Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
TIRANË- Eksperti i Ekonomis, Pano Soko, të hënën në mbrëmje ka publikuar disa shifra se sa kushton një kilometër rrugë, duke e krahasuar me çimet që vendosen në tendera. Në emisonin ‘A show’ me Adi Krastën, Soko deklaroi se shifrat e tenderave janë shumë të fryra në krahasim me ato reale.
Por ky reagim i tij ka sjellë dhe një replikë nga portali Te Sheshi dhe në një analizë të tyre kundërshtonin ekspertin e ekonomisë. “Ai, në pjesën e përzgjedhur të intervistës për t’u lëshur në rrjete, ofron më së pari disa shifra, duke konkluduar në fund mbi abuzimet e mundshme të Bashkisë, e më pas analizon se si jep-merret një tender, duke ia mveshur këtë praktikave të Bashkisë së Veliajt, a thënë më saktë këtij të fundit”, shtohej në shkrim.
Pas kësaj Soko në një reagim në Facebook hedh hije dyshimi se pas kësaj analize fshihet drejtori i Komunikimit në Kryeminsitri, Endri Fuga. Në reagimin e tij Soko shton se shifrat e publikuara prej tij janë mëse të verteta dhe fton në sfidë Fugën dhe Veliajn, por dhe ekspertë të tjerë në Bashkinë e Tiranës.
POSTIMI I PLOTË
Fuge,
Meqënëse te portali yt ke ngritur hipotezën e vërtetësisë së shifrave të përdorur nga unë tek Adi Krasta, atëherë do të të sqaroj dy gjëra të thjeshta dhe do të të bëj dhe një ftesë.
E para, çmimet që unë paraqita në emision, janë lehtësisht të gjetshme në treg. Janë lehtësisht të verifikueshme, sa kushton 1 m2 çakull, 1 m2 stabilizant, 1 m2 binder apo tapet., sa kushton gërmimi, kanalizimet etj.. Mjafton të punosh në treg dhe do s’do i mëson. E pra, unë i di nga eksperienca e punës.
E dyta, shifra e paraqitur në buxhetim (pra e famshmja 2.9 milionë USD ose 302’583’215 Lek të reja) e gjen lehtësisht tek PBA 2019-2021 dokumenti zyrtar i Bashkisë miratuar në mbledhjen e Këshillit Bashkiak.
Tani, për fatin tuaj të keq, ka dhe budallenj si puna ime që i hyjnë dhe e lexojnë relacionin e PBA… të gjithin, deri në fund (se që ta dish ti, ndërtimi i kësaj rruge ishte lënë aktiviteti i fundit fare i kapitullit..në faqen 15). Në koment po të nxjerr faqen e Programit Buxhetor, atë që Adi e nxorri për publikun.
Kjo për të sqaruar paraprakisht. Me Adin patjetër që i diskutuam shifrat, burimet dhe vërtetësinë. Ajo që Adi mbajti në dorē ishte një fletë nga Buxheti zyrtar i Bashkisë.
Gjithsesi, nëse ti vazhdon të kesh dyshime, unë të ftoj ty, merr dhe Erionin, Maznikun, drejtora e kë të duash dhe dalim në një debat publik, në studio, në panel, apo në shesh zgjidheni ju, marrim dhe tabelën e Adit dhe i bëjmë bashkë aty llogaritë, në sy të gjithë njerëzve. Dhe të shohim kush ka të drejtë.
Ju të gjithë, unë një i vetmi. Jam i gatshëm.
SHKRIMI I PLOTË I PUBLIKUAR NË MEDIAN “TE SHESHI”
KRITIKË/ Për gazetarinë e jo Erjon Velinë: pyetja që Krasta nuk ia bëri një eksperti ekonomie
Një video po qarkullon në rrjete, nga ana e atyre që se honepsin dot Erjon Velinë, apo dhe qeverinë, ku një i cilësuari si ekspert ekonomie pretendon se i nxjerr të palarat kreut të Bashkisë së Tiranës, duke bërë me dije se si ai abuzon, a më saktë vjedh taksat e qytetarëve. E bën këtë në një formë edhe argëtuese, me një shpengim sportiv, duke qenë jo në lokal por në studion e Krastës. Ky i fundit, qartazi i pozicionuar politikisht, e kjo aspak mëkat e tërësisht në të drejtën e tij, po çedon gjithsesi te aspekti profesional, ndonëse në hapësirën e tij e shfaq si kredo nevojën e një gazetarie investigative, duke pretenduar gjithashtu se po promovon e potencon ajkën e gazetarisë që i është vënë me “gurë në trastë” qeverisë prej të pabërave të saj.
Por le të ndalemi te rasti Pano Soko, eksperti pra i ekonomisë, por më së shumti një aktivist gjysëm social e gjysëm politik anti-qeveritar me prezencën e tij në çdo protestë gjithashtu anti-qeveritare.
Ai, në pjesën e përzgjedhur të intervistës për t’u lëshur në rrjete, ofron më së pari disa shifra, duke konkluduar në fund mbi abuzimet e mundshme të Bashkisë, e më pas analizon se si jep-merret një tender, duke ia mveshur këtë praktikave të Bashkisë së Veliajt, a thënë më saktë këtij të fundit.
