5 Korrik 2022, 15:52
Nga e.k
Erion Veliaj dhe Monika Kryemadhi
TIRANË- Kryebashkiaku i Tiranës Erion Veliaj dhe kryetarja e LSI-së Monika Kryemadhi janë përpasur me njëri-tjetrin gjatë ditës së sotme ku kanë hedhur akuza dhe kundërakuza në lidhje me aferën e inceneratorëve. Ka qenë Monika Kryemadhi ajo që me anë të një konference për shtyp denoncoi dhe njëherë sot aferën e inceneratorëve teksa i kërkoi dhe SPAK që të kthejë nga Holanda kryeministrin Edi Rama dhe ta marrë në pyetje. Gjithashtu, Kryemadhi hodhi akuza të forta edhe ndaj kryebashkiakut Veliaj i cili sipas saj, ka firmosur një kontratë që bashkia të paguajë për një incenerator që është jashtë funksionit. Akuzeve të Kryemadhit iu përgjigj vetë kryebashkiaku Veliaj. Në një intervistë për Neës 24, Veliaj u shpreh se janë ministrat e LSI-së të vendosur nga burri i saj ata që janë akuzuar dhe sot janë pas hekurave.
I menjëhershëm ka qenë reagimi nga ana e Kryemadhit e cila doli sërish në konferencë teksa ripërsëriti dhe njëherë akuzat ndaj Veliajt të cilin e akuzoi se paratë e buxhetit i kanë kaluar kompanisë offshore dhe këtë duhet ta zbardhë SPAK-u. Ajo u shpreh se sot Veliaj foli me urdhër nga Holanda ndërkohë që i duhet të përgjigjet për firmën e tij që ka ndryshuar fatin e një koncesioni të paligjshëm dhe ka ngarkuar me një barrë 30-vjeçare jo vetëm qytetarët e Tiranës, por të gjithë Shqipërisë.
REPLIKAT MES TYRE:
Monika Kryemadhi: Në pamjë të parë nuk asgjë të keqe një kompani private e cila investon 128 milionë euro për inceneratorin e Tiranës dhe Bashkia e Tiranës i blen shërbimin. Sot e kësaj dite pas kaq vitesh qeveria shqiptare në bashkëpunim me Drejtorinë e Koncesioneve në Ministrinë e Financave mbikqyr të gjithë mbështetjen buxhetore që i jepet inceneratorit të Tiranës nga buxheti i shtetit dhe po kështu nga Bashkia e Tiranës. Në fakt po të hyjmë në gjithë këtë investigim që kemi bërë përveç dhënies së koncesionit në mënyrë të paligjshme nga Erion Veliaj për një angazhim 30 vjeçar. Ne na ka rezultuar se investimi prej 128 milionë eurosh nuk ekziston. Kjo do të thotë që kryeministri ka gënjyer në komisionin hetimor e para, e dyta ka gënjyer me dokumenta ka gënjyer me të gjithë angazhimin me të gjithë fushatën publicitare për opinionin publik.
Erion Veliaj: Ka kohë që nuk e dëgjoj Kryemadhin, që kur e çoi shkollën “Sami Frashëri” në Paskuqan. Sa herë vajton raste të tilla, më ngjan si njeriu që vajton, që nuk ishte pjesë e plaçkës. Ajo duhet ta dijë më mirë. Kanë qenë ministra të LSI-së, I ka caktuar ajo zonjë me burrin e vet. Kështu që për sa kohë janë muhabete të brenda familjes së tyre, për mënyrën si kanë konceptuar plackën dhe nuk kanë mbajtur hesapet me njeri tjetrin për mua përbën zero interes publik”, tha Veliaj.
