Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Një demokraci e re nuk mund të mos jetë kaotike. Ka rryma që e tejkalojnë të drejtën, të tjerë që janë mësuar me komoditetin e drejtimit autoritar, që u garantonte pozicione të favorshme, të tjerë që duan të përfitojnë nga kaosi i përkohshëm. Këto janë dobësitë e demokracisë që duket sikur e dëmtojnë ambientin, por në fakt bëjnë të kundërtën.
Nuk ka asgjë kundër Partisë Demokratike në polemikat apo edhe sherret që pasuan zgjedhjen e Kryetarit të Forumit Rinor. Duket herë si një vazhdim i debateve që lindën pas 9 shtatorit 2021 kur Basha pezulloi Berishën nga grupi parlamentar, herë si debatet e dikurshme në Partinë Socialiste, ato të kohës së Fatos Nanos që dilnin të gjitha në media.
Si një kantier i hapur, Partia Demokraike duket sikur është në kaos, pas sherreve publike të njerëzve të Foltores, akuzave për manipulime në zgjedhjet e FRPD dhe luftës brenda grupit parlamentar. Mediat proqeveritare mundohen ta fokusojnë debatin aty, ndërsa qeveria ka përveshur mëngët për grabitjet e kohës së krizës, ndërsa drejtuesit tradicionalë të Partisë Demokratike, të pamësuar me situata të tilla, mundohen ta mbyllin debatin brenda dyerve të selisë.
Në fakt pati shumë parregullsi në zgjedhjet e FRPD, edhe për shkak të nivelit të organizmit dhe kulturës demokratike brenda dhe jashtë Forumit. Ajo që nuk ndryshoi ishte fituesi. Besart Xhaferri dukej që ishte kandidati favorit në garë, jo vetëm për karrierën por edhe për aftësinë. Shkeljet që u denoncuan, më shumë shërbyen për të kuptuar se aty ka patur një garë të vërtetë, që zgjedhjet kanë nxitur të gjitha format e reagimit të kandidatëve dhe mbështetësve të tyre, edhe ato të paligjshmet. Kandidatët besonin tek fitorja, gara ishte bërë aq e nxehtë, sa rezultati zhgënjeu një pjesë të kandidatëve.
Këto zgjedhje, debatet në grupin parlamentar dhe sherret mediatike, tregojnë se Partia Demokratike, në prag të 32-vjetorit, po rikthehet tek demokracia e brendshme që humbi në 1992-shin. Nëse Berisha ka zhgënjyer me premtimet për protesta dhe presion ndaj qeverisë, ka mbajtur fjalën për një demokraci të bazuar tek vota.
Një demokraci e re nuk mund të mos jetë kaotike. Ka rryma që e tejkalojnë të drejtën, të tjerë që janë mësuar me komoditetin e drejtimit autoritar, që u garantonte pozicione të favorshme, të tjerë që duan të përfitojnë nga kaosi i përkohshëm. Këto janë dobësitë e demokracisë që duket sikur e dëmtojnë ambientin, por në fakt bëjnë të kundërtën. Për shkak të këtyre ngjarjeve aty ka transparencë, Berisha akuzohet siç nuk ka ndodhur kurrë më parë, kandidatët ankohen publikisht dhe institucionalisht, njerëzit ndihen pjesë, kanë peshë, edhe ata që humbasin, edhe ata që nuk janë fare anëtarë të PD-së, por që sot, mund të flasin për detajet e zgjedhjeve apo debateve të hapura për publikun.
Është rreziku i demokracisë, që kërcënon sot edhe qeveritë Perëndimore, të gjendura përballë një krize të shkaktuar nga Rusia autoritare. Qytetarët e lirë në Perëndim, nuk duan të paguajnë faturat e larta, një pjesë e madhe është kundër përfshirjes në luftën e Ukrainës, protestat kërcënojnë stabilitetin dhe Qeveritë. Perëndimi demokratik, në pamje të parë duket më i dobët se Rusia autoritare, që me gjithë humbjet e shumta dhe shtrëngimet ekonomike, nuk rrezikon destabilizimin.
Pushteti i Putinit është shtuar deri tek të rinjtë që rrezikojnë burgun nëse nuk pranojnë të rekrutohen, protestat nuk kanë asnjë ndikim në politikat qeveritare ndërsa shumica e oligarkëve mbështet Presidentin. Autokratët e vegjël të Perëndimit e shohin me admirim veprën e Putinit, populistët dhe viktimat e tyre, e marrin si shembull dhe mbajnë anën e tij.
Kontrasti mes kaosi të demokracisë në krizë dhe rendit të kontrolluar të autoritarizmit, është realitet në partitë shqiptare. Ndërsa të gjithë kanë marrë dylbitë dhe mikroskopët për të ndjekur PD-në, kanë harruar që në krahun tjetër, një parti autoritare, që i ka zhdukur zgjedhjet si procedurë, është duke qeverisur vendin, me të njëjtën mënyrë. Një parti e futur në xhepin e një njeriu, që përdoret si mjet ligjor për të mbajtur pushtetin personal, që sjell vendime personale dhe prodhon në fund një shtet personal, duket sikur nuk ka krizë, duket sikur nuk ka probleme.
Në fakt atje është kriza dhe problem i vendit, tek ajo tokë e shkretë që prodhon vetëm kaktuset uniforme sipas porosisë së pronarit. Në fund atje mbeten vetëm përfituesit, në fund të gjtihë zgjedhin të jetojnë në demokraci./Dosja.al
Meri Lika Manipulimi i votës është një pjesë integrale e historisë politike në Shqipëri. Shpesh kisha menduar se nd...
Foto ilustruese Dimri i viteve 1973-74 ishte i zymtë dhe në mënyra të ngjashme, i njëjtë si ky sot. Në përgjigje t...
Foto ilustruese Shqipëria është kthyer në një vend paradoksesh dhe i çudirave të mëdha, me raste, edhe qesharake...
Mikhail Gorbachev dhe Vladimir Putin Donald Trump premtoi ta bënte sërish të madhe Amerikën. Slogani i preferuar i Xi Jinping shpall &l...
Flamur GJERMANI- Ministrja e Jashtme gjermane, deklaroi javën e kaluar se vendi i saj nuk mund të dërgojë më shumë nga arm&eu...
Foto ilustrim Nisja zyrtarisht e negociatave të anëtarësimit me Shqipërinë në korrik shenjon fazën më të r&eum...
Meri Lika Para pak kohësh nisa të lexoj librin e Federico Finchelstein, historian argjentinas, “Nga fashizmi tek populizmi në histori&...
Blerton Abazi Pandemia Covidit-19 ka ndikuar edhe në sjelljet tona të përditshme, sidomos në përdorimin e shërbimeve digjital...
Joseph C.Sternberg Kancelari gjerman Olaf Scholz premtoi në shkurt se do të ndryshonte rrënjësisht politikat e vendit të tij,...
Edi Rama dhe Enton Abilekaj Kryeministri edhe një herë ia ka dalë të kapë të papërgatitur të gjithë, me aksion...
