Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Gjithmonë diktatorët kthehen kundër njerëzve të cilët i ndihmuan të vijnë në pushtet por edhe kundër atyre që punuan për t’i mbajtur në të.
Të gjitha diktaturat kanë një rregull të pashkruar që zbatohet me përpikmëri nga diktatorët ose autokratët që i drejtojnë. Gjithmonë diktatorët kthehen kundër njerëzve të cilët i ndihmuan të vijnë në pushtet por edhe kundër atyre që punuan për t’i mbajtur në të.
Eleminimi i bashkëpunëtorëve është pjesë e paranojës dhe tregues i një deficiti sigurie që kanë diktatorët.
“Në politikë nuk ka miqësi të përhershme, por interesa të përhershme,” ka thënë Churchilli dhe ky parim duket se gjen vend sidomos në qeverisjet e gjata dhe të centralizuara, ku lideri nuk njeh as rivalitet të brendshëm, as opozitë të jashtme.
Pushteti autokratik kthehet në një gropë thithëse ku më së shumti gllabëron të tijët.
Në një gropë të tillë thithëse, në kohën e shkuar të diktaturës (sepse sipas mendimit tim, kemi dy kohë diktaturash atë të Enverit dhe këtë të Edverit), pra në kohën e diktaturës së Enverit, gropa thithëse gllabëroi Mehmetin, Kadriun, Beqirin etj, etj, kurse në kohën e diktaturës së Edverit gropa ka gllabëruar Saimirin, Arbenin, Erjonin etj etj.
Sigurisht që diktaturat dhe autokracitë (dmth diktaturat moderne siç i quaj unë këto të fundit), nuk kujdesen për të drejtat e njeriut, sepse nëse do të kishin këtë gjë në vëmendje, atëherë nuk do të quheshin të tilla, por ato kujdesen vetëm që pushtetmbajtësit t’i sigurohet pushteti.
Në këtë shkrim nuk do të flas për këtë fenomen, por për atë që sipas mendimit tim është dëmi më i madh që po i bën opozita vetvetes.
Që opozita të mbrojë sot të “drejtat” e shkelura të Erjon Veliajt, për mua nuk është aspak e drejtë. Është e vërtetë se mbrojtja e parimeve të shtetit të së drejtës është detyrë e çdo aktori politik, por kjo nuk duhet të përdoret si strehë për të rehabilituar figura që vetë opozita i ka konsideruar për vite si shembuj të korrupsionit dhe degradimit institucional.
Nëse opozita sot zgjedh të shfaqet si mbrojtëse e Erion Veliajt, ajo rrezikon të kompromentojë vetveten politikisht dhe moralisht. Kjo sjellje është jo vetëm kontradiktore me qëndrimet që ka mbajtur ndër vite, por edhe e dëmshme për besueshmërinë e saj përballë qytetarëve, të cilët presin nga ajo qëndrueshmëri, qartësi dhe ballafaqim real me abuzuesit e pushtetit.
Në një demokraci të shëndetshme, është e drejtë të kërkosh proces të drejtë për këdo, përfshirë kundërshtarët. Por nëse kjo kthehet në kauzë publike për të mbrojtur një individ si Veliaj, një nga figurat që ka qenë për vite me radhë simbol i arrogancës dhe përqendrimit të pushtetit vendor i dhunës dhe shkeljes së të drejtave të qytetarëve, atëherë është e natyrshme që publiku të dyshojë.
Investimi i opozitës në mbrojtje të këtij individi, sipas mendimit tim, është një humbje kohe, është një akt që më shumë e dëmton opozitën se sa i jep përfitime asaj. Gjithmonë sipas mendimit tim opozita ka halle më të mëdha se sa halli Erjon Veliaj. Opozita ka një popull që nuk beson më, ka një popull që nuk po gjen dot frymëzim tek ajo.
Opozita sot ka nevojë për një rindërtim serioz, ka nevojë për ide të reja, për strategji të qartë.
Koha për opozitën është shumë e shtrenjtë dhe nuk mund të bie në “kurthin” e shkeljes së të drejtave të njeriut për Erjon Veliajn, sepse çdo ditë që opozita humbet duke u marr me probleme që nuk janë të sajat, është një ditë më shumë që pushteti i Ramës vazhdon të lulëzojë.
Në një vend si yni me demokraci të dobët, opozita nuk e ka luksin të gabojë prioritetin, sepse nëse ajo nuk merret me problemet e vërteta të qytetarëve, atëherë dikush tjetër do t’ia heq këtë prioritet, dhe duke u shfaqur si shpëtimtari dhe do të jetë fatkeqësi nëse ky dikush do të jetë Rama.
Opozita sot nuk duhet të sillet rrotull gropës thithëse që po gllabëron Veliajn, sepse është politikisht e gabuar sepse i jep mazhorancës një alibi, është shumë e rrezikshme sepse e çarmatos moralisht opozitën, e dobëson dhe e largon nga qytetarët duke e përfshirë në vorbullën e të korruptuarit.
Një opozitë që merret me Erjon Veliaj, për ta “mbrojtur”, sipas mendimit tim, është një opozitë që shpenzon kapitalin e vetë politik (atë pak që i ka mbetur) në mënyrën më të gabuar të mundshme, e nëse vazhdon kështu, ajo do të jetë objekti i rradhës që do të gllabërohet nga gropa thithëse, e atëherë qytetarët do t’ia heqin të drejtën e të qenurit një alternativë reale, dhe do të ngelet një figurë dekorative në sistemin që pretendon se po sfidon.
agim nesho TIRANË- Intervista e fundit e kryeministrit Rama në shtypin gjerman mund t’ju ketë sjellë një ndjesi humori atyre...
Kryepiskopi Anastas TIRANA- Cilësimin e Kryepiskopit Anastas “Isapostull” në titullin e këtij shkrimi, me kuptimin i barabart&eu...
emmanuel macron FRANCË- Emmanuel Macron e njoftoi vendimin vonë në mbrëmje në X (24.07). Në një postim të gjat...
foto ilustruese TIRANË- Dje, Bashkimi Europian vendosi përfshirjen e Ukrainës dhe Moldavisë në regjimin e telefonisë celulare...
Sonila Meço TIRANË- Për shkak të miqësive, njohjeve, krushqive e profesionit kam sjellë shumë turistë të hua...
Meri Lika Në një operacion të bujshëm antikorrupsion, shteti shqiptar ka shpallur "non grata" një nga rreziqet më të m&e...
Agim Nesho Ajo që është instaluar sot në Shqipëri nuk ka të bëjë me një regjim demokratik dhe aq më pak m...
Takimi i ministrave të jashtëm në Zvicër EVROPË- Ndërsa lufta po përhapet në Lindjen e Mesme, aktorët kryesor&...
Foto Ilustruese Herën e parë që Donald Trump ishte president, ai pothuajse e la NATO-n; tani që është rikthyer në detyr...
Lutfi Dervishi TIRANË- Nëse mendojmë se problemet që kemi janë korrupsioni, papunësia, zgjedhjet e kontestuara, uji i (pa)pij...
