Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
TIRANË– Akuzat për vrasje dhe për krime lufte ndaj ish-zyrtarëve më të lartë të Ushtrisë Çlirimtare të Kosovës kanë shkaktuar debat politik në Shqipëri. Një ditë pas prangosjes së ish-presidenti Hashim Thaçi, dy ish-kryeparlamentarësve Kadri Veseli dhe Jakup Krasniqi dhe deputetit Rexhep Selimi, kryeministri Edi Rama ka drejtuar gishtin nga politika shqiptare. Duke u kërkuar llogari, Rama ka përmendur faktin se disa prej votave nga delegacioni shqiptar në Këshillin e Europës, ishin pro raportit të Dick Marty-t.
Në mënyrë të përsëritur, disa ditë rresht, Rama ka kërkuar nga kundërshtarët e tij politikë që të japin sqarime lidhur me votën pro, duke u ndalur tek kryedemokrati Lulzim Basha, të cilin e akuzon se ka ndihmuar në përpilimin e raportit, duke “shërbyer” si përkthyes apo shoqërues i personazheve që vinin në Shqipëri për të investiguar lidhur me të ashtuquajturën “Shtëpia e Verdhë”.
“Lulëzim nuk kalohet me sharje kjo historia e të kaluarës tënde si hetues i UÇK! Dil sqaro popullin! Lulzim Basha ka punuar për Tribunalin dhe Departamentin e Drejtësisë së UNMIK pas luftës dhe ka hetuar personalisht vendmbajtjet e robërve në veri të Shqipërisë,“-shkruante Rama pak ditë më parë në rrjetet e tij sociale. Ndërkohë media
“Top Channel” që prej arrestimit dhe paraburgimit në Hagë të liderëve të UÇK-së, ka publikuar dëshmi që provojnë se akuzat e Ramës ndaj Bashës qëndrojnë. Sot është publikuar një intervistë me ish-komandantin e UÇK-së për zonën operative të Llapit, Latif Gashi. Ky i fundit, tregoi versionin e tij, duke shtuar se Bashën e kishte identifikuar bashkëshortja e tij. Ai shkon edhe më tej, duke pretenduar se bashkë me Bashën ishte edhe vajza e ish-kryeministrit Sali Berisha, Argita.
“Ata si duket e kanë tradhtu vetullat e tij dhe syt e tij karakteristik dhe flokët e tij edhe zëri i tij. Ai ka qenë prezent të gjykatësi dhe kur kanë shku familja jem me marrë leje për vizitë ai i ka prit aty dhe ka përkthy aty, dhe familja jem e ka idenfikue. Po flas gjithë herë me dëshminë e grus time që ma ka thanë atëherë kur u ardh në vizitën e parë ju ka drejtu gruas dhe familjes time: “Ku i ke kalamajtë?” dhe gruaja i ka thanë: Ç’të duhen kalamajtë e mi? Ai edhe sjelljet tjera jo humane, jo me lujt rolin e përkthyesit po e ka lujt rolin e një polici sikur përpara që na kanë hy policët serb. Edhe aty nuk ka qenë vec Lulzim Basha po ka qenë edhe qika e Sali Berishës, Argita Berisha a qysh e ka emrin ajo vajza e tij. Edhe ajo ka qenë me maskë,”- rrëfehet Latif Gashi.
Pas akuzave dhe mohimeve publike që Basha u ka bërë akuzave, Partia Demokratike ka reaguar për herë të parë publikisht ditën e sotme, duke e cilësuar sulmin ndaj kryedemokratit si një maskaradë të orkestruar për të dëmtuar imazhin e tij para zgjedhjeve parlamentare të 25 prillit.
“Sa herë është para humbjes së zgjedhjeve, Edi Rama zbaton të njëjtin skenar shpifjesh kundër Lulzim Bashës. E bëri atë në 2005-ën, në 2011-ën dhe po riciklon sërish skenaret e denja për Sigurimin e Shtetit. Të tillë skenarë imagjinarë kundër Lulzim Bashës do të dëgjoni pa ndërprerje deri në 25 Prill!,”-shkruhet ndër të tjera në reagimin e PD-së.
