Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Nga Brendan Cole “Newsweek”
Ish-Komandanti Suprem i Aleatëve për Evropën, Philip Breedlove, parashikon 3 skenarë për luftën e nisur nga Vladimir Putin në Ukrainë, dhe 2 prej tyre përfshijnë fitoren e Rusisë. “Në rast se nuk bëjmë asgjë ndryshe nga sa po bëjmë tani, Ukraina në fund do të humbasë pasi Rusia ka më shumë njerëz dhe thellësi territoriale sesa Ukraina”- thotë ai për Newsweek.
“Në rast se Perëndimi e braktis Ukrainën, ajo do të vazhdojë të luftojë me guxim. Por do të vdesin dhjetëra mijëra ukrainas të tjerë dhe në fund Rusia do të nënshtrojë të gjithë Ukrainën, e cila do të jetë sërish një shtet vasal i Moskës”- shton ai.
Breedlove, që si komandant i NATO-s gjatë viteve 2013- 2016, pa pasojat e aneksimit të Krimesë nga Putin në vitin 2014, akt që i parapriu pushtimit të tij në shkallë të plotë, mendon se nëse Perëndimi i ofron Ukrainës atë që i nevojitet për të fituar, ajo do ta fitojë këtë luftë.
“Kjo luftë do të përfundojë pikërisht ashtu siç duan dhe dëshirojnë politikë-bërësit perëndimorë”- thotë gjenerali me 4 yje. Nevoja për më shumë armë perëndimore, ishte më se e qartë në deklaratën e fortë të Volodymr Zelensky këtë javë, se lufta kundër Putinit nuk është vetëm e Kievit.
“Ai nuk do të ndalet derisa ne të gjithë ta mposhtim së bashku”- tha presidenti ukrainas të enjten e kaluar. Paralajmërimi i tij erdhi ditën që ligjvënësit amerikanë u rikthyen në Uashington pas pushimeve të fundvitit, dhe kur një fraksion i Partisë Republikane pengoi para Krishtlindjeve miratimin e një paketë të re ndihme prej 61.4 miliardë dollarësh për Ukrainën.
Gjatë pushimeve të Kongresit, Ukraina përjetoi valën më të rëndë të bombardimeve ruse që nga fillimi i luftës. Më shumë se 500 raketa dhe dronë u lëshuan në të gjithë vendin, duke shkatërruar një maternitet, shkolla dhe apartamente, dhe duke vrarë 45 njerëz.
Teksa ka nisur fushata e zgjedhjeve paraprake në parti, ish-presidenti Donald Trump dhe aleatët e tij, po bëjnë thirrje t’i jepet fund ndihmës së SHBA-së ndaj Ukrainës, e cila që nga fillimi i luftës arrin në mbi 79 miliardë dollarë. Por Tom Malinowski, ish-drejtor i lartë i Këshillit të Sigurisë Kombëtare dhe një ish-ndihmës sekretar i shtetit për demokracinë, të drejtat e njeriut dhe punën, nën administratën Obama, tha se frenimi i ndihmës e ka bërë “më të mundshme” një fitore të Putinit.
“Pyetja ndaj udhëheqjes republikane në Kongres është: A duan ata që nesër të fajësohen për fitoren e Rusisë në luftë? Ata duhet t’i përgjigjen tani kësaj pyetjeje. Shumica e gjërave në Kongres mund të hidhen poshtë. Nëse humbni një ditë, do të jetoni që të luftoni të nesërmen, por Ukraina nuk mund të jetojë për të luftuar një ditë tjetër”- thotë ish-kongresmeni demokrat i New Jersey.
Ndërsa lufta po hyn në vitin e saj të tretë, nga disa ligjvënës amerikanë ka gjithnjë e më shumë thirrje që Zelensky të hyjë në negociata me rusët dhe të lëshojë një pjesë të territorit. Megjithatë, Instituti për Studimin e Luftës parashikoi në dhjetor pasoja të tmerrshme të ngrirjes së konfliktit, apo më keq akoma të fitores së Putinit.
