Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
SHKODËR- Endri Mustafa, personi që u gjet i vrarë mbrëmjen e djeshme në zonën e Livadheve në Shkodër është një emër i njohur për Policinë e Shtetit. Ai është dënuar më herët për plagosje që në moshën 20-vjeçare ndërsa më pas ka qenë i përfshirë në bandën e Fajdexhinjve dhe në vrasjen e vëllezërve Bilali në Shkodër.
Por cila është e shkuara e Endri Mustafës? Djali që e nisi “karrierën” e rrugës që në moshën 20-vjeçare
Në vitin 2009, Endri Mustafa, asokohe vetëm 20 vjeç ka plagosur me armë zjarri një moshatar dhe është larguar nga vendngjarja. Asokohe kanë qenë shokët e tij të cilët i kanë fshehur armën e tij të zjarrit nëpër male. Ngjarja e rëndë ka ndodhur më 18 dhjetor 2009. Ai u dënua për plagosjen e moshatarit të tij A.Muslia, të cilin e qëlloi me një plumb në zonën e kofshës.
Në 2014, Endri Mustafa plagos Ylli Lisajn
Muaji dhjetor është një muaj i keq për Endri Mustafajn, që ka plagosur me armë zjarri asokohe 31-vjeçarin Ylli Lisaj. Pas plagosjes, Endri Mustafa ia doli të largohej duke shpëtuar falë errësire dhe njohjes së zonës.
Plagosja e 2 të rinjve në Shkodër zbuloi arsenalin e armëve…dhe lidhjen e Mustafës me dy vëllezërit e vrarë Brahim dhe Astrit Bilali. Më konkretisht më 7 qershor, në Urgjencën e Spitalit Rajonal Shkodër kanë shkuar të dëmtuar 2 shtetas me iniciale:
-E.Gj, 27 vjeç, banues në Bërdicë, Shkodër
-G.M, 24 vjeç, banues në Shkodër.
Nga kjo ngjarje, policia asokohe zbuloi se 27-vjeçari i plagosur ishte vënë nën kërcënimin e disa personave të cilit i kishin marrë 1.5 milion lekë të vjetra dhe një iphone. Në këtë moment u arrestuan 4 persona, mes tyre Endri Mustafa. Por ku hyjnë këtu dy vëllezërit Bilali?
Një person u shpall në kërkim nga policia si pjesë e grupit që kishte kërcënuar E.Gj., dhe ai ishte djali i Astrit Bilalit, i vrarë në prill të 2019. Djali i Astrit Bilalit u shpall në kërkim ndërsa i ati bashkë me të vëllain, Brahim Bilali u arrestuan pasi në shtëpitë e tyre, policia gjeti një arsenal të vërtetë armësh… Por historia e Endri Mustafës nuk mbaroi këtu.
Njoftimi i policisë për arrestimin e 2017-ës:
Nga veprimet proceduriale rezultoi se shtetasit me iniciale E.GJ i kanë marrë nën kërcënimin e armës në lagjen Guerile, Shkodër (në një zonë të pabanuar) 150.000 lekë të reja dhe një telefon i-Phone disa persona të armatosur dhe të maskuar me tre automjete: BMË X5, Ford Focus ngjyrë të zezë dhe një autoveturë.
Policia e Shkodrës menjëherë sa ka marrë njoftim ka organizuar punën duke zhvilluar operacionin policor të koduar “Livadhet”, ku kanë marrë pjesë efektivët e Komisariat të Policisë Shkodër, specialistët e Sektorit për Hetimin e Krimeve të Rënda, nën drejtimin e Prokurorisë Shkodër ku si rezultat i operacionit u bë e mundur arrestimi në flagrancë i shtetasve:
– Ardit Torishta, 23 vjeç, banues në Shkodër.
– Bekim Torishta, 20 vjeç, banues në Shkodër.
– S.B, 16 vjeç, banues në Shkodër.
– Endri Mustafa, 27 vjeç, banues në Shkodër (i dënuar më parë për plagosje).
si dhe u bë shpallja në kërkim e shtesasit A.B, 27 vjeç, banues në Shkodër.
Këta persona në bashkëpunim me njëri-tjetrin dyshohen se janë autorë të veprave penale “Vjedhje me armë”, “Plagosje e lehtë me dashje”, “Prodhim dhe mbajtje pa leje të armëve e municioneve lufatrake” kryer në bashkëpunim, ndaj shtetasve me iniciale E.Gj dhe G.M.
Në cilësinë e provës materiale në vendin e ngjarjes janë sekuestruar 2 gëzhoja model 54 dhe 1 predhë.
Gjatë kontrollit të ushtruar në banesat e të dyshuarve janë sekuestruar në cilësinë e provës materiale:
– 6 automjete të ndryshme (në automjetin Ford Focus i përdorur nga autorët e dyshuar në ngjarjen e vjedhjes me armë u gjetën)
– 2 antiplumba
– 305 copë fishekë model 56
– 5 krehëra armë zjarri automatikë
– 2 krehëra pistoletë TT
– 5 skafandra motorri
– 4 maska dhe 4 (katër) kapuçë me ngjyrë të zezë
– 7 copë fishekë model 54
– 3 gëzhoja model 54
– rroba me mbetje si njolla gjaku,
– 8 telefona celularë të markave të ndryshme.
