Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Nga Shpëtim Doda
Këtë të dielë, në Turqi do të zhvillohen zgjedhjet e përgjithshme dhe ato presidenciale. Në këto të fundit, Recep Tayyip Erdoğan kandidon për një mandat të tretë. Nuk është në qëllimin tim të trajtoj këtu asgjë që lidhet me zgjedhjet në Turqi.
Në këtë hapësirë dua të ndalem vetëm tek videomesazhi me të cilin Edi Rama u drejtohet qytetarëve turq me origjinë shqiptare, duke u bërë thirrje të votojnë për Erdoğan-in.
Dikush mund ta shohë këtë videomesazh të Edi Ramës të njëjtë me intervistën e tij tek CNN më 13 prill 2016, çka është një perceptim i nxituar e sipërfaqësor, pasi, me përjashtim të patetizmit të shtirur dhe bajat të një dramaturgjie pseudopolitike të dalëmode prej dekadash, të dy rastet nuk kanë asgjë tjetër të përbashkët. Përkundrazi, të parë në jo pak aspekte, janë diametralisht të përkundërt.
Së pari, e plastifikuar me një pseudoapokaliptizëm kozmetik dhe komik njëheri, intervista e Edi Ramës tek CNN ishte përpjekje për t’u faktorizuar dhe, si e tillë, ishte thjesht një masturbim psikik dhe mendor, pasi mundësia e tij për të ndikuar tek shqiptaro-amerikanët ishte zero. Së dyti, kur Edi Rama dha atë intervistë, të gjitha sondazhet, nga ato seriozet dhe tërësisht të besueshme, tek ato më qesharaket dhe tërësisht të pabesueshme, e nxirrnin Hillary Clinton-in fituese ndaj Donald Trump-it me një diferencë aq të madhe, sa e bënin praktikisht krejt të panevojshme ndërhyrjen e Edi Ramës, edhe në rast se ky do të kishte pasë patur ndonjë mundësi sado të vogël dhe të zbehtë të ndikonte tek shqiptaro-amerikanët (ndonëse në të tillë gjasë, institucionet amerikane nuk do ta anashkalonin); gjuha toksike me të cilën Edi Rama guxoi të sulmonte Donald Trump-in në atë intervistë, reflekton jo vetëm porositë e garancitë që i pati dhënë Georges Soros për atë ndërhyrje në zgjedhjet amerikane, por edhe sigurinë absolute që i jepnin sondazhet në fjalë...
Ndërkaq, videomesazhi me të cilin Edi Rama iu drejtua qytetarëve turq me origjinë shqiptare, nuk është përpjekje për t’u faktorizuar përmes karshillëkut ndaj ShBA-ve, BE-së dhe NATO-s, të cilët për arsye që nuk kam ndërmend t’i trajtoj këtu, i kanë sytë tek rivali i Erdoğan-it. Videomesazhi i Edi Ramës nuk është as kozmetikë pompoze e një teatralizmi të shpëlarë e plastik të duarve që lajnë njëra-tjetrën, një detyrim formal ndaj Erdoğan-it për fushatën që ky bëri pro tij në zgjedhjet e 2017 dhe 2021, siç nuk është as detyrim nga Erdoğan-i, i cili e di shumë më mirë sesa vetë Edi Rama se mundësia e këtij për t’i shlyer “borxhin” është zero, pasi zero është ndikimi i tij tek turqit me origjinë shqiptare është zero, siç e di po aq mirë se një përfshirje e Edi Ramës në fushatën e tij nuk e ndihmon, por i prish punë, pasi krijon tek votuesit turq perceptimin se nuk i ka mbetur tjetër aleat përpos kryeministrit të një vendi sa të vogël, aq të varfër e pa kurrfarë peshe e roli në skenën politike dhe gjeopolitike.
