Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
TIRANË– Ditët e fundit portalet po ‘ziejnë’ nga lajmet në lidhje me adoleshentin e aksidentuar nga gazetarja Mira Kazhani dhe mënyrën se si u përpoq të fshihej kjo ngjarje.
Ndërkohë që 17-vjeçari po lufton me jetën në Spitalin e Traumës në Tiranë, pasi është shpërfytyruar dhe ndodhet në gjendje kome, ky rast na solli ndërmend aksidentet ku persona publikë shqiptarë përplasën qytetarë dhe ia ‘hodhën pa lagur’.
Në rastin më të mirë kanë qëndruar pak muaj pas hekurave, ndërsa në rastin më të keq, kanë hedhur të aksidentuarin në kanal dhe janë larguar.
Dosja.al iu sjell më poshtë disa nga aksidentet që shkaktuan ‘bujë’ në media dhe u përpoqën të kamufloheshin në mënyra të ndryshme për të mos dëmtuar imazhin e ‘VIP’-ave të përfshirë.
1-Rasti i gazetares Mira Kazhani me adoleshentin Nertil Pëllumbi
Rasti më i fundit është ai ku u përfshi gazetarja Mira Kazhani. Kjo ngjarje u raportua si një aksident rutinë, ku thuhej se gazetarja Mira Kazhani është përfshirë në një aksident ku një i moshuar 76 vjeç kishte mbetur i plagosur. Më tej u bë me dije se i plagosuri fatmirësisht kishte shpëtuar.
Por faqet më aktive si ajo e ish-kryeministrit Sali Berisha dhe JOQ, nisën të publikonin mesazhe dhe denoncime nga të afërm dhe miq të të aksidentuarit, ku thuhej se ai ishte në gjendje të rëndë për jetën.
I moshuari 76-vjeçar, rezultoi të ishte një 17-vjeçar me emrin Nertil Pëllumbi, i cili është në gjendje kome dhe po lufton për jetën në Spitalin Ushatarak. Dosja.al gjithashtu ka mësuar se i mituri është shpërfytyruar tërësisht nga përplasja.
Në një status në rrjetet sociale gazetarja Kazhani deklaroi se familjarët e saj i kanë qëndruar natë e ditë mbi kokë të miturit.
Ndërkohë pas kërkimeve të Dosja.al rezultoi se e vërteta është krejt ndryshe. Ne shkuam një ditë pas reagimit të gazetares Mira Kazhani në spitalin e Traumës në Tiranë dhe aty takuam familjarë dhe kushërinj të Nertil Pëllumbit, të cilët u shprehën se kanë bërë një pakt me babain e gazetares Mira Kazhani.
“Nuk flasim dot për mediat. Ne do të flasim kur Nertili të ngrihet në këmbë. I kemi premtuar babait të Mira Kazhanit që nuk do të flasim për mediat. Ata na premtuan se do të paguajnë të gjitha shpenzimet e trajtimit mjekësor të të riut,”- thanë ata.
Zëdhënësi i Policisë së Shtetit, Gentian Mullaj në një prononcim për Dosja.al, u shpreh se pas verifikimeve, gazetarja Mira Kazhani po ndiqet në gjendje të lirë.
2-Taulant Balla që përplasi kalimtarin
Më datë 4 maj 2018 në media u publikuan disa foto ku shihej Kreu i Grupit Parlamentar të PS-së, Taulant Balla teksa i jepte ndihmën e parë një kalimtari të aksidentuar. Sipas statusit të bërë nga ish-kryeministri Sali Berisha, ‘qytetari digjital’ shprehet se Taulant Balla ka aksidentuar një kalimtar dhe se gjithçka po modifikohet në mënyrë që deputeti i PS-së të dalë i pafajshëm.
” Taulant Balla aksidenton qytetarin!
Çunat e krimit po bejne gjithçka te fshijne krimin! Sb
“Pershendetje doktorr …
Para pak minutash deputeti taulant balla eshte perfshire ne nje aksident rrugor ne unazen e elbasanit.te gjith zagaret e ketij pushteti nuk u interesuan per te plagosurin por po turren me vrap per te rregulluar cdo dokument qe zotnia balla te dali i pafajshem,mediat mashtrojne publikun sikur Balla ndihmon viktimen e tjetrit turp,turp.”- shkruante Berisha në statusin e tij.
Ndërkohë nga ana tjetër Policia e Shtetit njoftoi se: “Sot rreth orës 16:15, në unazën e qytetit të Elbasanit, shtetësja Ll. Biqiku e datëlindjes 13.08.1981, duke drejtuar mjetin tip Renault me targa AA 373 JY ka aksidentuar shtetasin I. Kondi i datëlindjes 23.10. 1949,…”.
Në një status në rrjetet sociale, Taulant Balla e quajti ish-kryeministrin Berisha një plak të çmendur, që shpiki aksidentin.
3- Ish-deputeti Aqif Rakipi përplas për vdekje këmbësorin
Ish-deputeti i PDIU Aqif Rakipi aksidentoi për vdekje një 53-vjeçar më datë 17 gusht 2017. Aksidenti ndodhi në në orët e para të mëngjesir, në aksin rrugor Tiranë-Durrës, teksa këmbësori po kalonte rrugën.
