Rajoni

‘Shengeni i vogël’, Rama: Po e bëjmë për fëmijët tanë, BE ka prioritet veten. Realitet brenda 2021

Krijimi i një “Shengeni ballkanik” qarkullon prej vitesh, por Kosova dhe Mali i Zi e kundërshtojnë ashpër me pretendimin se do të rikthehet ish-Jugosllavia.
Featured image of article: ‘Shengeni i vogël’, Rama: Po e bëjmë për fëmijët tanë, BE ka prioritet veten. Realitet brenda 2021 Rama, Vuçiç dhe Zaev

SERBI– Liderët e tre vendeve të Ballkanit Perëndimor kanë zhvilluar një takim, ku kanë diskutuar për lëvizjen e lirë mes Shqipërisë, Serbisë dhe Maqedonisë së Veriut. 

Pas takimit, presidenti Aleksandër Vuçiç, dhe dy kryeministrat Edi Rama dhe Zoran Zaev kanë mbajtur një konferencë për mediat ku edhe kanë shpjeguar të mirat e ‘Shengenit të Vogël’.

Në fjalën e tij kryeministri Rama është shprehur se e shkuara duhet lënë pas krahve dhe duhet parë para për t’i siguruar fëmijëve një të ardhme më të mirë.  Sipas Ramës, projekti ku lëvizja do të jetë e lirë brenda Ballkanit do të duhet që të mbyllet brenda vitit 2021.

Gjithashtu në fjalën e tij kreu i qeverisë shqiptare ka bërë thirrje edhe për vendet e tjera skeptike që të bëhen pjesë e takimit të ardhshëm që do të mbahet në Ohër më 10 nëntor.

 

Takimi në Ohër do të përqendrohet në bashkëpunimin rajonal dhe integrimin ekonomik, duke hequr pengesat për biznesin dhe qarkullimin e lirë të mallrave, treg që do t’u shërbejë më shumë se 20 milion njerëzve. Synimi është që qytetarët të kalojnë kufirin vetëm me kartë identiteti dhe kjo pritet të arrihet deri në vitin 2021 duke eleminuar orë të tëra pritje në dogana.

Krijimi i një “Shengeni ballkanik” qarkullon prej vitesh, por Kosova dhe Mali i Zi e kundërshtojnë ashpër me pretendimin se do të rikthehet ish-Jugosllavia. Një bashkim i ngjashëm u bë pa kohë me rrjetin telefonik, me faturimin e roaming. Brenda disa vitesh, vendet e Ballkanit Perëndimor s’do të kenë tarifa.

(k.m/dosja.al)

  • 13:00

    Negociatat/ Vuçiç për Shqipërinë e Maqedoninë: Nëse nuk çelen është faji i BE-së

    Aleksandër Vuçiç

    Presidenti i Serbisë, Alexandër Vuçiç tha se shpreson që Bashkimi Europian të nisë negociatat me Shqipërinë dhe Maqedoninë e Veriut.

    “Shpresoj që BE të hapë negociatat me Shqipërinë dhe Maqedoninë e Veriut, por edhe nëse kjo nuk ndodh, dua t’u them qytetarëve që nuk është faji i tyre pasi BE ka arsye të veta të brendshme”, tha Vuçiç.

  • 12:05

    Shengeni, Rama: Po e bëjmë për fëmijët tanë, BE mendon për vete

    Edi Rama

    Kryeministri Edi Rama ka folur lidhur me lehtësirat e vendosura për të ashtuquajturin Shengeni i vogël. Në fjalën e tij Rama është shprehur se nga marrëveshja do të ketë vetëm lehtësira dhe se të gjithë do të mbështeten apo askush nuk do të detyrohet.

    “Nuk ka asgjë të panjohur dhe të pamiratuar nga të gjithë vendet e Balkanit Perëndimor. Ka vetëm një gjë të re vullentin për t’i dhënë një shtysë përpara dhe duke mospritur që këtë ta bëjnë të tjerët për ne. Ndërkohë që të gjithë ne këtu kemi një hapësirë të përbashkët. Kritikat nuk sjellin alternative. Nuk mbyllim dot sytë para fakteve dhe shifrave. Në një guidë turistike të Mbretësisë Shqiptare, oferta i tejkalonte kufijtë e sotëm. Kushdo që vinte në Shqipëri, shkonte përtej territorit.Çfarë na pengon që 2 mln turist që vijnë në Serbi të vijnë në mrekullitë e Shqipërisë apo Maqedonisë. Fëmijët tanë na kërkojnë të bëjmë këtë. Ne kemi një vend të bukur por nëse bashkohhemi me ju kemi ofertë shumë më të gjërë në funksion të rritjes ekonomike. Ëshët e pamundur që të atraktojmë investime të huaja nëse nuk shikojmë se kemi tregje të vogla. Edhe Serbia kërkon më shumë. Unë nuk dua të rri me mijëra vetë në kufi. Ky rajon do të jetë i hapur. Zhvillimi i bën më të hapura çështjet e njerëzve. Ne nuk jemi prioriteti i Bashkimit Europian, prioriteti i BE është BE. Ne do t’i mbështesim të gjithë që duan të bashkohen por nuk do të detryojmë askënd,”-tha Rama.

  • 11:48

    'Shengeni i vogël', Rama: Kemi vullnet për ta bërë, është kapërcim historik

    Edi Rama

    Pas takimit të zhvilluar në Novi Sad, presidenti serb Aleksandër Vuçiç dhe kryeministrat Edi Rama dhe Zoran Zaev. Në fjalën e tij, Rama foli për lehtësirat që do të përfitohen nga “Shengeni i vogël.”

    Deri në vitin 2021 “Shengeni i vogël” do të jetë realitet. Vullneti është i plotë për ta bërë. Ky është kapërcim historik sepse kur flisja për Shengenin ngiheshin lloj lloj hipotezash. Njerëzit të mos pengohen që të kalojnë në kufi. Kostoja e 5 fish më e vogël për qytetarët që kalojnë në kufi. Taksat i vendosin parlamentet e zgjedhur dhe jo historia,”-tha Rama.

Një Koment në “‘Shengeni i vogël’, Rama: Po e bëjmë për fëmijët tanë, BE ka prioritet veten. Realitet brenda 2021

  1. Shtete pa kufinj- pa kombe- pa fe- pa nacionalizma??! Teorite e masoniste, –templareve qe duan te sundojne nje grusht njerzish- (gjoja te zgjedhur) gjithe boten dhe rajonet- nepermjet korporatave mafioze.
    Kto te vazhdojne shengenin familjar siç e kan nise, nuk kane pune me Ballkanin. Çdo shpi ka zot shpie dhe nuk mund te bash krytarin e kshillit zot shpie

Shto Koment