Pra, zbërthimin e praktikës abuzuese të jep-merr të një tenderi, e ka të adresuar vetëm te Veliaj e jo thjesht si një denoncim klasik për të gjitha praktikën e deritanishme qëkur tenderi doli në skenë, pra nga ‘92 e këtej. Dhe në këtë pikë, ai nuk është se bëri ndonjë zbulim për të mbetur me gojë hapur. Duke u endur në fushën hamendësimit, apo ndryshe të analizë-sintezës, ai përcolli mesazhin spekullativ se kështu vepron vetëm Veliaj, pasi shpjegimet i kufizoi vetëm te personi i tij. Në fund, kur gjithçka u shpall si definitive, qeshi ai e qeshi dhe Krasta, duke u llokoçitur që të dy në një pellg deliri madhështie.
Por pyetja që shtrohet është, e kjo në emër të profesionalitetit gazetaresk: me çfarë referencash fliste e konkludonte eksperti? Cila ishte ajo punë e tij kërkimore apo ai studim me praktika investigative, që ia përligjte gjithëçfarë thoshte, aq më tepër kur fliste me shifra?
Eksperti nuk kishte asnjë dokument me vete dhe, po të dëgjohet më vëmendje në ato çfarë thotë, më tepër prevalon dëshira që Veliaj të jetë i korruptuar, se sa prova bindëse që ai është realisht i korruptuar.
Duhej të ishte Krasta që duhej t’i bënte pyetjen, më normale në raste të tilla për një gazetar profesionist: Ju lutem, me çfarë referencash i mbroni këto pretendime në forma akuzash? Dhe kjo për më tepër kur eksperti nuk ka asnjë oponent në krah apo përballë. Dhe i vetmi që duhej t’ja bëj oponencën, jo për të mbrojtur Veliajn por ABC-në e profesionit, e mbi të gjithë dinjitetin e çdokujt, qoftë dhe të Erjon Veliajt, përballë çdo akuze publike, është Krasta. Mirëpo ky i fundit zgjodhi të qeshë. Po pse qeshi? Si rregull ai duhet të qajë kur del në pah një abuzim, një vjedhje, një e keqe pra e një pushtetari?
Përgjigja gjendet te një qasje psikologjike: kënaqësia jo për daljen e një të vërtete në pah, sado e hidhur, nga kushdo e për këdo qoftë, por te dëshira primare e bisedës për ta nxjerrë me patjetër Veliajn të korruptuar. Ai mund të jetë gjithë ditën e natën i tillë, por jo me këtë mënyrë, jo me këtë metodë, jo me këtë formë. Sepse më e pakta nuk është gazetari, më e shumta nuk është ndershmëri!
E në fund, në emër gazetarisë e ndershmërisë, profesionale apo njerëzore, një pyetje për Krastën: a do e ketë në studio Erjon Velijan në puntatën e ardhshme për t’i dhënë të drejtën e oponencës?
(A.B. Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË– Bordi i Autoritetit të Mediave Audiovizive i ka tërhequr vëmendjen moderatores Roza Larti për shkelje të normave ligjore dhe etike. Në njofti...
TIRANË- Pas protestës së ditës së sotme të banorëve të Bregut të Lumit, ku nuk munguan përplasjet mes këtyre të fundit dhe policisë, Lëvizja Socialiste për...
TIRANË-Ish-deputeti Klevis Balliu ndodhet në zonën e Bregut të Lumit, ku fadromat po i prishin shtëpitë banorëve për të vijuar me projektin e Bulevardit të...
TIRANË- Autorieti i Mediave Audiovizive në mbledhjen e sotme ka shqyrtuar disa ankesa të qytetarëve dhe në fund ka vendosur që të gjobisë katër televizione...
TIRANË- Ish-kryeministri Sali Berisha, ka vijuar me publikimin e denoncimeve të mbërritura në adresën e tij.Me anë të një postimi në rrjetet sociale, Beris...
KAKAVIJË- Policia kufitare e Kakavijës ka bllokuar ditën e sotme një kuti me ilaçe kontrabandë në autobusin e linjës Greqi-Shqipëri. Gjatë kryerjes...
SHKODËR- Një aksident i rëndë është regjistruar mesditën e sotme në vendin e quajtur ish fermentimi në Shkodër. Nga të dhënat paraprake mësohet se dy mjete...
TIRANË- U raportua si një aksident rutinë, ku në autostradë një makinë përplas një këmbësor, i cili kalon rrugën në mënyrë të papërgjegjshme, por fatmirësi...
Tiranë– Qeveria shqiptare i ka dhuruar 100 mijë euro qeverisë franceze për rindërtimin e Katedrales së Notre Dame-it.Për ndihmë ndaj qeverisë fanceze ka premtua...
BRITANI E MADHE- Gjykata e Apelit në Britani i ka rritur dënimin një shpërndarësi shqiptar droge, i cili u kap me kokainë të fshehur në vesh.Shqiptari Klevis Dr...