Sipas dëshmisë së ish-deputetit, Rakipi u shpreh se ka qënë kalimtari ai që i ka dalë përpara makinës, ndërkohë nga testi i alkolit rezultoi që Aqifi nuk kishte konsumuar aspak pije alkolike.
Ish-deputeti Rakipi u la i lirë me urdhër të prokurorisë, ndërsa sipas njoftimit të Policisë së Shtetit, hetimet vazhduan deri në zbardhjen e plotë të ngjarjen.
4- Këngëtarja Emmy u përplas për vdekje nga i dashuri i saj biznesmen Azis Kelmendi
Këngëtarja shqiptare Elsina Hidersha e njohur si Emmy, ndërroi jetë disa ditë pasi u aksidentua nga biznesmeni kosovar Azis Kelmendi. Ngjarja ndodhi në orët e para të mëngjesit të 27 shkurtit në vitin 2011, në rrugën “Sadik Petrela”, ku ndodhej një nga lokalet e natës ku edhe këndonte 22-vjeçarja.
4 Muaj pas ngjarjes që i Gjykata e Tiranës liroi nga qelia të akuzuarin si shkaktarin e vdekjes së Hidershas, biznesmenin Azis Kelmendi. Në vendimin e saj Gjykata arsyetonte se biznesmeni kishte pasur qëllim vetëm të largohej mëngjesin e herët të 27 shkurtit 2011, kur këngëtarja Emmy ishte varur në xhamin e derës së parme të automjetit të tij.
Sipas dëshmive të mikeshave të Emmy-t, thuhej se këngëtarja ishte shumë e lidhur dhe shumë xheloze ndaj Kelmendit në kohën që ata kishin lidhje intime me njëri-tjetrin. E njëjta shoqe pohoi një vajtje të Emmy-t në Kosovë për të takuar Kelmendin në formë surprizë në dhjetor të vitit 2010. “Në të njëjtën kohë, Azizit i kishte ardhur gruaja nga Gjermania. Emmy ka shkuar dhe i ka trokitur në derë. Donte të takonte gruan e tij dhe t’i bënte të ditur lidhjen mes saj dhe Azisit,”– shkruhej në deklarim.
Nga ana tjetër familjarët e këngëtares Emmy u shprehën atëherë për mediat se lirimi i bizensmenit ka qenë si një vrasje e dytë për Emmy-n.
Ata akuzojnë Drejtësinë se po tallet me gjakun e vajzës së tyre. Babai, Ali Hidersha, dy vëllezërit, Emiliano dhe Andoni dhe mptra ë këngëtares së ndjerë, Sonila u shprehën se hetimi i prokurorisë ka qenë i njëanshëm dhe hedhin poshtë çdo deklaratë të Kelmendit dhe përfaqësuesit të tij ligjor që patën thënë se mes dy familjeve janë bërë negociata dhe marrëdhëniet janë drejt normalizimit.
Familjarët e Emmy-t deklaruar gjithashtu se e kanë marrë vesh për lidhjen e vazjës së tyre me biznesmenin e martuar pasi ajo ndërroi jetë. Ata janë shprehur se sipas informacioneve të mësuara nga miqtë e 22-vjeçares, Azisi e ka vrarë qëllimisht këngëtaren, pasi vazhdimisht e kërcënonte dhe dëshirontë që ajo të largohej nga jeta e tij.
5- Aksidenti i pazbuluar i ish-kryeministrit Fatos Nano
Ish-kryeminsitri Fatos Nano është përfshirë gjithashtu në një aksident në shkurt të vitit 2001. Ngjarja ndodhi në Shkallnuer, rreth orës 19.30 të darkës, ku u raportua se një makinë përplasi për vdekje një kalimtar.
Viktima u identifikua si Petrit Islami 70 vjeç. Ndërkohë që hetimet u pushuan, makina nuk u zbuklua kurrë dhe e vetmja gjë që ka mbetur edhe në ditët e sotme është dëshmia e Robert Qirjos, shefit të qarkullimit rrugor të Durrësit në atë kohë. Kjo dëshmi doli në dritë pa rihapjes së hetimeve, në vitin 2004.
Dëshima e plotë e Qirjos
Hetuesi: Më shpjegoni edhe njeherë të vërtetën sipas asaj që di.
Robert: Ngjarja ka ndodhur në orën 7.30 te datës 3 shkurt 2001.Kam qënë në lëvizje. Më njofton patrulla për një aksident : është gjetur nje person në asfalt. Kam shkuar menjeher atje. Njoftova oficerin e rojes .Vajti grupi. Shkova tek vëndi i ngjarjes. Atje mora vesh se kishte vdekur.
Hetuesi: Në çfarë asfalti ndodhi kjo?
Robert: Në Shkallnuer. Ishte kohë me shi. Kam parë vëndin e ngjarjes. Me përjashtim të disa copave të xhamit, që për mendimin tim ishin copat e pasqyrës së krahut të djathtë nuk kam parë gjë tjetër.
