Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Ata dërguan pranë redaksisë një formular, ku prindërve u kërkohej të bënin donacione për shkollën.
PEQIN- Fiksi u përqendrua në një problematikë që ngritën disa prindër nga shkolla 9-vjeçare Bishqem në Peqin. Ata dërguan pranë redaksisë një formular, ku prindërve u kërkohej të bënin donacione për shkollën. Këto lekë do të shkonin për rregullimin dhe saldimin e bankave të shkollës, detergjente për larjen e shkollës, mjete didaktike si dhe pagesë për sanitaren.
Fiksi kontaktoi me këta prindër të cilët deshën të mbeteshin anonime dhe pohuan se u kishin kërkuar nga 2000-2500 lekë të reja.
Fiksi u drejtua drejt kësaj shkolle publike ku takoi dhe pyeti drejtpërdrejt drejtorin e saj Kelmend Cani, i cili pohoi se formulari është bërë si kërkesë e bordit të prindërve të shkollës. Ai shtroi se problem kryesor shkolla që ai drejton prej disa vitesh ka pastrimin e saj.
Pra duhet të paguajnë një sanitare si dhe paketën higjienike ( ku përfshihen detergjentet). Ai shprehet se lista është formuluar gabim pasi nuk kanë nevojë për rregullim bankash apo saldime. Për sa i përket pikës së blerjeve të mjeteve didaktike ai i kërkon gazetares së Fiksit ta ndjekë në një prej klasave ku i tregon se lekët duhen për të blerë letra, bojëra për nxënësit që vizatojnë, si dhe mjete për nxënësit me aftësi të kufizuara.
Ai në video shprehet i keq ardhur për ankesën që kanë bërë prindërit dhe thotë se ‘nuk e di kujt i paska ardh kaq keq për 300 -400 lekë t’i jap për shkollë’. Ndërkohë që gazetarja e Fiksit ndërhyn dhe i thotë se prindërit i kanë përmendur të tjera shifra që variojnë nga 2000-2500 lekë.
“Ne nuk marrim lekë kush do të kontribuojë le ta bëj, ne me to paguajmë pastruesen”, thekson drejtori. Ai shpjegon se ka bërë kërkesë në bashki për një sanitare por ende nuk është bërë asgjë. Gjithashtu ai tregon se vjet janë mbledhur nga nxënësit rreth 700 e ca mijë lekë të vjetra plus edhe kontributet që kanë dhënë vetë mësuesit, të cilat kanë shkuar për pagesën vjetore të sanitares.
Fiksi iu drejtua Bashkisë Peqin ku Genci Gripshi, drejtor i Arsimit Sportit tha se nuk ka ndonjë kërkesë të tillë të depozituar nga drejtori i shkollës në fjalë, por gjithsesi në gjitha shkollat kështu funksionon.
“Asnjë shkollë nuk ka sanitare, pasi këtë sistem kemi marrë edhe nga ministria. I kemi lënë ashtu siç na u dorëzuan.” Për sa i përket paketës së higjienës ai pohoi se ende nuk janë bërë shpërndarjet nëpër shkolla pasi ende nuk është miratuar buxheti.
Por Fiksi pa nga afër edhe kushtet e shkollës më të vjetër në këtë qytet. Shkolla “Adem Bedalli” me 400 fëmijë është në kushte skandaloze dhe nga pamjet e transmetuara në emision dukej se në këtë shkollë kishte kohë që nuk ishte vënë dorë.
Suva të rëna, mure të plasaritura, tavolina dhe karrige të shkatërruara. Klasa pa dyer e dritare dhe tualetet jashtë shkollës dhe pa ujë, në gjendje të mjerueshme. Fiksi telefonoi drejtoreshën e kësaj shkolle për të mësuar se çfarë investimi ishte bërë në të për këtë vit të ri shkollor, por kjo e fundit kërkoi pyetjet me e-mail.
Ndërsa drejtori Gripshi i pyetur edhe për kushtet e kësaj shkolle pohoi se është një shkollë që kërkon ndërhyrje të menjëhershme nga fillimi pasi godina është tejet e amortizuar. Por edhe pse kjo shkollë ka mirëpritur këtë vit të ri shkollor plot 400 nxënës nuk është marrë asnjë masë për të dhe arsyeja është “Nuk ka buxhet”.
Marrë nga Top Channel
Ekspertet SHBA- Njohës të zhvillimeve në Ballkanin Perëndimor vlerësojnë se takimi i dështuar ndërmjet Kryeministri...
Momenti i mashtrimit TIRANË- Disa materiale shqetësuese qarkullojnë në rrjete sociale të një zonje, e cila prezantohet si pas...
Klodiana Lala TIRANË- Gazetarja Klodiana Lala thotë se droga që shpërndahej në shkolla, mendohej se vinte nga SHBA dhe nga Kanadaj...
Artan Hoxha TIRANË- Gazetari Artan Hoxha thotë se rasti i dhunës në Fushë-Krujë dhe akuza për plagosje të lehtë...
Jashar Maja TIRANË- Jashar Maja, është njëri prej viktimave të dhunës barbare të fisit Rraja, që shokoi opinio...
Klodiana Lala TIRANË- Gazetarja Klodiana Lala thotë se në Tiranë janë rreth 4000 shpërndarës të lëndëve n...
Artan Hoxha TIRANË- Gazetari Artan Hoxha, ka dhënë detaje nga thyerja e aplikacionit SKY CC, i cili përdorej nga bota e krimit p&e...
Artan Hoxha TIRANË- Gazetari investigativ Artan Hoxha ka komentuar rezultatin e operacionit Tempulli duke thënë se ai është r...
Zjarri TIRANË- Fotot e mëposhtme janë nga pallati që mori flakë mesditën e sotme në Tiranë. Siç shihet ...
Zjarr TIRANË- Administratori dhe pronari i banesës që mori flakë ditën e sotme në Tiranë janë shoqëruar n...