Monika Kryemadhi: Mjaftisti Veliaj kishte problem shumë të madh ndërtimin e gratacelave, kishte problem ndërtimin e shkollave ai që ndërton dhe rindërton rrugët e tiranës me qëlllim për të vjedhur. Veliaj të shpjegojë 128 milion euro investim që nuk duket gjëkundi në inceneratorin e Tiranës. Paratë e buxhetit i kanë kaluar kopmpanisë ofshore dhe këtë duhet ta zbardhë SPAK-u. Po i them të sqarojë firmën e tij këtu, me firmë dhe vulë në emër të këshillit bashkiak të Tiranës që ka marrë një angazhim 30-vjeçar. Ky orator i madh i cili me urdhër nga Holanda doli sot për të folur angazhimi 30-vjeçar i bashkisë së Tiranës. Të përgjigjet për firmën e tij që ka ndryshuar fatin e një koncesioni të paligjshëm dhe ka ngarkuar me një barrë 30-vjeçare jo vetëm qytetarët e Tiranës, por të gjithë Shqipërisë. Ku janë 128 mln euro të investimit të kompanive të inceneratorit të Tiranës, për të cilën dhe ata i kërkuan Erion Veliaj të dalë të shpjegojë. A janë këtu 128 mln euro investim. SPAK është në provë për të verifikuar a janë aty 128 mln euro investim të kompanisë of-shore në Holandë.
AKUZAT PËR INCENERATORËT:
Kryemadhi tha një ditë më parë se janë disa kompani, që së bashku, kanë kryer evazion fiskal në vlera të mëdha parash. Monika Kryemadhi denoncoi 24 kompani të cilat në funksion të kompanisë së inceneratorit të Tiranës bëjnë evazion fiskal miliona euro përmes faturave fiktive. Kryemadhi tha se një prej kompanive që në librat e blerjes shihej se furnizohej me fruta, në librin e shitjes faturonte hekur e beton. Për të humbur gjurmët sipas kryemadhit këto kompani shiteshin tek persona që s’kishin lidhje me to. Një prej tyre ishte edhe rasti i dy të moshuarve Thanas Çani dhe Haxhire Gurakuqi. Ky denoncim ka sjellë edhe reagime nga Partia Demokratike me në krye Sali Berishën, që kërkuan dorëheqjen e kryeministrit Edi Rama. Vetë Shoqëria Koncensionare Integrated Energy (IEBV) ka përgënjeshtruar deklaratat e Kryemadhit duke deklaruar se kompania nuk ka asnjë furnitor nga subjektet që u përmendën nga Kryemadhi si dhe nuk ekziston asnjë shkëmbim tregtar.
afera e inceneratoreve monika kryemadhi erion veliaj
Politike
5 Korrik 2022, 15:21
e.k
Monika Kryemadhi
Mjaftisti Veliaj kishte problem shumë të madh ndërtimin e gratacelave, kishte problem ndërtimin e shkollave ai që...
Politike
5 Korrik 2022, 14:54
F.M
Spartak Braho
TIRANË- Ish-deputeti i Partisë Socialiste Spartak Braho ka deklaruar se harta e re gjyqësore është një skandal...
Politike
5 Korrik 2022, 14:39
F.M
Spartak Braho
TIRANË- Ish-deputeti Spartak Braho ka qenë i ftuar sot në rubrikën “Opinion” në New24 për të ...
Politike
5 Korrik 2022, 14:34
F.M
Spartak Braho
TIRANË- Ish-deputeti i Partisë Socialiste Spartak Braho është shprehur se Pallati i Brigadave do të mund të kt...
Politike
5 Korrik 2022, 14:29
F.M
Spartak Braho
TIRANË- Amnistia fiskale sipas ish-deputetit të Partisë Socialiste Spartak Braho do të bëjë të mundur fut...
Politike
5 Korrik 2022, 14:28
e.k
Monika Kryemadhi
TIRANË- Kryetarja e LSI-së Monika Kryemadhi ka shfrytëzuar takimin me kryetarët e degëve të partisë p&e...
Politike
5 Korrik 2022, 14:25
F.M
Spartak Braho
TIRANË- Ish-deputeti i Partisë Socialiste Spartak Braho ka kërkuar që qeveria të publikojë listën e invest...
Politike
5 Korrik 2022, 14:21
F.M
Spartak Braho
TIRANË- Ish-deputeti i Partisë Socialiste, Spartak Braho nuk i kurseu deklaratat e forta kundrejt kryeministrit Edi Rama. Gjatë...
Politike
5 Korrik 2022, 14:19
F.M
Spartak Braho
TIRANË- Ish-deputeti i Partisë Socialiste Spartak Braho ka deklaruar se aksi Kardhi-Delvinë është një skandal d...
Politike
5 Korrik 2022, 14:12
F.M
Spartak Braho
TIRANË- Ish-deputeti i Partisë Socialisre Spartak Braho ka bërë deklarata të forta në lidhje me kryeministrin ...