Hetuesi: Personi ishte i vdekur, apo e kishin nisur për në spital?
Robert: Ishte nisur për në spital.
Hetuesi: Patrullën e keni gjetur aty?
Robert: Jam lidhur direkt me Tiranën me 63-shin. Zoti Toska e di mirë këtë se kush është dhe pas një ore më kthyen përgjigje se nuk po vjen asnjë makinë të dhënat e së cilës pak a shumë i kishim përshkruar. Atëherë kam marrë makinën në vend ngjarje dhe kam shkuar deri ne Romanat. Nuk gjeta gjë. U ktheva, u lidha prapë me Tiranën (63), ka ndërhyrë pastaj nëndrejtori i Policisë së Tiranës.
Hetuesi: Si quhet ky?
Robert: Sokol Bizhga. Me pas më është dhënë përgjigja në Drejtorinë e Policisë Durrës se Niko Brahimaj, atëherë ka qenë Drejtor i Përgjithshëm i Policisë Kriminale, po e ndiqte këtë problem. Në drejtori me thanë lëre atë punë se personi që ka bërë aksidentin është njeri tepër i nderuar dhe nuk bëhet shaka me të .
Hetuesi: Si ta thanë emrin?
Robert: Nuk e mbaj mënd.
Hetuesi: Ligji të detyron .
Robert: Pyesni drejtorin, Niko Brahimajn.
Shefi i qarkullimit Robert Qirjo merret serish në pyetje më 10 Korrik 2001.
Hetuesi: Çfarë kujtoni nga kjo ngjarje?
Robert: Po, erdhen këto ditë dy specialistë nga Ministria e Rendit . Ariani, drejtori im më tha që të mos i takoja.
Hetuesi: Përse?
Robert: Fjala kishte marrë dhenë në Durrës se aksidentin e kishte bërë Fatos Nano, bile “Benz”-in e kishte fshehur në magazinën e…. Ishte ndërruar “Benz”-i i aksidentit atë natë me një tjetër që të mos kapej në hyrje të Tiranës.
Hetuesi: Kush?
Robert: Ju lutem pyesni drejtorin…
Hetuesi: Po atë djalin që ka parë atë natë aksidentin a e keni thirrur ndonjëherë në polici?
Robert: Patrullës i kishte thënë se në makinën që bëri aksidentin ishte një burrë me syze dhe nje grua doli nga makina . Ai i kishte parë nga karburanti që është shumë afër vëndit ku ka ndodhur aksidenti. Sipas djalit, nga pas makinës doli nje person tjetër që e ka hedhur viktimen në kanal afër rrugës dhe “Benz”-i ka ikur me shpejtësi.
Hetuesi: Po targa?
Robert: Ai djali nuk e mbante mënd mirë, por na tha se me sa dukej ishte 8227 E. Megjithatë nuk ishe i sigurt .Kemi hetuar plot. Po hetojmë edhe Ministrinë e Pushtetit Lokal. Atje ka një “Benz” të tillë.
Hetuesi: Konkretisht?
Robert: Nuk e di. Kaq munda. E di drejtori, e di Arjani…
(f.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
SHKODËR- Arrestohet nga Policia Florian Marku, protestuesi që urinoi para kryeministrisë në protestën e 13 prillit.Burime për Dosja.al bëjnë me dije se Mar...
TIRANË- Ish-deputeti i Partisë Demokratike, Genc Pollo, ka komentuar vendimin e Parlamentit të Holandës që detyron qeverinë e tij për të kërkuar në Komisio...
KËLCYRË– Hazbi Kasaj është ‘regjistruar zyrtarisht’ si kandidat për të marrë drejtimin e Bashkisë së Këlcyrës pas zgjedhjeve lokale që do të zhvillohe...
DURRËS- Arrestohet në Vlorë një punonjës i gjendjes Civile në Vllahinë. Policia njofton se 30-vjeçari me inicialet R.Y u arrestua pasi shpërdoroi de...
TIRANË- E akuzoi kryeministri Edi Rama se kishte lejuar që të ndërtoheshin pallate në rërë, dhe nuk vonoi aksioni i Inspektoriatit të Mbrojtjes së Territor...
Robert Bosch, ish-ambasador i OSBE-së në Tiranë e më pas ambasador i Holandës në Kosovë, ka një shpjegim për votën kundër Shqipërisë që dha vendi i tij. Zoti Bo...
DURRËS- Një tentativë përdhunimi ka ndodhur sot në qytetin e Durrësit. Sipas informacioneve që ka siguruar Dosja.al mësohet se një shtetas kanadez ka tentu...
TIRANË- Eksperti i Ekonomis, Pano Soko, të hënën në mbrëmje ka publikuar disa shifra se sa kushton një kilometër rrugë, duke e krahasuar me çimet që...
TIRANË– Bordi i Autoritetit të Mediave Audiovizive i ka tërhequr vëmendjen moderatores Roza Larti për shkelje të normave ligjore dhe etike. Në njofti...
TIRANË- Pas protestës së ditës së sotme të banorëve të Bregut të Lumit, ku nuk munguan përplasjet mes këtyre të fundit dhe policisë, Lëvizja Socialiste për...
