Aktualitet

Vrasja e Azem Hajdarit/ Izet Haxhia del para Gjykatës Penale, avokati: Duhet të dëshmojnë 18 persona, mes tyre edhe Berisha. Gjykata vendos më 8 tetor

Avokati i Izet Haxhisë, Idajet Beqiri ka treguar se përveç ish- kryeministrit Sali Berisha e dy motrave Haklaj, për këtë vrasje do të dëshmojnë edhe 17 dëshmitarë të rinj. Por kërkesa e mbrojtjes dhe e Prokurorisë për dëshmitarët do të vendoset në seancën e radhës, që do të vendoset në seancën e 9 tetorit.
Featured image of article: Vrasja e Azem Hajdarit/ Izet Haxhia del para Gjykatës Penale, avokati: Duhet të dëshmojnë 18 persona, mes tyre edhe Berisha. Gjykata vendos më 8 tetor Izet Haxhia

TIRANË- Sot në ambientet e Gjykatës Penale u zhvillua seanca e parë gjyqësore për Izet Haxhinë, një prej personave të akuzuar për vrasjen e liderit historik të Partisë Demokratike, Azem Hajdarin. Me procesin e sotëm ka rinisur nga e para procesi i gjykimit për atë që është cilësuar si vrasja e shekullit.

Avokati i Izet Haxhisë, Idajet Beqiri ka treguar se përveç ish- kryeministrit Sali Berisha e dy motrave Haklaj, për këtë vrasje do të dëshmojnë edhe 17 dëshmitarë të rinj. Por kërkesa e mbrojtjes dhe e Prokurorisë për dëshmitarët do të vendoset në seancën e radhës, që do të vendoset në seancën e 9 tetorit.

Sipas avokatit, Sali Berisha duhet të dëshmojë në këtë gjyq, pasi u njoftua nga mbesa për vrasësit e Azem Hajdarit një orë para ngjarjes së rëndë. Në dokumentin e paraqitur në Gjykatës ai shkruan se Berisha nuk njoftoi policinë për vrasësit, por urdhëroi Azem Hajdarin që të shkonte të sqarohej me ta.

Për më shumë bëhu pjesë e grupit më viral në Facebook, Dosja.al

Izet Haxhia është dënuar në mungesë me 25 vite burg për vrasjen e ish-deputetit Azem Hajdari. Pas 17 vitesh në mungesë dhe azil në Turqi, Haxhia është rikthyer me vullnetin e tij në Shqipëri duke kërkuar rihapjen e dosjes, pasi ai kurrë nuk i ka pranuar akuzat e ekzekutimit të deputetit Azem Hajdarit në vitin 1998. Sipas Haxhisë, ai nuk ka pasur lidhje me atentatin, ndërsa i dënuar është edhe vëllai i tij, Ismeti. Dëshmitarët kanë pretenduar se ishte Haxhia personi që e nxiti deputetin Hajdati që të dilte jashtë selisë dhe të përballej me Fatmir Haklajn.

Ndërkohë, pak ditë më parë në emisionin “Opinion” ish- kryeministri Sali Berisha mohoi të ketë pasur një fletëthirrje për këtë gjyq.  Madje ai deklaroi se ata që vranë Azem Hajdarin zhdukën edhe fisin Haklaj. Ish-kryeministri theksoi më tej se ditën e krimit vrasësit e Azem Hajdarit zhvilluan një takim me Fatos Nanon.

(k.m;j.v;f.m/Dosja.al)

  • 12:28

    Thirrja e Sali Berishës dhe 17 dëshmitarëve të tjerë për Izet Haxhinë, Gjykata Penale vendos në 9 tetor

    Izet Haxhia

    Gjykata Penale e Tiranës do të vendosë në seancën e radhës nëse do të thirren në sallë dëshmitarët e kërkuar nga Izet Haxhia. Kërkesa e Prokurorisë së Tiranës do të shqyrtohet gjatë seancës që do të zhvillohet më 9 tetor, në orën 12:00.

  • 10:42

    Zbardhet dokumenti/ Pse Izet Haxhia kërkon thirrjen si dëshmitar të Sali Berishës, avokati: U njoftua nga mbesa për vrasësist e Azem Hadajrit dhe nuk njoftoi policinë

    Izet Haxhia, Sali Berisha dhe Azem Hajdari

    Detaje të reja kanë dalë nga gjyqi ndaj Izet Haxhisë. Mësohet se në dokumentin prej 7 faqësh, avokati i tij, Idajet Beqiri ka dhënë argumentet se tij se përse duhet thirrur ish- kryeministri Sali Berisha si dëshmitarë për vrasjen e Azem Hajdarit.

    Sipas avokatit, Sali Berisha u njoftua nga mbesa për vrasësit e Azem Hajdarit një orë para ngjarjes së rëndë. Ai shkruan më tej se Berisha nuk njoftoi policinë, por urdhëroi Azemin që të shkonte të sqarohej me ta.

    “Mbesa e Sali Berishës, Shpresa Breçani te lokali pranë PD-së, i Guxim Biberaj. Ajo i pa Jaho Mulosmani, Fatmir Haklaj dhe Nazmi Çangu afro një orë para ngjarjes. I njihte shumë mirë ata dhe ka shkuar në zyrën e Berishës dhe në prani të dëshmitarit Fisnik Sina dhe të ndjerës Linda Ihsani, e ka vënë në dijeni se kush  ishin brenda në autoveturën me targa VL0676. Sali Berisha duhet të japë versionin e tij se përse në një situatë , kur u njoftua nga mbesa e tij në vend që të njoftonte organet e policisë së Shtetit, Ministrin e Brendshëm, Presidentin e Republikës, urdhëroi Azen Hajdarin që të shkonte te kjo autoveturë dhe të merrej vesh me ta”, thuhet në dokument.

  • 10:27

    Vrasja e Azem Hajdarit/ Izet Haxhia kërkon 18 dëshmitarë në Gjykatë, mes tyre edhe Sali Berisha (EMRAT)

    Izet Haxhia

    Sot pritet të zhvillohet një seancë në Gjykatën Penale, për Izet Haxhinë, për dosjen e bujshme, të atë vrasjes së Azem Hajdarit. Mësihet se Izet Haxhia ka kërkuar 18 dëshmitarë, që të flasin për këtë vrasje.

    Dëshmitarët e kërkuar janë:

    Zenel Neza,  Jaho Mulosmani,  Sali Berisha,  Mbesa e Sali Berishës, Shpresa Breçani,  Vëllai i Zenel Nezës, Haki Neza,  Afrim Krasniqi,  Ylli Rakipi, Shaban Memia,  Dem Dollapi,  Sali Lusha,  Genc Hoti, Agim Logu, Mentor Daja, Ismet Jovani,  Aishe Haklaj,  Zylfie Haklaj,  Marjam Gryku.

Shto Koment