Lufta e Amerikës
Një Ukrainë e mposhtur do të shtynte pranë kufirit të NATO-s një ushtri ruse me një përvojë luftarake shumë më të madhe se forcat e para-pushtimit: nga Deti i Zi në Oqeanin Arktik. Kjo situatë do të kërkonte sisteme të avancuara të mbrojtjes ajrore, të cilat mund të sfidohen vetëm nga avionët amerikanë, duke lënë boshllëqe në strategjinë parandaluese të SHBA-së kundër Kinës.
Instituti për Studimin e Luftës (ISW) me seli në Uashington, theksoi gjithashtu se një konflikt i ngrirë do të ishte më i keq sesa vazhdimi i ndihmës për Ukrainën, pasi do t’i jepte Putinit kohë për t’u përgatitur për një fushatë të re ndoshta edhe kundër NATO-s.
“Lufta e Ukrainës është lufta e Amerikës. Ne nuk duam të shohim fitoren e Putinit. Gjithçka varet nga miratimi i kësaj ndihme. Në të kundërt Putin fiton, besim, vrull dhe ndikim”- thekson Malinowski.
Kundërofensiva e madhe e Ukrainës që filloi në qershor 2023 me synim çlirimin e territorit të pushtuar nga Rusia, nuk dha rezultatet e pritura nga Kievi apo aleatët e tij. “Lufta e manovrimit nis me epërsinë ajrore. Ne nuk i kemi dhënë Ukrainës atë që i nevojitet për të vendosur epërsinë ajrore”- tha Breedlove.
Ai thekson se edhe se Ukraina është pajisur me disa armë me rreze të shkurtër veprimi, ATACMS (Sistemi i Raketave Taktike të Ushtrisë) janë variante më të vjetra dhe më pak të afta se versionet moderne. “Ne nuk po u japim ukrainasve atë që u nevojitet për të fituar, por vetëm për të rezistuar në fushën e betejës. Udhëheqësit perëndimorë janë shumë të frikësuar nga përshkallëzimi, dhe nuk janë në gjendje të mendojnë se çfarë do të thotë një Putin i mundur”- nënvizon gjenerali.
Gabimet e Ukrainës
Kundërofensiva e Ukrainës u pengua nga dorëzimi i ngadaltë i automjeteve manovruese të blinduara, thotë për “Newsweek” Gustav Gressel, bashkëpunëtor në Këshillin Evropian për Marrëdhëniet me Jashtë (ECFR). Automjetet luftarake amerikane “Bradley” dhe tanket gjermane “Leopard” do të kishin qenë më efektive, nëse do të ishin dorëzuar kur ishte më i mirë pozicioni i forcave të mekanizuara të Ukrainës, thekson ai.
Eksperti përmend faktin që lufta për kontrollin e qytetit Bakhmut në rajonin Donetsk, pati një kosto shumë të lartë. “Ukraina ka bërë gabimet e saj. Ajo mbeti e mbërthyer në Bakhmut për shumë kohë, duke humbur në atë betejë shumë djem me përvojë.
Ajo trajnoi në mënyrë të pamjaftueshme rekrutët e rinj. Ne e dimë që nga Lufta e Dytë Botërore, se formacionet e sapoformuara kanë nevojë për kohën e tyre që të operojnë në terren në mënyrë të pavarur”- mendon Gressel.
Por kundërsulmi i Ukrainës nuk u dëmtua vetëm nga mungesa e mbulimit ajror. “Perëndimi e nënvlerësoi kohën e përshtatjes së rusëve me municionet precize të kontrolluara nga GPS. Ky vit do të jetë shumë më i vështirë për Ukrainën. Ne në Perëndim nuk e kemi rritur prodhimin tonë të municionit edhe për predhat e thjeshta të artilerisë”- thekson Gressel, duke shpresuar që në vitin 2025 zinxhirët e furnizimit me armë dhe trajnimi i trupave ukrainase do të jetë më i përmirësuar.
Strategjia e Luftës së Ftohtë
Përfitimet e Ukrainës gjatë vitit 2022 në fushën e betejës përfshinin rimarrjen e Kharkiv-it dhe Kherson-it, largimin e forcave ruse nga Kievi si dhe goditjet e forta ndaj Flotës së Detit të Zi të Putinit, të cilat vazhdojnë edhe sot e kësaj dite.
