Gjyqi Meta-Kryemadhi/ Seancë me dyer të mbyllura, gjykata refuzoi transmetimin live! Meta: Jam beqar

Meta- Kryemadhi

TIRANË- GJKKO ka refuzuar kërkesën e ish-presidentit Meta pë transmetim live të seancës gjyqësore.

Teksa po mbahet gjyqi me themel për dosjen Meta-Kryemadhi, gjykata ka rrëzuar edhe daljen ish-presidentit  nga kafazi i xhamit.

Poashtu, mësohet se gjykatësi ka pranuar vetëm kërkesën për aksesimin e provave digjitale./Dosja.al

Meta- Kryemadhi

TIRANË-  Në seancën e kësaj të premteje në Gjykatën e Posaçme, ish-presidenti Ilir Meta është shfaqur përballë trupit gjykues, ndërkohë që në sallë, jashtë kafazit ndodhej edhe ish-bashkëshortja e tij, Monika Kryemadhi.

Gjatë marrjes së tij në pyetje, Meta ka deklaruar se aktualisht banon në çelinë 313, ndërsa në lidhje me statusin civil, u shpreh se është beqar, duke iu referuar në mënyrë indirekte ish-bashkëshortes së pranishme në sallë. Më tej, ish-presidenti ka theksuar se, është i divorcuar.

Deklarata e Metës:

"Në Tiranë banoj për momentin. Banues te 313. Gjendja civile: beqar, domethënë i divorcuar. Unë kërkoj ta rishikoni edhe njëherë çështjen e transmetimit live. Ne kemi këndvështrimin tonë kur vjen puna te kjo çështje. Do t’ju lutesha të shikonit edhe raportin e OSBE/ODIHR-it, ku thuhet se 90% e mediave kontrollohen nga qeveria. Nuk shoh realisht asnjë arsye që ky proces të mos jepet live.

Qeveria është e prirur t’i deformojë faktet. Në këtë mënyrë, populli nuk do të ketë mundësinë të shohë të vërtetën. Këtë çështje s’e kërkoj për veten time, për shkak të funksioneve që kam pasur, por e kërkoj për të gjithë të pandehurit.", është shprehur Meta.

Dosja Meta

Ilir Meta u arrestua më 21 tetor 2024. Ai dhe ish-deputetja Kryemadhi dyshohen se, duke bashkëpunuar mes tyre dhe me funskionarë të tjerë shtetërorë, në disa episode duke nisur nga 15 vite më parë kanë shfrytëzuar postet e tyre shtetërore dhe politike për të favorizuar kompani private, si dhe në veprimtari të tjera me lobime në SHBA dhe shitblerje banesash në këmbim të përfitimit të shumave të konsiderueshme parash, të cilat janë përpjekur t'i fshehin, duke mos i deklaruar në ILDKPI dhe KQZ.

Konkretisht, Kryemadhi po hetohej nga SPAK për tre akuza, pastrim parash, korrupsion dhe mosdeklarim të ardhurash. Gjykata la në fuqi më 23 tetor masën “detyrim për t’u paraqitur në policinë gjyqësore” ndaj Kryemadhit, për të njëjtat vepra penale, si dhe ndaj të hetuarës Ema Çoku, për pastrim parash.

Ndërkohë ndaj Piro Xhixhos, i hetuar për korrupsion pasiv, iu zëvëndësua masa e sigurisë nga “arrest në shtëpi” në “detyrim për t’u paraqitur në policinë gjyqësore”. Të tre të hetuarit nën masën e sigurimit “detyrim paraqitje” urdhërohen të paraqiten një herë në muaj në zyrat e Policisë Gjyqësore të SPAK./Dosja.al

TIRANË- Gjyqi ndaj Ilir Metës dhe Monika Kryemadhit po vijon pa praninë e kamerave. Mësohet se, gjykata ka refuzuar kërkesën e radhës të ish-presidentit Meta për transmetimin live të seancës gjyqësore, duke vendosur zhvillimin e saj me dyer të mbyllura.

Në nisje të saj, seanca po transmetohej live nga mediat, deri në momentin kur u kërkua që operatorët të fiknin kamerat.

