Raportimi i Endri Shabanit sjell përplasje në Kuvend, PD: U zgjodh në mënyrë antikushtetuese. PS shtyn projekt-rezolutat në seancën e fundit plenare
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
TIRANË– Nënëkryetarja e Partisë Demokratike Grida Duma ka deklaruar se PD-ja ka bërë gati kallëzimet për t’i dorëzuar në Prokurorinë e Posaçme Kundër Korrupsionit dhe Krimit të Organizuar. Në një deklaratë për shtyp, Duma tha se do të kallëzojë korrupsionin monstruoz të kryeministrit Edi Rama me kompanitë KESH e OSHEE. Sipas Dumës, plani i sotëm me tre pika ishte thjesht një mbulesë e planit për të marrë borxh që OSHEE dhe KESH të vazhdojnë të bëjnë tendera e të fitojë para.
Deklarata e plotë:
Prej ditësh Partia Demokratike ka provuar dhe qartësuar që nuk është çështje e krizës energjitike, por së pari e mbi te gjitha krizë korrupsioni dhe keqmenaxhimi. Sot Rama e faktoi këtë. Asnjë fjalë për energjinë. Madje shiti si lajm të jashtëzakonshëm që nuk do të ketë ndërprerje të energjisë. Ndërkohë që ajo që shiti në të vërtetë, është kopertura e planit për të marrë borxh që OSHEE dhe KESH të vazhdojnë të bëjnë tendera, e të fitojë para po ai grusht njerëzish që e hapi këtë gropë, që në asnjë rast nuk vjen nga jashtë, por nga shushunjat e korrupsionit që gjallojnë në ekosistemin e kësaj pakice. Dhe nuk janë pak. Janë 200 milionë euro, që do të shkojnë për të arnuar me paratë e konsumatorëve e sipërmarrësve ato kafshatat milionëshe që shqyen për orekset e tyre këtë verë. Deklaroi një plan për të mbrojtur shtresat në nevojë nga rritja e çmimeve, por në fakt u tha vazhdoni të paguani njësojë sepse nuk kemi para për t’ju rritur paga e pensione. Të tjerët, sipërmarrësit e ndershëm që luftojnë për të mbajtur hapur dyert e dyqaneve apo fabrikave, që mbajnë gjallë motorin e ekonomisë, janë ata që do do të duhet të paguajnë faturën e keqmenaxhimit dhe korrupsionit. Janë ata që do ta paguajnë rritjen e energjisë. Por nuk janë vetëm ata. Qytetarët do ta paguajnë energjinë te rritja e faturës së ushqimeve, shërbimeve, sepse ligësia e ekonomisë e çon zinxhr faturën finale te konsumatori, pra, familjarët. Askush nuk do të shpëtojë.
E pra, me ekrane të harlisura, ku mbron të pambrojtshmen, me pak fjalë iu tha shqiptarëve që jeni shumë mirë. Që ekonomia juaj është shumë mirë. Që varfëria nuk ekziston. Që shtresa e mesme lulëzon. Që miqtë e tij që po plaçkisin prona publike e private, tendera sekretë e publikë, nuk e dëmtojnë as konkurencën dhe tregun e lirë, dhe sigurisht as ju dhe as familjet tuaja. Që ata 500 mijë shqiptarë që kanë ikur nga sytë këmbët, në fakt ai iu tha që nuk kanë qenë të zotët t’ia dalin në Shqipëri, pikërisht ata që janë të zotët t’ia dalin kudo nëpër botë.
U tha shqiptarëve sot që shteti nuk është Zoti, individi duhet t’ia dalë vetë. Patjetër, ia del, në një vend ku zotësia ka vend. Jo në një vend ku batakçiu fiton dhe i ndershmi mbaron.
E rrotulloi edhe njëherë gjuhën tek e kaluara, sepse zgjodhëm 30 vjet më parë ekonominë e tregut, jo ekonominë e tollonit. Por 30 vite më pas, ndërsa ka qeverisur gjatë gjysmës së tyre na ofron prapë tollonat e mungesës ushqimore.