Në vazhdimësi të kryerjes së veprimeve proceduriale u bë arrestimi në flagrancë i shtetasit Astrit Bilali, 56 vjeç, banues në Shkodër, (babai i shtetasit të shpallur në kërkim), pasi gjatë kontrollit të ushtruar në banesën e tij u gjetën dhe u sekuestruan në cilesinë e provës materiale :
– 1 armë gjahu çifte
– 1 pistoletë me mulli pa numër
– 1 armë gjahu shotgan
– 1 thikë dhe 25 copë fishekë, të cilat i posedonte pa leje.
Gjithashtu në vazhdimësi të kryerjes së veprimeve proceduriale u bë arrestimi në flagrancë edhe i shtetasit Brahim Bilali, 58 vjeç, banues në Shkodër, pasi gjatë kontrollit të ushtruar në banesën e tij u gjetën dhe u sekuestruan në cilesinë e provës materiale:
– 3 arme zjarri kallashnikov,
– 1 silenciator me ngjyrë të zezë.
– 1 armë zjarri automatikë e shkurter, me krehër, me silenciator , pa numër
– 2 krehëra pistoletë TT dhe 3 krehëra me fishekë automatiku.
– 7 kallepë tritoli 200 gram
– 1 kuti me kallepë tritoli,
– 10 kapsolla detonatore elektrike me përcjellësa dhe 12 kapsolla detonatore pa përcjellësa ,
– 23 fishekë armë gjahu kalibri 12 mm ,
– 190 fishekë model 56 kalibri 7.62 mm . Materialet i kaluan Prokurorisë për veprime të mëtejshme.
Përfshirja në bandën e fajdexhinjve dhe miqësia e Endri Mustafës me djalin e ish-perfektit Paulin Radovani
Operacioni u zhvillua më 14 mars 2019, kur RENEA, FNSH dhe Shqiponja arrestuan 22 persona në akuzën e gjobëvënies, ndërsa në kërkim u shpall djali i Berhan Alijas, Jonuz Alija dhe viktima e sotme, Endri Mustafa. Ata jepnin para me fajde dhe në një nga përgjimet, djali i Alisë i thoshte personit që i kishte marrë 74 mijë euro “mos harro borxhin e babës”. Hetimi për bandën e fajdexhinjve u mbyll dhe përpara se të gjendej nga Policia, Endri Mustafa u gjet nga vrasësit e tij. I apasionuar pas hipizmit dhe lojërave me kuaj, ai sot është vrarë dhe ende nuk dihen shkaqet dhe autorët e vrasjes së tij.
(F.g./dosja.al)
Rama është propozuar për president nga disa deputetë socialiste, mendoni se:
SHKODËR– Personi i cili u gjeti i pajetë në Shkodër, Endri Mustafa ishte i zhdukur prej tre ditësh. Bëhet e ditur se familjët e tij kishin denoncuar zhdukj...
SHKODER- Endri Mustafa, 32 vjeç është viktima e gjetur në zonën e Livadheve në Shkodër.Mustafa është një person me precedent të mëparshëm penalë dhe i sk...
KORÇË– Ditën e sotme dhjetra shoferë të autobusëve, po zhvillojnë protestë pranë terminalit të autobusëve në Korçë për çmimet e ...
SHKODËR– Një bllok betoni është shkëputur nga një ndërtesë e vjetër në rrugë , ku si pasojë ka mbetur i lënduar aktori Nikolin Ferketa. Mësohet se ngjarja ...
MAT– Një 85-vjeçar është vetëplagosur mbrëmjen e djeshme. Ngjarja ka ndodhur në Mat, aty ku i moshuari me inicialet D.H po pastronte armën e tij. A...
TIRANË– Një aksident i rëndë ka ndodhur në rrugën Gjiri i Lalzit-Maminas, aty ku një makinë ka përplasur një motorr. Mjeti tip BMË i cili drejto...
DURRËS– 4 klandestinë janë arrestuar në portin e Durrësit pasi tentuan që të kalonin ilegalisht kufirin. Të gjithë ishin me origjinë afrikano-veriore dhe p...
TIRANË– Një aksident me pasojë humbjen e jetës ka ndodhur mbrëmjen e djeshme në kryeqytet. Policia njofton se në orën 01:30, në rrugën ‘Sulejma...
TIRANË– Dosja.al ju sjell titujt kryesorë të portaleve për ditën e sotme. Dosja.al ka në faqe të parë zhvillimet që po ndodhin në Lindjen e Mesme, për shka...
Kthimi i Shqipërisë në një destinacion të preferuar turistik ka ndikuar dhe tregun e pasurive të paluajtshme në bregdet. Këtë vit, pas një stepjeje të përkohshm...
