Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Nga Adnan Nasser “National Interest”
Në një intervistë dhënë së fundmi për televizionin amerikan CNN, Ministri i Jashtëm i përkohshëm i Libanit, Abdallah Bou Habib, bëri një lëshim të hapur publik kur deklaroi se qeveria e tij nuk mund të kontrollojë apo ndikojë dot mbi vendimin e Hezbollahut për të përshkallëzuar përplasjen e tij të armatosur me Izraelin.
“Ne nuk kemi mundësi që t’i urdhërojmë ata. Ne nuk po e pretendojmë këtë, por mund t’i bindim ata me argumente dhe mendoj se gjërat në këtë aspekt po funksionojnë”- tha Bou Habib. Intervista e Ministrit të Jashtëm u zhvillua gjatë vizitës së tij në Uashington, e cila synonte t’i kërkonte Shtëpisë së Bardhë të ushtrojë më shumë presion ndaj Izraelit për të pasur kujdes në sjelljen ndaj fqinjit të tij verior.
Megjithatë, ajo ishte një deklaratë që nxori në pah dorëzimin e mëtejshëm ndaj realitetit: se është në fakt Hezbollahu, dhe jo qeveria legjitime e Libanit, ai që dikton rregullat e hakmarrjes. Një anëtar i parlamentit libanez, Nadim Gemayel, tha për National Interest: “Ajo që deklaroi Habib përbën një pranim zyrtar të situatës de fakto”.
Sulmi me dron i 2 janarit në Dahieh, periferinë jugore të kryeqytetit të Libanit, Bejrut, të kontrolluar përgjithësisht nga Hezbollahu, që shkaktoi vdekjen e numrit 2 të Hamasit, Saleh Al-Arouri, bashkë me 6 tjerë, e solli luftën më afër shtëpisë për popullin libanez.
Izraeli mohoi të ishte përgjegjës për atë atentat. Megjithatë, shumë njerëz dyshojnë se pas kësaj ngjarjeje qëndron Tel Avivi. Ndaj tani të gjithë presin të shohin se si do të hakmerren Hezbollahu dhe Hamasi. Duke mohuar se qëndrojnë pas vrasjes së Arourit, izraelitët mund ta akuzojnë Hezbollahun si fajtor për përshkallëzimin e tensioneve.
Kjo në varësi të reagimit të tij. Dhjetëra mijëra njerëz në të dyja anët e kufirit, janë larguar tashmë nga shtëpitë e tyre nga frika e sulmeve ajrore izraelite por edhe nga goditjet me raketa dhe artileri nga Hezbollahu. Ky i fundit pretendon se po lufton ndaj izraelitëve në mbështetje të kauzës së popullit palestinez për liri dhe pavarësi.
Megjithatë, mbështetësit e tij jetojnë në Liban, shumica në Libanin Jugor dhe në zonën e Dahieh. Dhe nëse do të shpërthente një luftë në shkallë të gjerë, ata do të ishin të parët që do ta ndjenin atë. Por s’do të ishin të vetmit. Në një fjalim të mbajtur të premten e shkuar Sekretari i Përgjithshëm i Hezbollahut, Hassan Nasrallah, paralajmëroi se grupi i tij nuk mund të qëndrojë i heshtur pas vrasjes së Arourit dhe foli për pasojat e mundshme të kundër-përgjigjes ndaj Izraelit.
“Kjo do të thotë se ndaj luftës do të ekspozohet i gjithë Libani. Të gjitha qytetet, fshatrat dhe figurat politike. Është e sigurtë se vrasja e Al-Arouri nuk do të kalojë pa reagim dhe ndëshkim”- shtoi ai.
Kjo nënkupton atë që shumë njerëz i druhen prej disa kohësh: një luftë e re që mund të çojë në humbje të mëdha në jetë njerëzish dhe në dëme kolosale në infrastrukturë, duke e bërë luftën e vitit 2006 të duket si një përleshje e vogël.
Në një intervistë për “National Interest”, profesor Nadim Shehadi, që më parë ka drejtuar programin e Lindjes së Mesme në think-tankun britanik “Chatham House” me seli në Londër, ndau pikëpamjet e tij mbi situatën: “Aktualisht jemi në një luftë qëndrimesh dhe propagande. Njëra nga palët po bllofon dhe po rrezikon shumë. Unë mendoj se nëse Nasrallah nuk po bën bllof, ai do ta dërgojë Libanin drejt shkatërrimit.
