“4 milionë eurot e dhëna për koncertin e Kanye West ishin investim për Shqipërinë” Rama: Po dëgjojmë shqetësimet e protestuesve paqësorë

Edi Rama

TIRANA- Kryeministri Edi Rama foli edhe për protestat masive që kanë përfshirë vendin prej 43 ditësh, përmes së cilave është kërkuar dorëheqja e tij nga qeveria. Përmes një postimi në rrjetin social Facebook, Rama shprehet se e ka bërë dallimin mes protestuesve paqësore dhe atyre që ai i quan “korba dhe sorra”.

Ai shton se nuk mund t’i paragjykoj njerëzit që duan shtet më të drejtë dhe qytetarë që dolën të protestojnë paqësisht, sepse duan një mjedis më të mbrojtur. Në lidhje me këtë ai tha se është mbledhur një grup i cili po mban çdo shënim të problematikave të tyre.

“Angazhohen tufa sorrash dhe laraskash se po më akuzojnë mua se po sulmoj popullin që paska dalë në shesh, se po shaj rininë që qenka zgjuar e me radhë. Absolutisht, jo. Unë e kam bërë dallimin e ditës së flamingos me natën e korbit dhe sorrës. Nuk kam paragjykuar ata qytetarë që dolën të protestojnë paqësisht, se duan një mjedis më të mbrojtur. Nuk mund t’i paragjykoj njerëzit që duan shtet më të drejtë në tërësinë e vet. Shoqëria kërkon gjithmonë e më shumë. Po dëgjojmë me shumë vëmendje, një grup i mbledhur enkas po mban çdo shënim. Hap pas hapi, do t’i komunikojmë me njerëz të zakonshëm e të ndershëm të këtij vendi”, theksoi ai./Dosja.al

Edi Rama

TIRANA- Kryeministri Edi Rama deklaroi se 4 milionë eurot e dhënë nga qeveria për të mbështetur koncertin e këngëtarit me famë botërore Kanye West në Tiranë, ishin investim për Shqipërinë. Përmes një video të postuar në rrjetin social Facebook, Rama u shpreh se varfëria nuk luftohet duke mos bërë koncerte, por duke i bërë ato.

Më tej ai shton se nuk ka varfëri shumë më të madhe, sesa mungesa e të ardhurave të mjaftueshme dhe varfëria e asipratave. Sipas tij, 4 milionë eurot ishin investim për të mos hapur një plagë mosbesimi ndaj një Shqipërie, ku i kanë sytë të gjithë.

Rama thekson se 4 milionë euro nuk do kishin dalë, por të mos ishin bërë kërcënime, ku një pakicë njerëzish mendon se e mund të imponojë qeverinë e sipërmarrjet, që nuk mendojnë si ata.

“Shqipëria e sotme, duhet të pyesë, sa vlerë krijohet nga ky investim. Mos harroni, ka një varfëri shumë më të madhe, sesa mungesa e të ardhurave të mjaftueshme, varfëria e asipratave. Varfëria nun luftohet duke mos bërë koncerte, por edhe duke bërë koncerte. Mirëqënia rritet duke krijuar vlerë, duke tërhequr kapital, ide, njerëz. Pensionet nuk paguhen nga epsimizmi, spitalet nuk ndërtohen nga refuzimi i çdo nismë të madhe. Mirëqënia lind nga guximi për të parë më larg, për të synuar më lart, duke krijuar më shumë vlerë.

Edhe dy fjalë për 4 milionë eurot. Hedhin papushim helm, nga pensionistët deri tek më të rinjtë, duhet të ekspozohen se ato 4 milionë euro ishin investim në minutën e fundit, për të shpëtuar investimin për Shqipërinë. Investim për të mos hapur një plagë mosbesimi ndaj një Shqipërie, ku i kanë sytë të gjithë. Ato 4 milionë euro nuk do kishin dalë, por të mos ishin bërë kërcënime, shantazhe, histeria e dhunshme e rrjeteve sociale, ku një pakicë njerëzish mendon se e mund të imponojë qeverinë, sipërmarrjeve, që nuk mendojnë si ata. Populli flet me votë. Janë aventurierë të kapur”, theksoi ai./Dosja.al

Edi Rama

TIRANA- Kryeministri i vendit, Edi Rama duke folur për koncertin e Kanye West i cili u zhvillua në Tiranë ditën e djeshme, tha se një investim vazhdon të prodhojë vlerë edhe pasi është bërë. Përmes një video të postuar në rrejetin social Facebook, Rama u shpreh se eventi krijon fitime për biznesin, duke mbledhur edhe të ardhura për shtetin përmes taksave.

Sipas tij, një koncert nuk lë pas vetëm një kujtesë të bukur, por lë  para në arkat e hoteleve, restoranteve, kafeneve dhe sipërmarrjeve të trasporti. Rama theksoi se ky koncert i tregon botës se ky vend edhe kur ka protesta, ka mikpritje dhe ka siguri.

“Pyetja më e rëndësishme, nuk është thjesht sa kushton, por edhe sa vlerë krijon. Një shpenzim mbaron në çastin që bëhet, një investim vazhdon të prodhojë vlerë edhe pasi është bërë. Një koncert madhështor nuk lë pas vetëm një kujtesë të bukur lë para në arkat e hoteleve, restoranteve, kafeneve, sipërmarrjeve të trasportit, sigurisë dhe patjetër të atyre që bëhen pjesë. Krijon fitime për biznesin, duke mbledhur edhe të ardhura për shtetin përmes taksave, dhe miliona sy të drejtuara nga Shqipëria. I tregon botës se ky vend, edhe kur ka protesta, ka mikpritje, ka siguri. Një vend i lirë, demokratik, ku nuk ke asnjë ndrojë të vish, të pushosh, edhe të investosh”, theksoi ai./Dosja.al

Edi Rama

TIRANA- Kryeministri i vendit, Edi Rama ka reaguar sërish lidhur me koncertin e këngëtarit me famë botërore Kanye West i cili u zhvillua në Tiranë. Përmes një video të postuar në rrjetin social Facebook, ai shprehet se ngjarja u bë një motiv ndasie shumë i egër, ku një grup njerëzish u lëshua kundër tij. 

Kryeministri theksoi se ka dëgjuar refrene si “populli s’ka bukë” dhe “varfëria është në kulm”. Në lidhje me këtë, ai tha se ky është keqkuptim themelor mbi mënyrën si zhvillohet një vend.

“Mbrëmë, Shqipëria nuk organizoi thjesht një koncert. Shqipëria organizoi një ngjarje, që falë kanaleve sociale dhe famës globale të protagonistit, u bë në çdo cep të botës, një lajm. Në Shqipëri, këtë herë, ngjarja u bë motiv ndasie shumë e egër, ku një furi dhune dhe marrëzie u lëshua kundër një koncerti. Kam dëgjuar të njëjtin refren, populli s’ka bukë, varfëria është në kulm, s’duam koncerte. Kjo qasje duket sikur ha debat. Ky është keqkuptim themelor mbi mënyrën si zhvillohet një vend. Zhvillimi nuk është bukë me madhësi fikse”, theksoi ai./Dosja.al