Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Nga Ruchir Sharma “Financial Times”
Kur emigrantët mësynë masivisht në kufirin jugor me Meksikën vitin e kaluar, ata u shndërruan në çështjen politike edhe më të nxehtë në SHBA, ku shumë demokratë iu bashkuan thirrjeve të republikanëve për marrjen e masave më të ashpra për të kontrolluar hyrjet e paligjshme.
Megjithatë, debati ekonomik po merr tjetër rrjedhë. Është folur dhe po flitet shumë mbi mënyrën se si rritja e emigracionit ndihmoi në ruajtjen e një gjendjeje optimale të rritjes ekonomike (as shumë e lartë por as shumë e ulët) gjatë vitit 2023 dhe se si reagimi politik po e vë në rrezik këtë përfitim të papritur.
I nxitur nga luftërat, vështirësitë dhe fundi i pandemisë, emigracioni pësoi një rritje të ndjeshme në mbarë botën vitin e kaluar. Rritja e numrit të përgjithshëm, pra si të emigrantëve të ligjshëm po ashtu edhe atyre të paligjshëm, ka arritur nivelet më të larta ndër disa dekada në shumë nga vendet më të njohura si destinacione të preferuara.
Krahasuar me flukset mesatare vjetore në vitet 2010, emigracioni gati u 3-fishua në vitin 2023 në 3.3 milionë në SHBA dhe 670.000 në Britaninë e Madhe, ndërkohë që gati u dyfishua në Kanada dhe Australi. Në shumë vende, kishte nisur të shfaqej një kundër-reagim, i cili tani është përshpejtuar dukshëm.
Popullsia e lindur jashtë vendit, është rritur në mënyrë të qëndrueshme në SHBA që nga viti 1980. Sot ajo përbën gati 15 për qind të popullsisë në përgjithësi, një kulm i arritur për herë të fundit në vitin 1910, kur pati gjithashtu një varg politikanësh nacionalistë në politikën amerikane që nisën të bënin thirrje për kontrolle më të rrepta.
Pjesa më e madhe e reagimit aktual, është ndaj rritjes së kalimeve të paligjshme dhe të rrezikshme për jetën. Kjo kundërpërgjigje është nxitur pjesërisht nga një armiqësi e ripërtërirë ndaj emigrantëve, dhe pjesërisht edhe nga dëshira humane për t’i dhënë fund skenave të vuajtjes.
Por në një periudhë në të cilën një popullsi në plakje po e redukton fuqinë punëtore në mbarë botën, emigrantët ofrojnë gjithashtu një nxitje praktike dhe shumë të nevojshme në aspektin e punës. Falë emigrantëve por edhe më shumë amerikanëve që po rikthehen në punë, forca e punës në SHBA në vitin 2023 u rrit 3 herë më shpejt se sa norma e rritjes së popullsisë në përgjithësi.
Dhe kjo e dhënë na ndihmon për të shpjeguar arsyen pse nuk ndodhi recesioni ekonomik që pritej nga shumë ekspertë të ekonomisë. Pra rritja e migracionit kontribuoi ndjeshëm në lehtësimin e mungesës së fuqisë punëtore, ngadalësimin e inflacionit dhe ngritjen e kërkesës konsumatore.
Emigrimi neto në SHBA përbënte afro çerekun e rritjes së shpenzimeve të konsumatorit, që vetëm vitin e kaluar ishte 2.7 për qind. Në Kanada dhe Britaninë e Madhe, shtimi i emigrantëve e rriti konsumin me rreth 1 për qind. Ndikimi i saktë mbi fuqinë punëtore është më i pasigurt, pasi është e vështirë të dihet me saktësi se cila pjesë e të porsa-ardhurve, veçanërisht në mesin e atyre që kanë hyrë ilegalisht, kanë gjetur një punë.
Por ndikimi ishte konsiderueshëm i mjaftueshëm që kreu i Rezervës Federale, Jay Powell, ta përmendte në konferencën e tij për mediat në dhjetor, kur ai e përmendi rritjen e emigracionit si një nga faktorët që lehtësuan pengesat në zinxhirët e furnizimit vitin e kaluar. Nga ana tjetër, kjo e reduktoi presionin në rritje mbi pagat dhe inflacionin.
Me pak fjalë, kushtet e vitit 2023 - me një rritje ekonomike çuditërisht të lartë dhe me një rënie të shpejtë dhe të ndjeshme të inflacionit - ndodhën pjesërisht falë ndikimit të nënvlerësuar që patën emigrantët. Por tani forcat që nxitën emigracionin vitin e kaluar po zbehen.
