Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Sipas tij turizmi elitar nënkupton një kompleks kushtesh bazë, të cilat Shqipëria nuk i ofron asnjë.
TIRANË- Kreu i Partisë Demokratike, Sali Berisha, duke folur në konferencë për shtyp theksoi se turizmi është kthyer në mallkim të madh për shqiptarët. Sipas tij turizmi elitar nënkupton një kompleks kushtesh bazë, të cilat Shqipëria nuk i ofron asnjë. berisha u shpre se dënon me forcën më të madhe këtë situatë dramatike dhe që ka si zgjidhje të vetme shpëtimin e Shqipërisë nga narkoshteti i Ramaduros, zgjedhjet e lira dhe të ndershme.
"Për të mbuluar këtë spekulim të pashembullt, të tmerrshëm, që nuk ekziston askund në botë, që e bëri Shqipërinë famëzezë në të gjithë universin turistik të planetit, kanë dalë dhe promovojnë me propagandën dhe mediat e tyre se jemi për turizëm elitar. Në një kohë kur kjo është një piramidë e madhe mashtrimi sepse Shqipëria nga Vermoshi në Konispol, nga derdhja e Bunës te Kepi i Stillës, nuk ofron absolutisht kushtet më minimale të turizmit elitar. Këta narkos, thashë dhe njëherë, që shesin pjatën e peshkut 200 euro, shezlongun 100 deri në 500 euro, kabanën 2 mijë deri në 4 mijë euro, këta kanë vetëm interesat e tyre sepse kushtet për turizmin elitar nuk ekzistojnë në asnjë territor të Shqipërisë.
Sepse turizmi elitar nuk nënkupton vetëm një suitë hoteliere. Turizmi elitar nuk nënkupton vetëm brigje dhe ujëra të mrekullueshëm. Turizmi elitar nënkupton një kompleks kushtesh bazë, të cilat Shqipëria nuk i ofron asnjë. Nga derdhja e Bunës tek Kepi i Stillës janë të ndërtuara 11 impiante të ujërave të zeza. Asnjë prej tyre nuk funksionon. Të cilat ujërat e zeza derdhen në det pa asnjë përpunim. Dhe narkoqeveria kërkon të servirë turizëm elitar me turizmin e gjirizeve dhe ujërave të zeza. Në të gjitha zonat turistike ka mungesa të vazhdueshme të ujit të pijshëm.
Në të gjitha zonat ka probleme me furnizimin e energjisë. Imagjinoni ju se çfarë hipokrizie e madhe është gjetja e turizmit elitar dhe e paraqesin në mediat e tyre kaltërsitë e Jonit apo Adriatikut, sikur turistët elitarë jetojnë me kaltërsi në një vend që nuk ka një fushë të vetme golfi, në një vend ku gjahu është i ndaluar, në një vend ku operatorët turistikë nuk ofrojnë dot asnjë lloj programi të vërtetë kulturor, turistik apo vizita në zonat e trashëgimisë kulturore botërore.
Pra, ata të cilët flasin për turizëm elitar, ata kërkojnë që me një piramidë mashtrimi të mbulojnë dështimin e madh të turizmit për shkak të narkoeuros si toksinë e tij. Shtoj këtu se turizmi, ky potencial përrallore ekonomik i shqiptarëve, është shndërruar në një ndëshkim të vërtetë për ta. Vetë librat e narkoshtetit, e narkodoganave dhe narkothesarit, faktojnë se nga shitjet e përgjithshme në vit, ku pretendohet se janë 10 milionë turistë, çdo shqiptar nga këto shitje përfiton 5-6 dollarë për frymë. Kaq janë të ardhurat në tatime që vijnë nga 10 milionë turistë në Shqipëri. Janë gjithsej 8-10 milionë euro TVSH.
Por çdo qytetar shqiptar paguan nga taksat e tij, Thesari i Narkoshtetit paguan nga taksat e qytetarëve 430 deri në 450 milionë euro për infrastrukturën e resorteve turistike. Në qoftë se ju merrni vetëm shpenzimet e bëra për qëllimet turistike në Vlorë dhe në aeroportin e Vlorës dhe tunelin e Llogarasë, ju do gjeni se shpenzimet për shtrat turistik shkojnë 60 deri në 80 mijë euro. Në një kohë kur nga derdhja e Semanit dhe Vjosës gjer në Kepin e Stillës, të gjitha gjirizet derdhen në det. Vlora është pa ujë, digjen dhe e helmojnë atë çdo dy javë.
Dhe kreu i organizatës kriminale Edi Rama me mediat e tij, çirret dhe bërtet për turizëm elitar. Pra, turizmi për shqiptarët është shndërruar në një ndëshkim të madh, njëlloj siç shndërroheshin në ish-kolonitë pasuritë kombëtare të vendeve të kolonizuara për banorët e tyre. E dënoj me forcën më të madhe këtë situatë dramatike dhe që ka si zgjidhje të vetme shpëtimin e Shqipërisë nga narkoshteti i Ramaduros, zgjedhjet e lira dhe të ndershme," tha Berisha.
Sali Berisha TIRANA- Kreu i Partisë Demokratike Sali Berisha tha sot gjatë një konference për shtyp se efekti i ndryshimit të...
Sali Berisha TIRANË- Kreu i Partisë Demokratike, Sali Berisha, gjatë konferencës për shtyp foli edhe për rënien e turizm...
Igor Popoviç. KOSOVË- Prokuroria Speciale e Kosovës njoftoi se ka dorëzuar në Gjykatën Themelore në Prishtinë ak...
Ilir Meta TIRANA- Presidenti i Partisë së Lirisë Ilir Meta thotë se hetimet e kryera ndaj tij, në dy muaj s&rsqu...
Sali Berisha TIRANË- Kreu i Partisë Demokratike, Sali Berisha, duke folur në një konferencë për mediat tha se reagimi i Mini...
pamje nga vendngjarja TIRANË- Kryeministri Edi Rama ka ndarë sërish pamje nga aksioni për lirimin e hapësirave publike në kr...
Gordana Siljanovska Davkova MAQEDONIA E VERIUT- Presidentja e Maqedonisë së Veriut, Gordana Siljanovska Davkova, ka reaguar lidhur me thirr...
arben rakipi, ulsi manja, TIRANË- Arben Ahmetaj, ish-zëvendëskryeministri në arrati nga drejtësia, përballet në n...
shaip kamberi SERBI- Shaip Kamberi, i vetmi përfaqësues i shqiptarëve në Kuvendin e Serbisë, njoftoi të hënën se ai...
foto ilustruese TIRANË- Më 23 korrik, rrjetet sociale të qeverisë shqiptare u përmbytën nga një valë entuziazmi zyr...
