Sulmoi me sende të forta efektivin e policisë në Shkodër, identifikohet autori (EMRI)
25 Mars, 17:45
Godit...
Aktualitet
OFL rikthehet në Durrës dhe Elbasan, në ‘lupë’ vëllai i presidentit të KF Elbasanit dhe durrsaku me 10 emra dhe 1 mln
25 Shkurt 2020, 12:25Nga DOSJA
TIRANË- Operacioni Forca e Ligjit, i ka dërguar formularin e deklarimit të burimit të pasurisë dy të dënuarve për trafik droge. Fatjon Laze në Elbasan dhe Kreshnik Budlla në Durrës, sipas OFL kanë për detyrë të sqarojnë burimin e pasurisë. Laze, është vëllai i Arben Lazes, dhe të dy janë arrestuar disa vite më parë për trafik droge. Emri i Arben Lazes u përfol edhe disa javë më parë, kur u sekuestrua droga në Brazil me logon e Kf Elbasani, klubi i të cilit është pronar. Ndërsa, Kreshnik Budlla, u arrestua në Spanjë më 12 maj 2019, së bashku me vëllanë e tij dhe një tjetër anëtar të fisit. Budlla, ka përdorur sipas medieve spanjolle 10 emra. Ai u prangos në një hotel në Madrid pas disa muajsh hetime dhe ndjekje. Farruku akuzohet në Spanjë dhe Itali për trafik kokaine dhe vjedhje të disa banesave, ndërsa është hetuar edhe për një vrasje. Në momentin që i janë afruar agjentët ai është përpjekur që të shmanget duke u prezantuar me një tjetër emër, por tentativa ka dështuar. Po sipas medieve ai akuzohet se drejtonte një organizatë kriminale ku në përbërje të saj ishin edhe shqiptarë të tjerë ndërsa vidhnin banesa dhe trafikonin kokainë. Ai u hetua edhe për një vrasje në Spanjë. Në vitin 2012, Gjykata e Durrësit vendosi sekuestro preventive për pasuri të cilat arrijnë shifrën totale rreth 1 milion euro në pronësi të Kreshnik Bodlla (Farruku). Sipas Prokurorisë këto pasuri dyshohej se ishin krijuar nga aktivitetet e paligjshme të tij dhe përdoreshin nga dy familjarët e tij, Reshit Farruku (babai) dhe Roland Farruku (vëllai të cilit iu bë një atentat në 2014 në Manëz), banues në Shijak të Durrësit. Nga hetimet rezultoi se Reshit dhe Roland Farruku kishin blerë një pronë me vlerë 920.000 euro në zonën e Gjirit të Lalzit, si edhe kishin një llogari bankare në shumën 6.271.000 lekë që u sekuestruan.
NJOFTIMI PLOTE I OFL:
OFL, 25 shkurt Vijon Operacioni Forca e Ligjit, në bashkëpunim me strukturat vendore të Policisë, në zbatim të detyrave të përcaktuara në Aktin Normativ të datës 31 janar 2020, për dërgimin e kërkesave për vetëdeklarim të pasurisë, personave që janë subjekt i këtij ligji. Në këtë kuadër, OFL u ka dërguar kërkesat për vetëdeklarim të pasurisë, shtetasve:
– K. B., banues në Durrës, i dënuar në Spanjë për trafikim të lëndëve narkotike.
– F. L., banues në Elbasan, i dënuar për trafikim të lëndëve narkotike.
Brenda 48 orësh, këta individë, si subjekt i Ligjit Special, duhet t’u përgjigjen me shkrim të gjitha pyetjeve të OFL-së.
Më pas, përgjigjet e marra do t’i dërgohen SPAK-ut, për veprime të mëtejshme. Me qëllim evidentimin dhe dërgimin në SPAK, të të gjithë personave që janë subjekt i Ligjit Special, OFL është në veprim të pandërprerë dhe në kryerje të veprimeve komplekse. Për të gjitha nismat procedurale dhe operacionet ekzekutive që do të kryejë, OFL do të informojë publikun në vijimësi.
Që prej 3 shkurtit, OFL ka nisur goditjen dhe sekuestrimin e pasurive të emrave të njohur të botës së krimit. OFL ka dërguar tashmë formularin tek Suel Cela dhe Plarent Dervishaj, Dash Gjoka, Emiljano Hysenaj, Lulzim Berisha, Edlir Hysenaj, Altin Hajri, Ardian Capja, grupi i Dukagjinit, Saimir Taullau, Ben Qimja, Durim Bami, Landi Muharremi, Bardhok Pllanaj, Alberto Lamaj, Dritan Dajtit, Xhevdet Troplinit,Emiljano Shullazit, Gjergj Cukalit, Orges Jahelezi dhe Pajtim Serjanit, Gazmend Mahmutajt, Edison Çobos,Ervis Martinajt, Arben dhe Valentino Kaçorrit, Altin Lamajt dhe Eduard Dushkut.
(F.g/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Drejtori i Përgjithshëm i Policisë së Shtetit, Ardi Veliu ka firmosur një sërë lëvizjesh në Policinë e Shtetit. Dosja.al ka mësuar se në Elbasan ës...
ITALI– Dita e sotme në Itali sa i përket gjendjes së Koronvirusit mesa duket ka qenë e qetë sepse nuk ka pasur asnjë viktimë, por numri i të prekurve është rrit...
DURRËS- Punonjësit e një kompanie private në qytetin e Durrësit, kanë më shumë se tri ditë që kërkojnë të marrin pagat pranë filialit të Intesa San Paolo. ...
TIRANË- Prokuroria ka kërkuar masën e sigurisë “arrest në burg” për të arrestuarit që akuzohen se shkaktuan dhunë dhe thyen stolat në ndeshjen Tirana-Kukës...
TIRANË– Alarmi i koronavirusit ka shtuar dukshëm përdorimin e maskave në Tiranë, ndonëse ky artikull ka një mungesë të theksuar në farmaci. Megjithatë edhe...
ITALI– Sekuestrohen në portin e Ankonas një sasi prej 25 ton mbetje aparaturash elektrike dhe elektronike, ndërkohë që 4 persona janë prangosur. Mediat italiane...
ITALI– Ish-kryeministri italian Matteo Renzi ka folur sëfundmi për gjendjen në të cilën ndodhet Italia që prej të shtunës që lamë pas ku humbën jetën 2 persona ...
Ballsh-Grevistët e Ballshit edhe sot janë shfaqur të vendosur për kërkesat e tyre, pasi nuk pranojnë as marrjen e një page, por duan minimalisht që kompania t’u...
TIRANË– Operacioni “Forca e Ligjit këtë javë do të shtrihet në qytetin e Vlorës, ku pritet që formulari i vetë-deklarimit të burimit të pasurisë do të shko...