Dosja Meta-Kryemadhi

Ilir Meta u arrestua më 21 tetor 2024. Ai dhe ish-deputetja Kryemadhi dyshohen se, duke bashkëpunuar mes tyre dhe me funskionarë të tjerë shtetërorë, në disa episode duke nisur nga 15 vite më parë kanë shfrytëzuar postet e tyre shtetërore dhe politike për të favorizuar kompani private, si dhe në veprimtari të tjera me lobime në SHBA dhe shitblerje banesash në këmbim të përfitimit të shumave të konsiderueshme parash, të cilat janë përpjekur t'i fshehin, duke mos i deklaruar në ILDKPI dhe KQZ.

Konkretisht, Kryemadhi po hetohej nga SPAK për tre akuza, pastrim parash, korrupsion dhe mosdeklarim të ardhurash. Gjykata la në fuqi më 23 tetor masën “detyrim për t’u paraqitur në policinë gjyqësore” ndaj Kryemadhit, për të njëjtat vepra penale, si dhe ndaj të hetuarës Ema Çoku, për pastrim parash.

Ndërkohë ndaj Piro Xhixhos, i hetuar për korrupsion pasiv, iu zëvëndësua masa e sigurisë nga “arrest në shtëpi” në “detyrim për t’u paraqitur në policinë gjyqësore”. Të tre të hetuarit nën masën e sigurimit “detyrim paraqitje” urdhërohen të paraqiten një herë në muaj në zyrat e Policisë Gjyqësore të SPAK./Dosja.al

Tedi Blushi

TIRANË- Sekretari i Përgjithshëm i Partisë së Lirisë, Tedi Blushi, ka reaguar ashpër ndaj zhvillimeve në procesin gjyqësor ndaj Ilir Metës, duke e cilësuar atë si një gjyq politik.

Në një deklaratë për mediat, Blushi vlerësoi se ndalimi i qytetarëve për të ndjekur seancën është një tentativë për të mbuluar mungesën e provave penale në dosjen në fjalë.

Ai theksoi se prezenca e qytetarëve në sallë nuk është protestë, por një kërkesë legjitime për transparencë në një proces me ndjeshmëri të lartë publike.

Deklarata e Blushit:

"Për më tepër faktin që nga ky bunkerizim, është e pamundur të mësohen ato të vërteta të cilat po çmontohen në raport me akuzat politike dhe me një proces fund e krye politik dhe farsë. Ndaj nuk kërkojmë asgjë të veçantë. Kjo nuk është një protestë, kjo është një vullnet qytetar për të ndjekur një seancë e cila në fakt duhet të garantohet për të qenë publike, në mënyrë që i gjithë opinioni publik të mësojë të vërtetat e këtij procesi, sepse transparenca në fakt është detyrim për të gjitha institucionet në vend dhe në veçanti për funksionarët publikë.

Mos harrojmë që zoti Meta ka mbajtur funksionet më të larta shtetërore, President i Republikës, Kryeministër, Kryetar i Parlamentit, dhe ai do t'i japë llogari para të gjithë shqiptarëve, sidomos para votuesve të vet, para dashamirësve të vet, në raport me akuzat politike që janë ngritur ndaj tij. E theksoj, nuk ka asnjë çështje Meta, sepse kemi të bëjmë me një dosje bosh, me një dosje që nuk ka asnjë fakt penal, asnjë provë penale kundër tij. Ndaj thjesht qytetarët, dashamirësit e zotit Meta kërkojnë sot të jenë të pranishëm në një seancë e cila duhet, duhet, sepse kështu e thotë ligji. Nuk po kërkojmë asnjë privilegj. Po kërkojmë të zbatohet ligji. Seanca të jetë publike dhe çdo qytetari të interesuar t'i garantohet e drejta për të qenë i pranishëm në këtë seancë.

Nuk është kërkesa e Tedi Blushit kjo. Kjo është... çdo qytetar duhet t'i garantohet e drejta që ia mundëson ligji për të qenë i pranishëm në një seancë. Nuk është çështje arsyeje, është çështje ligji. Dhe ligji prevalon mbi çdo dëshirë dhe mbi çdo vullnet. Për sa kohë ligji i garanton të drejtën çdo qytetari të Republikës së Shqipërisë për të qenë i pranishëm në një seancë gjyqi, kush e ka autoritetin t'ia mohojë këtë të drejtë? Zgjidhja e vetme do të ishte që seanca të transmetohej live. Për të gjithë shqiptarët. Në mënyrë që të mos ndodhemi përballë kësaj situate. Nuk është përgjegjësia e askujt qytetari pse gjykata nuk garanton transmetimin apo nuk garanton zbatimin e ligjit. Është faji i qytetarëve ky?",deklaroi Blushi./Dosja.al