Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Nuk janë biznesmenët shënjestra, por zgjedhjet. Me një paketë ndihme sociale skandaloze pas rritjes së çmimit të energjisë, ndërkohë që çmimet e ushqimeve dhe karburanteve rriten sipas interesave, janë pikërisht të favorizuarit e bordeve të çmimeve, që duhet të paguajnë një pjesë të asaj që kanë përfituar pa meritë, që Edi Rama, të shfaqet si Robin Hood-i që ndihmon të varfërit, jo si autokrati që, bashkë me miqtë e tij, po varfërojnë çdo ditë shqiptarët.
Kryeministri edhe një herë ia ka dalë të kapë të papërgatitur të gjithë, me aksionin për ndërtimet dhe shtesat pa leje. Kishte kohë që pyllin e betonit të mbjellë nga ai vetë dhe adjutanti i tij, servil por jo besnik, në Bashki, kishte nevojë për drejtësi, për drejtësi sociale ose të paktën për një Robin Hood, që të rishpërndante pasurinë e vënë padrejtësisht duke grabitur pasurinë publike.
Ashtu si në politikë tenton të bëjë edhe pushtetarin absolut edhe opozitarin, Edi Rama e mori vetë rolin e korrektuesit të qeverisjes së tij.
Dhe, duke parë lojtarin e vetëm që zuri vendin e kundërshtarit të vetes, filluan pyetjet: A ishte kjo një luftë ndaj disa bizneseve që i kanë prishur qejfin Kryeministrit, si në rastin e Irfan Hysenbelliut? Apo ka një luftë të brendshme dhe ky aksion synon të nxjerrë keq Erjon Veliajn 8 muaj përpara zgjedhjeve lokale? Ku do dalë Rama?
Për t’ju përgjigjur këtyre pyetjeve, duhen bërë më parë disa të tjera: Si shpjegohet që në zonat më të lakmuara janë ndërtuar pallate pa leje apo shtesa mijëra metrash katrorë dhe askush nuk ka bërë asgjë? Si shpjegohet që biznesmenët që kanë ndërtuar pa leje janë miqtë e Edi Ramës dhe Erjon Veliajt? Sa mundësi ka që kryetari i Bashkisë së Tiranës, që nuk ka lënë asnjë copë tokë të lirë, që ka mbushur qytetin me pluhurin e ndërtimit cep më cep duke e shndërruar në xhungël betoni të pajetueshme, të mos u jepte leje biznesmenëve të preferuar si Salillari?
Nuk ka asnjë dyshim që pallatet dhe shtesat pa leje, janë vetëm një marrëveshje gojore mes aktorëve të Kapitalizmit Autoritar, që njësoj si në rastin e 'Prestige' me pishinat në buzë të detit, kanë zgjedhur komoditetin e pushtetit absolut në vend të bezdisjes së ligjit, kanë preferuar pozicionin e të përkëdhelurit të oborrit, të emërimit nga Edi Rama si sfidues të ligjit, në vend që të ndiqnin procedurat.
Në ndryshim nga Irfan Hysenbelliu, miqtë biznesmenë të Edi Ramës, janë objekt i shtetit që del nga celulari, jo për qëndrimet e medias, as për lojërat politike. Si vartës së Sulltanit, si pashallarë me fermanë, ata janë të detyruar të pranojnë edhe sulmin, qoftë ai i papritur, edhe gjobat qofshin ato pa paralajmërim, apo kontribut shtesë për privilegjet që kanë marrë.
Nuk janë biznesmenët shënjestra, por zgjedhjet. Me një paketë ndihme sociale skandaloze pas rritjes së çmimit të energjisë, ndërkohë që çmimet e ushqimeve dhe karburanteve rriten sipas interesave, janë pikërisht të favorizuarit e bordeve të çmimeve, që duhet të paguajnë një pjesë të asaj që kanë përfituar pa meritë, që Edi Rama, të shfaqet si Robin Hood-i që ndihmon të varfërit, jo si autokrati që, bashkë me miqtë e tij, po varfërojnë çdo ditë shqiptarët.
Me një opozitë që nuk i denoncon dot biznesmenët e emëruar, që nuk flet dot për asnjë ndërtim pa leje, që nuk guxon as të denoncojë lidhjen okulte të pushtetit me ta, Edi Rama është i lirë të bëjë edhe këtë rol. Në nisje të fushatës elektorale, ai po u thotë shqiptarëve se do ta zbusë krizën me paratë e të pasurve, se ai është i pakorruptuar dhe i pakorruptueshëm, se betonizimi nuk ka fajtorë, por korrektimi me gjoba ka një hero dhe ky hero tani ka dalë në pyllin e betonit për të rishpërndarë pasuritë.
Kështu, ata që kanë zbrazur arkën e Shtetit në errësirë, duke përfituar nga marrëdhënia okulte, tani në mes të ditës, po paguajnë një haraç, që arka e zbrazur e një qeverie të papërgjegjshme, të mbushet sadopak, imazhi i një Kryeministri të të pasurve të korrigjohet sadopak dhe zgjedhjet lokale të fitohen sa më thellë. Nuk është sulm ndaj Veliajt, e kundërta, një kontribut modest i bashkëpunëtorëve për të mos e lejuar Tiranën tu ikë nga dora për katër vitet e ardhshme.
Edhe këtë herë, duket se Edi Rama ia arriti të jetë një hap përpara kundërshtarëve që rrinë e vështrojnë aksionin e tij për akaparimin e pushtetit lokal, në bashkëpunim me viktimat vullnetare të aksionit për kontrollin e territorit. Një variant i OFL, ku mungon vetëm zëdhënësja me syze dielli./Dosja.al
Shaban Murati Sapo mbushi një vit, nisma e presidentit serb e “Ballkanit të hapur” pësoi dështimin e parë dhe ndë...
Skena është gati për kriza të reja në Ballkanin Perëndimor që mund të shndërrohen edhe në të dhunshme. ...
Edi Rama dhe Enton Abilekaj Ndërsa në Malin e Robit po prishen pishinat e resortit me 5 yje në pronësi të pronarit të News24,...
Fotoja e Ben Blushit Një nga dëmet e shumta që Putini i ka bërë rusëve, është se ata duken të këqinj edhe...
Edi Rama, Enton Abilekaj, Olian Kanushi dhe Ardi Veliu Për të vërtetuar shprehjen që është një hap përpara kund&eum...
Fron Nahzi Nën shqetësimin se kërcënimi i Rusisë mund ta zgjerojë konfliktin e Ukrainës në Ballkan, kryeministri pr...
Ditmir Bushati Në një proces të bashkërenduar nga Bashkimi Europian dhe Shtetet e Bashkuara të Amerikës, Serbia më n&eum...
Emigrante Shifrat zyrtare tregojnë se shumica e emigrantëve ndër-kanalë nuk janë, siç pretendohet, shqiptarë. Nj&...
Andi Bushati Albin Kurti ka treguar edhe njëherë se kur dialogu me Serbinë, në Bruksel, nuk përdoret si trampolinë për i...
Andi Bejtja Nuk e kisha menduar kurrë edhe në ëndrrën më të keqe, që një fund gushti, në vapën e Tiran&eu...
