"Partitë e reja opozitare më të vendosura të luftojnë njëra-tjetrën sesa regjimin e Ramës," Gresa Hasa: ...
"Nuk do pushtohemi..."/ Trump: Fuqia jonë do të ndalojë çdo luftë dhe do sjellë paqen në një botë...
Mbreti Charles i dërgon urime Trumpit: Mbretëria e Bashkuar dhe SHBA, marrëdhënie të veçanta dhe të që...
Presidenti letër në Kuvend, ironizon Bardhi: Pse nuk e sollët kësaj here apo meqë nuk kishte protestë opozita 20...
Pak më shumë se 1 orë përpara arrestimit, Kryeministri Edi Rama, i ftuar në 'Opinion' shpenzoi 50 minuta për kandidatin e opozitës në Himarë. I akuzuar më parë si pjesëmarrës në masakrën e Peshkëpisë më 10 prill 1994, ku u vranë 2 oficerë të ushtrisë sonë, i dënuar më pas për "nxitje të urrejtjes" në 2003 dhe shumë i kundërshtuar për deklaratat e tij rreth helinizmit të Himarës, Fredi Beleri ishte një rast fatlum që Edi Rama të identifikonte opozitën me antishqiptarimin grek dhe të rimerrte flamurin e humbur të nacionalistit.
Arrestimi i Alfred Belerit, e shfokusoi vëmendjen nga i gjithë debati elektoral, procesi dhe incidentet. Në kohën kur po diskutohej për rezultatet e mundshme, për blerjet e votave si fushata më efikase parazgjedhore, ai që u kap nga policia ishte kandidati i opozitës për Himarën, që, sipas policisë, me 400 mijë lekë po blinte 8 vota.
Më pas policia njoftoi se ishte një i infiltruar që e kishte bërë të mundur kapjen në flagrancë të Belerit. Dëshmitarët tregojnë se kandidati ka qenë në një Restorant me stafin e tij përpara se të arrestohej. Pamjet e arrestimit, të transmetuara nga dosja.al (SHIKO KËTU), tregojnë për një operacion të mirëorganizuar në orët e vona të natës, duke gdhirë dita e fundit e fushatës.
Pak më shumë se 1 orë përpara arrestimit, Kryeministri Edi Rama, i ftuar në 'Opinion' shpenzoi 50 minuta për kandidatin e opozitës në Himarë. I akuzuar më parë si pjesëmarrës në masakrën e Peshkëpisë më 10 prill 1994, ku u vranë 2 oficerë të ushtrisë sonë, i dënuar më pas për "nxitje të urrejtjes" në 2003 dhe shumë i kundërshtuar për deklaratat e tij rreth helinizmit të Himarës, Fredi Beleri ishte një rast fatlum që Edi Rama të identifikonte opozitën me antishqiptarimin grek dhe të rimerrte flamurin e humbur të nacionalistit.
Kështu në 'Opinion', ai foli me emra, përmendi 2 bashkëpunëtorë të Belerit që po kërkonin votën e emigrantëve për të, përmendi masakrën e Peshkëpisë, deklaratën e tij në mediat greke për helenizimin e Himarës, duke krijuar kështu një terren perfekt për ta fyer personalisht në emër të Atdheut, për ta denigruar në emër të dashurisë për Himarën dhe, në fund, për ta eleminuar në emër të të gjithë atyre që kanë interesa në bregdetin e bukur të zonës.
Pas sulmeve të Ramës, vetëm arrestimi nuk pritej. Vetë Kryeministri deklaroi sot se nuk nënkuptonte arrestimin me anatemimin që i bëri kandidatit, por kjo ishte një çështje e Drejtësisë së pavarur. Një deklaratë e ngjashme me atë të Sali Berishës në 1994, pas arrestimit të 6 minonitarëve me akuzën që janë spiunë grekë.
Reagimet nga Greqia ishin të furishme. Vetë Kryeministri Micotakis deklaroi se "nëse Shqipëria dëshiron të hyjë në BE, duhet të lirojë të arrestuarit". Ministri i Jashtëm Dendias, pas një komunikimi me Kryeministrin Rama, deklaroi se do të ishte skandal arrestimi pa prova i Belerit.