Por sukseset e mëparshme e frymëzuan Zelenskyn dhe administratën Biden që të vendosnin “synime jorealiste” në kundërsulmin që nisi në verën e vitit 2023, thotë për “Newsweek” Viktor Kovalenko, ekspert i çështjeve të mbrojtjes dhe një ish-ushtar ukrainas.
“Unë mendoj se ka ardhur koha që partnerët perëndimorë të Ukrainës të kalojnë në strategjinë e provuar të Luftës së Ftohtë. Dhe kjo do të thotë frenim i Rusisë kudo që duhet, dhe furnizim maksimal me armatime i Ukrainës dhe i gjithë vendeve përgjatë kufijve të NATO-s”- nënvizon ai.
Aktualisht Ukraina mund t’u tregojë aleatëve disa arritje. Ajo ka rifituar gati kontrollin e plotë të pjesës veriperëndimore të brigjeve të Detit të Zi, duke e shtyrë më në lindje dhe juglindje marinën ruse. Ndërkohë në tokë, forcat ukrainase kanë përparuar mjaftueshëm për të nisur përdorimin e artilerisë me rreze të shkurtër veprimi në urën tokësore drejt Krimesë, të cilën ajo po e godet rregullisht.
Por faza tjetër e luftës, e cila do t’i japë formë sigurisë evropiane për dekadat e ardhshme, nuk ka të bëjë vetëm me ndihmën e SHBA-së. Aleati i Putinit në Bashkimin Evropian, kryeministri hungarez Victor Orban, muajin e kaluar vuri veton ndaj një pakete ndihme prej 50 miliardë eurosh nga Brukseli, pa të cilën Zelensky ka thënë se do të jetë e vështirë që Kievi të mbijetojë teksa lufta po hyn në vitin e saj të tretë.
“Mbështetja perëndimore për Ukrainën duhet të ri-përqendrohet në ndërtimin e fortifikimeve dhe të aftësive mbrojtëse me shumë shtresa, në trajnimin e rekrutëve të rinj si dhe në rritjen e volumit të prodhimit të armëve në vendet e tyre, në mënyrë që të sabotohet çdo përpjekje e mëtejshme e Rusisë për të goditur apo gllabëruar më shumë territore ukrainase.
Vladimir Putin po vazhdon të kërkojë se ku mund të ketë një avantazh. Por një tranzicion i strategjisë së Ukrainës në fushën e mbrojtjes, i kombinuar me atë të parandalimit, nuk do t’i japë atij avantazhin që synon, pasi ukrainasit nuk do të dorëzohen në asnjë lloj rrethane”- përfundon Kovalenko.
Ola Xama Prej disa kohësh kemi parë dhe analizuar numrin dhe sipërfaqen e lejeve të ndërtimit që janë dhënë n...
foto nga ekuadori Nga Roberto Saviano "Corriere della Sera". Ajo që po ndodh në Ekuador ka të bëjë me çdo komb per&...
foto ilustruese Nga James Marson & Oksana Grytsenko “Wall Street Journal” Planifikuesit e kundërofensivës së Ukrainës ...
rexhep tajip erdogan Nga Murat Somer & Toygar Sinan Baykan “London School of Economics” Zgjedhjet parlamentare turke të majit të...
foto ilustruese Nga Carolina Mella “El Pais” Penitenciaría del Litoral dhe institucioni korrektues Rajonal, që ndodhen brenda t&eu...
Foto ilustruese Nga Adnan Nasser “National Interest” Në një intervistë dhënë së fundmi për televizionin ame...
foto ilustruese Nga Nathalie Tocci “Huffington Post italia” Gjysma e dytë e vitit 2023 solli rrënimin e ambicieve “gjeopolitik...
anila basha Vetëvrasja me helmin fostoksinë e Bedrie Lokës, gruas, nënës se 4 fëmijëve që u denigrua si femër ...
Bajram Fezollari Pogradec – Pothuajse çdo mbrëmje gjatë verës së vitit 1975, babai i Bajram Fezollarit, Feridoni...
Sonila Meco Vetëm tragjeditë na zgjojnë, na mbajnë syçelët për tre ditë dhe në të katërtën ni...