DEKLARATË E PARTISË DEMOKRATIKE
Partia Demokratike përbuz me neveri maskaradën e orkestruar nga Edi Rama dhe Top Channel kundër kreut të opozitës Lulzim Basha. Deklaratat e fabrikuara janë në shërbim të pushtetit të Edi Ramës dhe të pasurimit të paligjshëm të mercenarëve të tij, të fshehur pas incineratorëve. Në asnjë ditë të punës së tij në UNMIK, Lulzim Basha nuk ka marrë pjesë në asnjë proces ndaj anëtarëve apo drejtuesve të UÇK-së. Ky është një fakt i konfirmuar edhe nga ish- Kryeprokurori i EULEX, Ëilliamson. Deklaratat e rreme të orkestruara nga Edi Rama nuk dëmtojnë aspak Lulzim Bashën. Ato shkojnë kundër interesit kombëtar, duke dëmtuar imazhin e Kosovës dhe Shqipërisë. Sa herë është para humbjes së zgjedhjeve, Edi Rama zbaton të njëjtin skenar shpifjesh kundër Lulzim Bashës. E bëri atë në 2005-ën, në 2011-ën dhe po riciklon sërish skenaret e denja për Sigurimin e Shtetit. Të tillë skenarë imagjinarë kundër Lulzim Bashës do të dëgjoni pa ndërprerje deri në 25 Prill! Rama nuk ka asnjë alternativë dhe nuk ka me çfarë ta mbulojë tjetër dështimin e 8 vitëve në pushtet. Përbuzeni Edi Ramën dhe mercenarët e tij!
Nuk ka vonuar shumë dhe menjëherë ka ardhur një përgjigje nga kreu i qeverisë, Edi Rama, i cili kërkon nga Basha dhe askush tjetër një përgjigje lidhur me akuzat e tij.
“Lulëzim e bërë atë parti si leckë për këpucët e tua! Dil fol vetë për akuzat që nuk t’i bëj unë, po dëshmitarë të masakrave e të betejave për liri në Kosovë, që as i njoh as i kam takuar kurrë! Sharjet e akuzat ndaj meje nuk janë as argumenta, as shpjegime, po thjesht bishtnime! Në këtë mes unë kam vetëm rolin që më takon: Të të kërkoj t’i sqarosh publikut kush je ti në këtë mes dhe pse të kërkojnë ty dëshmitarët e nuk kërkojnë fjala vjen Stamo Dumon? Dhe lëri dokrrat me konspiracione parazgjedhore, se një kundërshtar si ti është një lule që s’këputet!,”-shkruan Rama.
Ndërkohë kreu i PD-së, edhe pse më herët ai i ka mohuar të gjitha akuzat e ngritura ndaj tij, është përgjigjur sërish duke i cilësuar si sulme politike.
“Nëse Rama do kishte investuar kohën e tij sot, në shërbim të qytetarëve në vend që të cicëronte gënjeshtra kundër meje, mbase do të kishte arritur të shpëtonte disa nga 8 qytetarët që humbën jetën nga Covid-19 sot. Ndërsa vendi po thyen rekordet e infeksioneve, Rama merret vetëm me sulme politike dhe gënjeshtra. Bashkë do të sjellim shpresë të re për Shqipërine me një qeveri që do të punojë vetëm për njerëzit!,”-shkruan Basha.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Ish-kryeministri i Shqipërisë në periudhën e luftës së Kosovës, aktualisht ministër i Diasporës, Pandeli Majko së fundmi ka publikuar historinë e ...
TIRANË– Deputetja e Partisë Socialiste në Dibër, Reme Lala është infektuar nga pandemia e koronavirusit. Edhe pse ajo nuk e ka bërë publike infektimin e sa...
BULDUSHK- Lagja e re e Baldushkut është kantieri i radhës ku Bashkia e Tiranës ka nisur punën për rindërtimin pas tërmetit të 26 Nëntorit. Në këtë zonë, ndër më...
TIRANË– Kryeministri Edi Rama nuk e ka kursyer ironinë ndaj kundërshtarit të tij politik, Lulzim Basha. Rama ka ripostuar shënimin e Bashës në rrjetet e ti...
TIRANË– Kryedemokrati Lulzim Basha dhe kryeministri Edi Rama janë përfshirë në një tjetër debat virtual.Gjithçka nisi pas një postimi të bërë nga kr...
TIRANË– Policia e Shtetit ka ndëshkuar me gjobë 1710 qytetarë dhe 10 administratorë lokalesh që u konstatuan duke mos i respektuar masat për parandan...
TIRANË- Ish-deputeti i Partisë Socialiste, Dashamir Peza në një rrëfim ekskluziv me Drejtorin e Përgjithshëm të Informacionit dhe Programacionit në News24,...
TIRANË– Presidenti Ilir Meta i është kundërpërgjigjur kryeministrit Edi Rama, pas fjalës së tij në Kuvend, gjatë seancës së sotme plenare. Me anë të një sh...