Ai thotë se ka mbi 100.000 luftëtarë dhe 150.000 raketa. Në rast se izraelitët e besojnë këtë pretendim, atëherë kjo mund të përbëjë një pengesë. Por nëse del që ai po bën bllof dhe nuk i ka këto sasi armësh dhe këtë numër luftëtarësh, atëherë do ta tërheqë vendin në një luftë shumë shkatërruese, nga e cila do të ishte shumë e vështirë të dilej”.
Shehadi theksoi gjithashtu se situata aktuale në Liban, është shumë më e pasigurt sesa në verën e vitit 2006, kur Izraeli dhe Hezbollahu zhvilluan një luftë 1-mujore midis tyre. Pasi mbaroi lufta, shtetet e Gjirit Persik dhe komuniteti ndërkombëtar ndërhynë për të ndihmuar në rindërtimin e Libanit.
Ndërkohë tani, monarkitë e Gjirit si Arabia Saudite dhe Kuvajti, nuk po tregojnë shenja, të paktën deri tani, se do të japin të njëjtin kontribut në ekonominë libaneze. “Në atë kohë ne kishim mbështetje të gjerë ndërkombëtare. Nga Shtetet e Bashkuara por edhe vendet e Gjirit. Sot jemi plotësisht të izoluar. Për këtë arsye, nëse hyjmë në luftë ndaj Izraelin, do të jetë shumë e vështirë të dalim prej saj”- nënvizon ai.
Duke ndjekur retorikën e Hassan Nasrallah, duket se populli libanez duhet të vetëpërmbahet. Izraeli kapërceu një vijë të kuqe në raport me rregullat e vjetra të angazhimit ushtarak, pavarësisht mohimit të tij zyrtar. Një kundërpërgjigje e caktuar nga Hezbollahu pas sulmit të këtij fillim-muaji është e pashmangshme.
Përndryshe, kjo organizatë do të shihej si ngurruese dhe e frikësuar në sytë e armikut. Megjithatë, mundësia që hakmarrja të kthehet në një luftë në shkallë të gjerë si në Gaza është ende e ulët. Me shumë mundësi, do të kemi një përgjigje “proporcionale”. Se çfarë forme do të marrë, nuk mund të jemi asnjëherë të sigurt. Megjithatë, kur ndodh, askush nuk duhet të habitet. Tani për tani duhet të presim.
Shënim:Adnan Nasser, analist dhe gazetar i pavarur i politikës së jashtme me fokus çështjet e Lindjes së Mesme.
foto ilustruese Nga Nathalie Tocci “Huffington Post italia” Gjysma e dytë e vitit 2023 solli rrënimin e ambicieve “gjeopolitik...
anila basha Vetëvrasja me helmin fostoksinë e Bedrie Lokës, gruas, nënës se 4 fëmijëve që u denigrua si femër ...
Bajram Fezollari Pogradec – Pothuajse çdo mbrëmje gjatë verës së vitit 1975, babai i Bajram Fezollarit, Feridoni...
Sonila Meco Vetëm tragjeditë na zgjojnë, na mbajnë syçelët për tre ditë dhe në të katërtën ni...
Xhemal Loka dhe Bedrie Loka Vetëvrasja ose vrasja e Bedrie Lokës mëngjesin e 2 janarit në Durrës, është dështimi i ...
Ura e Zogut Në emisionin qëndror të lajmeve të datës 24 Dhjetor 2023 më në fund, një televizion kombëtar i ku...
Enkeleda Memisha dhe Grigorina Boce TIRANË- Turizmi është kthyer në sektorin prioritar të ekonomisë gjatë viteve të...
marine le pen dhe vladimir putin Nga Mikhail Zygar “Foreign Affairs” Në mars të këtij viti, Rusia do të mbajë zgjedhj...
nato Nga Yanis Varoufakis “Unherd” Ishte fillim-shtatori i vitit 1971. Nëna më çoi me taksi në një hotel në n...
foto ilustruese Nga Tatyana Kekic “The Spectator’ Presidenti i Serbisë, Aleksandar Vucic, ka kopjuar këtë javë Vladimir Pu...