Tashmë, administrata e Biden po ndalon në një numër rekord emigrantët e paligjshëm në kufi, dhe ka sinjalizuar gatishmërinë e saj për të shtrënguar më tej masat kundër tyre, në rast se republikanët zotohen të miratojnë dhënien e më shumë fondeve për Ukrainën.
Patrulla Kufitare e SHBA-së, zbuloi dhe arrestoi shumë më pak emigrantë në javën e fundit të dhjetorit sesa në javët e mëparshme. Ajo mund të ishte një ndërprerje për Krishtlindjet, ose mund të pasqyrojë zbehjen e fluksit pas pandemisë. Sido që të jetë, një rënie e ndjeshme e emigracionit e kërcënon perspektivën e rritjes ekonomike për vitin 2024, duke qenë se shumë njerëz presin që të vazhdojë një rritje ekonomike e moderuar.
Rreziku i madh, është se shqetësimet e ligjshme mbi migracionin e paligjshëm të përhapen duke kufizuar ose dekurajuar edhe fluksin e emigrantëve të ligjshëm. Kohët e fundit, Britania e Madhe ndërmori disa masa drastike për të përgjysmuar emigracionin legal dhe ilegal në vend, duke e kufizuar në maksimumi 300.000 në vit.
Australia sapo ka shtrënguar rregullat për dhënien e vizave për studentët dhe punëtorët me kualifikim të ulët. Edhe Kanadaja, që po rrit kuotën e emigrantëve të përhershëm, po merr masa për të kufizuar fluksin e punëtorëve sezonalë.
Duke vendosur ndoshta masat më të ashpra, Franca po kufizon ndjeshëm ndihmën sociale për të huajt, po e bën më të lehtë dëbimin e emigrantëve që iu refuzohet azili, dhe po i jep fund praktikës së dhënies automatikisht të shtetësisë për fëmijët e lindur në Francë nga 2 prindër emigrantë.
Këto hapa mund të jenë pozitive në aspektin e përfitimeve politike dhe sidomos në një botë të lodhur nga të huajt. Por ato janë hapa shumë të diskutueshme, nëse flasim për ndikimin ekonomik që kanë. Sipas një përllogaritjeje të kohëve të fundit, SHBA është e detyruar të lejojë afro 4 milionë emigrantë çdo vit, që të parandalojë rënien e popullsisë në dekadat e ardhshme.
Dhe shumica e ekonomive të zhvilluara, janë shumë larg momentit të rënies së popullsisë sesa SHBA-ja. Ndaj politikanët e zgjuar duhet të gjejnë një ekuilibër midis kontrollit të kaosit që shkakton emigracioni i paligjshëm dhe kufizimit të pasojave ekonomike të politikave anti-migracion.
foto ilustruese Nga Brendan Cole “Newsweek” Ish-Komandanti Suprem i Aleatëve për Evropën, Philip Breedlove, parashikon 3 skenar...
Ola Xama Prej disa kohësh kemi parë dhe analizuar numrin dhe sipërfaqen e lejeve të ndërtimit që janë dhënë n...
foto nga ekuadori Nga Roberto Saviano "Corriere della Sera". Ajo që po ndodh në Ekuador ka të bëjë me çdo komb per&...
foto ilustruese Nga James Marson & Oksana Grytsenko “Wall Street Journal” Planifikuesit e kundërofensivës së Ukrainës ...
rexhep tajip erdogan Nga Murat Somer & Toygar Sinan Baykan “London School of Economics” Zgjedhjet parlamentare turke të majit të...
foto ilustruese Nga Carolina Mella “El Pais” Penitenciaría del Litoral dhe institucioni korrektues Rajonal, që ndodhen brenda t&eu...
Foto ilustruese Nga Adnan Nasser “National Interest” Në një intervistë dhënë së fundmi për televizionin ame...
foto ilustruese Nga Nathalie Tocci “Huffington Post italia” Gjysma e dytë e vitit 2023 solli rrënimin e ambicieve “gjeopolitik...
anila basha Vetëvrasja me helmin fostoksinë e Bedrie Lokës, gruas, nënës se 4 fëmijëve që u denigrua si femër ...
Bajram Fezollari Pogradec – Pothuajse çdo mbrëmje gjatë verës së vitit 1975, babai i Bajram Fezollarit, Feridoni...
