Aktualitet

Policia në këmbë! Kruja, Tirana, Elbasani, Korça e Berati nën sundimin e shtetit, atentati dhe vrasjet mbushin rrugët me efektivë, kontrolle dhe në banesa

  • E RËNDË NË HERR të Krujës, shkëmbim zjarri mes Anti-drogës dhe kultivuesve të kanabisit
  • Efektivët rrethojnë Korçën, kontrolle të imtësishme në qytet
  • Policia e Beratit në këmbë! Aksion ‘blic’ dhe post-blloqe në qytet
  • RENEA ‘blindon’ Elbasanin, shoqërohen gjashtë anëtarë të dy familjeve
  • Ardi Veliu ‘kërcënon’ vartësit në Tiranë dhe Elbasan, jep PARALAJMËRIMIN e fundit
  • Gjithçka nisi në drekë, në Krujë, e cila u blindua nga forca të shumta policie. Kontrollet vijojnë ende në këtë zonë edhe pse nuk është bërë me dije të ketë pasur të shoqëruar. Aty ndodhi edhe një shkëmbim me armë zjarri në zonën e Herrit në Malësinë e Krujës. Shkëmbimi ka ndodhur mes efektivëve të Anti-drogës dhe kultivuesve të kanabisit në këtë zonë. Ngjarja ka ndodhur teksa efektivët ishin në terren duke kontrolluar për drogë në kufirin ndarës Krujë-Tiranë.
    Featured image of article: Policia në këmbë! Kruja, Tirana, Elbasani, Korça e Berati nën sundimin e shtetit, atentati dhe vrasjet mbushin rrugët me efektivë, kontrolle dhe në banesa Eldi Dizdari, Preng Gjini, Klevis Kapllani dhe Bujar Çela
    Përditësuar:

    SHQIPËRI– Kruja, Tirana, Elbasani, Korça dhe Berati janë pesë qytetet që janë blinduar nga efektivë të forcave Shqiponja, RENEA dhe të Policisë Kriminale, kanë shtrirë tentakulat duke pasur një fokus të qartë: arrestimin e të rrezikshmëve, të të shumëkërkuarve, pikasjen e të armatosurve dhe të atyre që lëvizin duke shpërndarë lëndë narkotike.

    Gjithçka nisi në drekë, në Krujë, e cila u blindua nga forca të shumta policie. Kontrollet vijojnë ende në këtë zonë edhe pse nuk është bërë me dije të ketë pasur të shoqëruar. Aty ndodhi edhe një shkëmbim me armë zjarri në zonën e Herrit në Malësinë e Krujës. Shkëmbimi ka ndodhur mes efektivëve të Anti-drogës dhe kultivuesve të kanabisit në këtë zonë. Ngjarja ka ndodhur teksa efektivët ishin në terren duke kontrolluar për drogë në kufirin ndarës Krujë-Tiranë.

    Pasditen e sotme RENEA zbarkoi në Elbasan, ku gjashtë persona nga dy familje, banues në qytetin e Elbasanit janë shoqëruar për në komisariatin e qytetit, disa orë pas vrasjes së vëllait të Talo Çelës, Bujari. Konkretisht, efektivët kanë kryer kontrolle dhe kanë bastisur disa shtëpi, në fshatin Broshkë, Përparim dhe Mëngël. Identetet e të shoqëruarve nuk bëhen me dije, por dyshohet se ata kanë lidhje apo dijeni për ekzekutimin dhe autorët e vrasjes së Çelës.

    Gjithashtu pika kontrolli janë ngritur edhe në hyrje e dalje të qytetit ku mjete të shumta po i nënshtrohen kontrollit të efektivëve. Për momentin RENEA është vënë në ndjekje të një mjeti që nuk i është bindur urdhërit të ndalimit nga policia.

    Forcat të shumta policie kanë mbërritur edhe në qytetin juglindor të Shqipërisë, në Korçë. Mësohet se uniformat blu kanë ngritur pika kontrolli në disa akse rrugore në Korçë dhe kanë vijuar me kontrollet në shumë banesa. Në fokus të këtij operacioni janë gjetja e personave të shpallur në kërkim, asgjësimi i armëve pa leje dhe asgjësimi i lëndëve narkotike.

    Nisur nga ngjarjet e fundit të kronikës së zezë, vrasjes së Bujar Celës, vëllait të të shumëkërkuarit, Talo Çela; atentati ndaj Preng Gjinit dhe vrasja e Klevis Kapllanit në Rrogozhinë, ky shtetrrethim mund të sjellë arrestime. Provat e mbledhura në vendet e ngjarjes nga grupet hetimore, mund t’i kenë orientuar efektivët drejt Korçës, por nuk ka ende të dhëna.

    Për më shumë bëhu pjesë e grupit më viral në Facebook, Dosja.al

    Edhe policia e Beratit ka nisur mbrëmjen e sotme një aksion “blic” duke blinduar të gjitha rrugët e qytetit, ndërkohë që janë ngritur postblloqet edhe në katër bashkitë e qarkut. Tek të gjitha mjetet e ndaluara, janë kryer kontrolle të imtësishme për drogë e armë, ndërkohë që me detaje janë inspektuar edhe identitetet e të ndaluarve.  Kontrolleve nuk u ka shpëtuar as Tirana. Në akse kryesore si Zogu i Zi, Bulavardi i Ri dhe Rruga e Burgut janë pikasur patrulal të shumta policie.

    Këto kontrolle vijnë pikërisht pas disa ditëve të mbingarkuara nga kronika e zezë. Sot u shkatërrua karteli i parë shqiptar i drogës që vuri në pranga Eldi Dizdarin e njohur ndryshe si Denis Matoshi, i cili ishte arratisur në Dubai.

    Mëngjesin e sotëm ndodhi dhe një vrasje. Bujar Çela u ekzekutua para një lokali tek rrethrrotullimi i Bradasheshit.  3 autorët të veshur si policë vranë me armë zjarri 50-vjeçarin dhe pas krimit të rëndë ata dogjën mjetin që përdorën gjatë atentatit. Viktima ishte vëllai i Talo Çelës, të shumëkërkuarit për grabitjen e Rinasit dhe vrasjen e dy vëllezërve Haxhia në Durrës.

    Para dy ditësh ndodhi dhe një atentat në Tiranë. Preng Gjini mbeti i plagosur rëndë pasi iu vendos tritol në Tiranë. Kjo ngjarje dyshohet të ketë fillesën tek hakmarrja dhe zinxhiri i vrasjeve në Mirditë që kanë nisur në vitin 2016 mes dy fiseve Gjini-Reçi.

    Pak ditë më parë u vra edhe Klevis Kapllani në Rrogozhinë. I riu me një background të erret në të shkuarën u vra 100 metra larg banesës së tij. raportimet paraprake kanë bërë me dije se viktima ishte përfshirë në vrasje dhe ngjarje kriminale të ndodhura në Peqin dhe Elbasan. Ai rezultoi edhe miku i Nuredin Dumanit.

    (f.m/dosja.al)

    Shto Koment