë vetë të dënuarit. Ata drejtojnë jo vetëm 15 njësitë brenda kompleksit të burgut, por kontrollojnë edhe trafikun e drogës dhe aktivitetet e krimit të organizuar që ndodhin jashtë tij. Po ashtu, janë ata që vendosin se kush duhet të hyjë dhe kush jo.
Madje kanë edhe çelësat e qelive të tyre. Në këtë mënyrë këto banda kanë arritur të nxisin terror në të gjithë vendin. Shembulli më i fundit ndodhi të martën, kur të paktën 10 persona humbën jetën, përfshirë dy oficerë policie. Deri tani janë identifikuar 7 banda kriminale që kanë pushtet brenda burgjeve.
Në njësitë e burgut Rajonal, në krye janë Los Choneros, që përgjigjen para bosit të tyre José Adolfo Macías, i njohur me nofkën Fito. Ndërkohë në Penitenciaria del Litoral, 12 ndërtesat janë ndarë midis Chone Killers, Águilas, Fatales, Latin Kings, Lobos, Tiguerones dhe Mafias.
Pikërisht këtu u ndez shkëndija që shkaktoi masakrën e parë të madhe në burgje më 23 shkurt 2021, ku u prenë kokat 79 të burgosurve. Ishte fillimi i një krize sigurie që është përshkallëzuar që nga ajo kohë, duke rrëzuar 3 qeveritë e fundit në Ekuador, sepse asnjëra prej tyre nuk ka arritur të sigurojë kontrollin e asaj që ndodh brenda burgjeve.
Tani, drejtuesit e karteleve ekuadoriane e kanë sfiduar qeverinë e re të presidentit Daniel Noboa përmes një vale sulmesh të dhunshme që nisën që të dielën e 7 janarit, kur autoritetet kuptuan se lideri i Los Choneros, ishte arratisur. Trazirat shpërthyen në 7 burgje.
Kamerat e sigurisë bëjnë të mundur të shihen qartë lëvizjet e të burgosurve teksa ngjiten e zbresin një shkallë druri në çati, flasin në telefon dhe pushojnë në dhomat e tyre. Kushdo që kalon në rrugën kryesore mund t’i dallojë, ashtu si oficerët e policisë dhe ushtarakët që ruajnë postbllokun e parë të sigurisë në hyrje të burgut.
Gjithçka ndodh para syve të atyre që supozohet të kenë kontrollin e burgut. “Burgjet janë qytete ku sundojnë të burgosurit. Ata kanë atje bizneset e tyre. Në Rajonal, që në momentin që hyn, të ofrojnë për të ngrënë pulë të pjekur dhe ka një karrocë plot me ushqime. Këto janë biznese për të ushqyer strukturën që kanë krijuar brenda”- thotë një oficer policie që ka punuar në të dyja burgjet.
Pyetja është se arrijnë të futen brenda burgut pulat, karroca e ushqimit, bombolat e gazit, armët, municionet, bombat, droga dhe alkooli i kapur në sasi të pallogaritshme. Përgjigja është korrupsioni i një sistemi të drejtuar nga një agjenci qeveritare e quajtur SNAI. Komisioni Ndër-Amerikan për të Drejtat e Njeriut, që e vizitoi kompleksin në vitin 2021, shkroi në një dokument drejtuar qeverisë: “Korrupsion i paprecedentë brenda burgjeve, si rezultat i neglizhencës prej vitesh të shtetit ndaj sistemit penitenciar, si dhe mungesës së një politike gjithëpërfshirëse në këtë sektor, ka çuar në një vetëqeverisje”, duke lënë të kuptohet se kontrolli i brendshëm ushtrohet nga vetë të arrestuarit.
Struktura punon me një drejtues për çdo njësi burgu, i cili raporton tek kreu i bandës. Oficeri i policisë që shpjegoi për EL PAÍS se si funksionon ky rrjet korrupsioni, e përshkroi atë pozicion si atë të një “menaxheri”. “Për shembull Fito që ishte në Rajonal, nuk e dinte domosdoshmërisht se çfarë po ndodhte në një nga pavionet e Penitenciaria-s. Atë e informonin drejtuesit e bandës së tij dhe ata që kanë lidhje me Los Choneros në çdo pavion. Ai ishte një lloj menaxheri i Los Choneros”- thotë ai.
Në çdo qeli, drejtuesit paguhen për gjithçka. Qelitë, me përmasa 2 me 2 metra, mund të mbajnë nga një deri në 8 ose 10 të dënuar, në varësi të shumës që mund të paguhet. “Nëse duan një dhomë të mirë, trafikantët e drogës paguajnë deri në 1500 dollarë në muaj. Madje në këto qeli ka edhe ajër të kondicionuar”- shprehet ai.
Në një qeli me 2 krevate marinari për 4 persona, secili mund të paguajë rreth 300 dollarë në muaj. “Kush nuk paguante flinte në dysheme”- vuri në dukje burimi i policisë. Aktivitete të tilla brenda njërës prej këtyre njësive të banimit, mund të sjellin deri në 20.000 dollarë të ardhura në muaj.
Prandaj, shumë nga konfliktet midis bandave kriminale ndodhin “për kontrollin e pavioneve dhe qendrave të vuajtjes së dënimit, të motivuara kryesisht nga përfitimet ekonomike që mund të kenë nëpërmjet aktiviteteve të paligjshme” paralajmëroi IACHR në raportin e saj, duke shtuar se lufta e egër për kontroll dhe pushtet zhvillohet edhe jashtë burgjeve.
Modeli i burgjeve të Guayaquil u përsërit më vonë në burgje të tjera që janë të shpërndara në pjesë të ndryshme të vendit dhe që ndodhen nën komandën e bandave të ndryshme. Kriminale. Burgjet në Cotopaxi, Quito, Cuenca, Machala, Chimborazo, që u shfaqën në krye të trazirave më të fundit, janë nën kontrollin e Los Lobos, bandës kriminale që po përpiqet të arrijë kontrollin e plotë mbi krimin e organizuar brenda dhe jashtë burgjeve të Ekuadorit.
Foto ilustruese Nga Adnan Nasser “National Interest” Në një intervistë dhënë së fundmi për televizionin ame...
foto ilustruese Nga Nathalie Tocci “Huffington Post italia” Gjysma e dytë e vitit 2023 solli rrënimin e ambicieve “gjeopolitik...
anila basha Vetëvrasja me helmin fostoksinë e Bedrie Lokës, gruas, nënës se 4 fëmijëve që u denigrua si femër ...
Bajram Fezollari Pogradec – Pothuajse çdo mbrëmje gjatë verës së vitit 1975, babai i Bajram Fezollarit, Feridoni...
Sonila Meco Vetëm tragjeditë na zgjojnë, na mbajnë syçelët për tre ditë dhe në të katërtën ni...
Xhemal Loka dhe Bedrie Loka Vetëvrasja ose vrasja e Bedrie Lokës mëngjesin e 2 janarit në Durrës, është dështimi i ...
Ura e Zogut Në emisionin qëndror të lajmeve të datës 24 Dhjetor 2023 më në fund, një televizion kombëtar i ku...
Enkeleda Memisha dhe Grigorina Boce TIRANË- Turizmi është kthyer në sektorin prioritar të ekonomisë gjatë viteve të...
marine le pen dhe vladimir putin Nga Mikhail Zygar “Foreign Affairs” Në mars të këtij viti, Rusia do të mbajë zgjedhj...
nato Nga Yanis Varoufakis “Unherd” Ishte fillim-shtatori i vitit 1971. Nëna më çoi me taksi në një hotel në n...