U tha shqiptarëve nuk rrisim rrogat se s’bëjmë dot investime, por po të ishin bërë investime dhe jo korruptime, rrogat tashmë do të ishin rritur. Në fakt nuk janë bërë investime, janë PPP-të. Jemi vendi i fundit në Ballkan që kemi pagën minimale, sepse PPP, paratë e pista të palaçollëqeve të tij e kanë rrënuar ekonominë e vendit. PPP-të miliona euroshe që firmosen si pa të keq, duke ua hedhur në kurriz sa këtij brezi por edhe brezave që do të vijnë, në fakt bëhen bashkë me arbitrazhet që janë dora e gjatë e korrupsionit të këtij pushteti dhe marrin para në xhepat e shqiptarëve. Bashkë me borxhin publik që është bërë kacek nga korrupsionin i kësaj lukunie të babëziturish. Janë të gjitha aty dhe ai sërish nuk mund të ofrojë asnjë zgjidhje, sepse ai dhe shpura e tij janë shkaktarët e kësaj fatkeqësie kombëtare, që e quan veten qeveri, e që sot kërkon nga ju edhe qindarkat e fundit, sepse nuk heq dorë nga PPP-të dhe tenderat korruptivë. Partia Demokratike i bën thirrje SPAK të nisë urgjentisht hetimet. Partia Demokratike po bën gati kallëzimiet për abuzimet monstruoze dhjetra milionëshe të qeverisë së Ramës, me OSHEE dhe KESH, në kurriz të familjeve shqiptare.
Rama sot prezantoi planin me tre pika për përballimin e krizës së energjisë elektrike. Kreu i qeverisë deklaroi se garanton furnzizmin pa nderprerje me energji elektrike të konsumatorit familjar dhe të biznesit të vogël si dhe garanton mosrritjen e çmimit të energjisë elektrike për të njëjtat kategori. Ndërsa pika e tretë konsiston në vënien në dispozicion të një fondi prej 200 mln eurosh, që do t’i jepen Operatorit për Shpërndarjen e Energjisë Elektrike për të garantuar mos rritjen e çmimit të energjisë elektrike dhe mbrojtjen e familjeve dhe biznesit të vogël nga rritja e çmimit dhe ndërpreja e furnizimit të energjisë elektrike. 100 milionë euro pritet të depozitohen në fund të këtij viti, ndërsa 100 të tjera në fillim të vitit tjetër.
(F.m/dosja.al)
Iftar dhe politikë, a u prek Muaji i Ramazanit nga politikanët?
TIRANË– Nënkryetarja e Partisë Demokratik,e Jorida Tabaku nuk e ka të lehtë të komentojë aksionin e nisur nga ish-kryeministri Sali Berisha, por thot...
TIRANË– Ambasadori britanik në Shqipëri Alastair King-Smith është veshur këtë mbrëmje të së shtunës si agjenti ‘007’, rol i luajtur nga James Bond. N...
TIRANË– Nënkryetarja e Partisë Demokratike Jorida Tabaku ka paralajëmruar se së shpejti do të publikohen informacione që nuk janë publikuar më parë n...
TIRANË– Luljeta Bozo, inxhinierja dhe pedagogia që u bë deputete e Partisë Soicaliste nuk e ka aq të lehtë të ngjisë shkallët apo të hipë në makinë. ...
TIRANË– Avokati Adriatik Lapaj ka sqaruar debatin që ka pasur një natë më parë me kryeministrin Edi Rama, teksa ishte i ftuar në emisionin “Zonë e li...
TIRANË– Kryeministri Edi Rama ka prezantuar sot planin për përballimin e emergjencës me furnizim të energjisë elektrike. Një ditë pasi shpalli emergj...
TIRANË– Kryeministri Edi Rama e ka bërë të qartë se pavarësisht krizës së energjisë elektrike nuk do të ketë ndërprerje të saj. Në një dalje për medi...
TIRANË– Kryeministri Edi Rama ka prezantuar sot planin me tre pika për përballimin e emergjencës me furnizim të energjisë elektrike. Kreu i qeverisë ...
TIRANË– Ish-kryeministri Sali Berisha ka zgjedhur Kukësin, një nga bastionet e Partisë Demokratike për të mbajtur takimin e radhës me demokratët në k...
TIRANË– Partia Demokratike ka hedhur poshtë deklaratën e deputetit Oerd Bylykbashi, i cili përmes një statusi në Facebook tregonte se kryeministri Ed...