Videomesazhi i Edi Ramës nuk është as shprehje e shqetësimit për fatin e vetë Erdoğan-it, për të cilin sondazhet ngulin këmbë se i janë dobësuar pozitat. Madje, videomesazhi i Edi Ramës nuk është ndërhyrje në fushatën zgjedhore në Turqi përpos se thjesht formalisht, pasi në thelb ai është një thirrje, një klithmë, një kujë, një piskamë e dëshpëruar që u drejtohet jo qytetarëve turq me origjinë shqiptare, por “turkoshakëve” të Shqipërisë, siç i quan me përbuzje besimtarët muslimanë. Dhe një përdorim të tillë e ka fare të qartë së pari vetë Erdoğan-i, i cili e di mirë tashmë se, për arsye që nuk kam ndërmend t’i trajtoj këtu, ka arritur të ndërtojë ndikimin e tij tek një pjesë e muslimanëve shqiptarë, siç e di tashmë se videomesazhi i Edi Ramës është një videomasazh, për aq sa do të përdoret fort nga klerikët dhe ata muslimanë që ky ka arritur të rekrutojë jo vetëm si një alibi për të justifikuar e amnistuar përbuzjen dhe qëndrimet e tij ndaj muslimanëve, por edhe si provë mbushamendëse për ndjenjat e pashprehura për “arsye gjeopolitike”, porse të thella e të forta islamofile të Edi Ramës. Shkurt, si një videomasazh, një masturbues psikik e mendor artificial.
Videomasazhi i Edi Ramës u drejtohet ndjenjave erdoganiste të atyre muslimanëve, që dëshpërimin e ditëve gurëzuar ndër sokake e zhgurojnë gjatë netëve me ëndrra perandorake. Kjo është arsyeja që portalet e mexhliset e tij nxituan ta pasqyronin me shpejtësi dhe me një entuziazëm mes orgazmës e propagandës, aq sa dikush do të ketë nisur ta shohë Edi Ramën edhe si shpëtimtarin e Recep Tayyip Erdoğan-it.
Tani mbetet të presim 14 majin, për të parë se në ç’vesh do të bjerë kjo klithmë, kjo kujë, kjo piskamë e dëshmëruar erdoğaniste e Edi Ramës. Ajo çfarë dihet deri më tani, është fakti se portalet dhe mexhliset e Edi Ramës po vijojnë të përpiqen 25 orë në ditë nëpër sheshe telematikë të masazhojnë me këtë videomasazh të Edi Ramës mendjen, psikën dhe ndjenjat e muslimanëve shqiptarë.
Ermal Mulosmani Kasta e showbizit shqiptar është ai qerthull njerëzish që sot dominon skenën televizive, tallava-mbrëmjet, qo...
Ted Kopliku I nderumi zotni Beci Letrën e hapur e lexova dhe kisha një përgjigje po t’hapun. Misioni që keni ndërmarr asht...
Edi Rama Tre javë më parë, kur çeli fushatën elektorale në Tiranë, kryeministri Edi Rama deklaroi se gjatë qeveri...
Postimi i Ben Blushit DUKE SHKUAR NË SHKODËR Në 10 maj, të mërkurën, pasdite ora 18.00 jam i ftuar nga qendra rinore ARKA, n...
Foto ilustruese Jemi në ditët e fundit të fushatës për zgjedhjet e pushtetit vendor të 14 majit, e cila do të mbahen men...
Ola Xama Disa ditë më parë në një shkrim në portalin oligarika.al, i titulluar “Shumë të mëdhenj pë...
Ben Blushi Nga Ben Blushi Aleksandër Dë Basevillen e pashë në kafen e Operas. Në Tiranë.Ti je princi i Libofshës, e pye...
Zgjedhjet presidenciale dhe parlamentare të 14 Majit 2023 në Turqi mund të konsiderohen si më të rëndësishmet në histo...
Shefqet Kastrati dhe Samir Mane “Too big to fail” është një teori ekonomike, e cila përshkruan situatën kur një k...
Nje pjese e shoqerise u befasua nga nje deklarate e kandidatit per kryetar bashkie te koalicionit Bashke Fitojme ne Libohove, i cili premtoi sherbim funeral f...