Ambasadorja greke në Tiranë, pasi takoi Ministren e Jashtme Olta Xhaçka, njoftoi kolegët e saj për ngjarjen. Një situatë e tillë ngjan me atë të 2004-s, por edhe me atë të tetorit 2000, kur zgjedhjet në Himarë, u shndërruan në një betejë me sfond nacionalist nga palët kundërshtare.
Kandidati i PS, Viktor Mato doli në balotazh me Vasil Bollanon, e njohur për qëndrimet progreke. Për të fituar balotazhin, u krijua Aleanca për Kombin, ku Partia Demokratike dhe e gjithë opozita e kohës u bashkuan me kandidatin socialist. Pas një procesi shumë të kontestuar Viktor Mato fitoi, ndërsa Andrea Papandreu, në atë kohë Ministër i Jashtëm i Greqisë, protestoi nga Brukseli për shkeljen e të drejtave të "minoritetit grek në Himarë". Ishte rasti i parë që u përmend ndërkombëtarisht "minoriteti grek i Himarës". Aleanca për Kombin fitoi një Bashki, por krijoi një problem etnik në një zonë të vogël në Jug, kur nuk ishte diskutuar kurrë për minoritet etnik grek.
Që atëherë, në 23 vjet, tensionet ranë, politika e Tiranës e ndryshoi qasjen dhe e zbuti termin. Në vend të "minoritetit etnik grek" flitej për "minoritet greqishtfolës", zgjedhjet ishin të pakontestuara dhe tensionet inekzistente. Përveç çështjes së pronave të banorëve të Himarës, nuk pati kurrë diskutime të çështjeve etnike.
Deri sot, kur Micotakis e quajti të arrestuarin "anëtar të minoritetit kombëtar grek" dhe situata u kthye 23 vjet më parë. Kryeministri tha se është Prokuroria e pavarur që e arrrestoi, por në fakt është policia e varur prej tij që e ka ndërtuar skenën dhe e ka arrestuar. Nëse ka një koordinim politik për të mos e lejuar Belerin të marrë Bashkinë e Himarës, atëherë do t'i rikthehemi diskutimit të vjetër, nëse himarjotët janë grekë apo shqiptarë. Diskutim i mbyllur shumë vite më parë, por që rikthehet për nevojat politike të palëve, sa herë që duan të strehohen tek nacionalizmi.
Nga Shpëtim Doda Këtë të dielë, në Turqi do të zhvillohen zgjedhjet e përgjithshme dhe ato presidenciale. Në k&e...
Ermal Mulosmani Kasta e showbizit shqiptar është ai qerthull njerëzish që sot dominon skenën televizive, tallava-mbrëmjet, qo...
Ted Kopliku I nderumi zotni Beci Letrën e hapur e lexova dhe kisha një përgjigje po t’hapun. Misioni që keni ndërmarr asht...
Edi Rama Tre javë më parë, kur çeli fushatën elektorale në Tiranë, kryeministri Edi Rama deklaroi se gjatë qeveri...
Postimi i Ben Blushit DUKE SHKUAR NË SHKODËR Në 10 maj, të mërkurën, pasdite ora 18.00 jam i ftuar nga qendra rinore ARKA, n...
Foto ilustruese Jemi në ditët e fundit të fushatës për zgjedhjet e pushtetit vendor të 14 majit, e cila do të mbahen men...
Ola Xama Disa ditë më parë në një shkrim në portalin oligarika.al, i titulluar “Shumë të mëdhenj pë...
Ben Blushi Nga Ben Blushi Aleksandër Dë Basevillen e pashë në kafen e Operas. Në Tiranë.Ti je princi i Libofshës, e pye...
Zgjedhjet presidenciale dhe parlamentare të 14 Majit 2023 në Turqi mund të konsiderohen si më të rëndësishmet në histo...
Shefqet Kastrati dhe Samir Mane “Too big to fail” është një teori ekonomike, e cila përshkruan situatën kur një k...
