Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË- Operacioni Forca e Ligjit ka zbritur sot në jug të vendit, ku iu është dërguar formulari i deklarimit të pasurisë, Jani Aliajt nga Tepelena, i njohur edhe si vrasësi i Elton Çiços, Katan Bahos në Gjirokastër dhe Florenc Tresës në Tiranë.
Jani Aliaj, është një emër tejet i njohur për drejtësinë shqiptare, pasi më 1 maj të 2016, vrau me armë zjarri në një lokal në Tiranë, Elton Çiçon. Vrasja në fjalë tronditi opinionin në atë kohë, sepse ndodhi në një ambient publik mjaft të frekuentuar nga qytetarët, në zonën e ish-bllokut, teksa Elton Çiço ishte duke pirë kafe me një oficer policie, një doktor dhe një gazetar të kronikës së zezë. Pavarësisht nga njerëzit e shumtë, prania e oficerit të policisë dhe gazetarit, Jani Aliaj është futur në lokal dhe ka qëlluar drejt Çiços me gjakftohtësi. Ai vdiq në vend, me dy plumba në kokë. Si fillesë e kësaj sage hakmarrjeje mes dy bandave, dyshohet të ketë qenë vrasja e shokut të fëmijërisë së Elton Çiços nga Jani Aliaj. Por përveç kësaj, policia ka ndjekur edhe pistën e prishjes së pazareve në trafikun e drogës në Greqi ku të dy grupet nga Tepelena kanë ushtruar aktivitetin kriminal, prej gati dy dekadash.
Emri i dytë është Katan Baho, ose Sokrat Baho, i njohur si një biznesmen në qytetin e Gjirokastrës, por me një profil të ulët publik. Katan alias Sokrat, ka në pronësi një servis të “Mercedes Benz-it” në Gjirokastër, bar-kafe Center në qendër të qytetit, por edhe prona të tjera. Ai është arrestuar më herët në Greqi për trafik droge dhe kjo e ka kthyer në një subjekt të OFL.
Ndërsa i treti është Florenc Tresa, arrestuar për një sasi rekord prej 10 tonësh kanabis të trafikuar drejt Italisë.
Jani Aliaj, Katan Baho dhe Florenc Tresa janë tre emrat e radhës që OFL iu ka dërguar formularin. Të trija këto subjekte kanë 48 orë kohë për t’ju përgjigjur OFL, dhe më pas dosja e tyre do të kalojë në SPAK që do të vlerësojë nëse burimi i pasurisë së tyre është i ligjshëm apo jo.
NJOFTIMI I PLOTË:
OFL, 4 mars Vijon Operacioni Forca e Ligjit.
Në zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL vijon intensivisht punën për kryerjen e veprimeve komplekse, në bashkëpunim me strukturat e tjera të Policisë së Shtetit.
Në kuadër të Aktit Normativ nr. 1, datë 31.01.2020, OFL u ka dërguar kërkesat për vetëdeklarim të pasurisë, shtetasve:
– J. A., banues në Tepelenë, për të cilin Gjykata e Rrethit Gjyqësor Përmet ka vendosur masën e sigurisë “Arrest në burg”, për veprat penale ”Prodhimi dhe shitja e narkotikëve”, ”Vrasja me dashje në lidhje me një krim tjetër, mbetur në tentativë” në bashkëpunim dhe “Armëmbajtja pa leje”. Gjithashtu, ky shtetas është dënuar nga Gjykata e Rrethit Tiranë, me burgim të përjetshëm për veprën penale “Vrasja me paramendim” dhe me 4 vite për veprën “Armëmbajtja pa leje”. Në bashkim të dënimeve Gjykata e ka dënuar me burgim të përjetshëm, për veprat penale të mësipërme.
– K. B, banues në Gjirokastër, i cili është arrestuar nga autoritetet greke, për veprën penale “Trafikimi i lëndëve narkotike”.
– F. T., banues në Tiranë, për të cilin Gjykata e Rrethit Tiranë ka caktuar masën e sigurisë “Arrest me burg”, për veprën penale “Trafikimi i narkotikëve” në bashkëpunim.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së, të cilat do t’i dërgohen SPAK-ut, për veprime të mëtejshme. OFL bën me dije se të gjithë personat që iu është dërguar kërkesa me shkrim për vetëdeklarimin e burimeve të pasurisë, i kanë plotësuar formularët dhe i kanë dorëzuar pranë OFL-së, e cila ka vijuar me procedurat, sipas përcaktimit në Aktin Normativ nr. 1, të datës 31 janar 2020. OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.
Që prej 3 shkurtit, OFL ka nisur goditjen dhe sekuestrimin e pasurive të emrave të njohur të botës së krimit. OFL ka dërguar tashmë formularin tek Suel Cela dhe Plarent Dervishaj, Dash Gjoka, Emiljano Hysenaj, Lulzim Berisha, Edlir Hysenaj, Altin Hajri, Ardian Capja, grupi i Dukagjinit, Saimir Taullau, Ben Qimja, Durim Bami, Landi Muharremi, Bardhok Pllanaj, Alberto Lamaj, Dritan Dajtit, Xhevdet Troplinit, Emiljano Shullazit, Gjergj Cukalit, Orges Jahelezi dhe Pajtim Serjanit, Gazmend Mahmutajt, Edison Çobos, Ervis Martinajt, Arben dhe Valentino Kaçorrit, Altin Lames, Eduard Dushkut, Fatjon Lazes, Kreshnik Budllës, Astrit Avdylajt, Astrit Balliut, Arben Frrokut, Jasin Kalas Durim Keçit, Flamur Hakës , Talo Çelës, Aurel Hoxhallarit dhe Elidon Kotorrit.
(F.g/dosja.al)
1 vit nga zgjedhjet e 25 prillit si e shikoni gjendjen e vendit:
Tiranë-Konfederata e Sindikatave të Shqipërisë i ka kërkuar ministres së Arsimit, Besa Shahini, që të japë dorëheqjen për ngjarjen në Fier, ku u helmuan 30 nxën...
TIRANË- Kalon me sukses filtrin e Vettingut në Polici, Arben Dashi, Drejtor në Drejtorinë e Përgjithshme të Policisë së Shtetit. Komisioni i Jashtëm i Vler...
FIER- Një nga gjimnazistët e shkollës së mesme, “Janaq Kilica” në Fier ka rrëfyer atë që ka ndodhur në këtë shkollë, ku më shumë se 30 nxënës janë helmuar. Nxën...
TIRANË– Seanca gjyqësore për Arber Çekajn dhe dy të pendehurit e tjerë, Donald Lushaj dhe Armando Pezaku është shtyrë sërish. Dosja.al mëson se sean...
FIER- Policia e Fierit ka dhënë informacion e parë zyrtar, lidhur me ngjarjen e ndodhur në gjimnazin “Janaq Kilica”, ku 30 nxënës u dërguan me urgjencë në spita...
ITALI– Në mbledhjen e radhës kryeministri italian, Conte, së bashku me ekspertë të mjekësisë kanë marrë masa të forta për parandalimin e përhapjes dhe shtimit t...
FIER– Ekspertët e ushtrisë janë nisur drejt qytetit të Fierit, ku dhjetëra nxënës janë shtruar në spital pas një helmimi masiv në shkollën “Janaq Kilica”. Dosja...
FIER- Prokuroria e Fierit ka nisur hetimet, lidhur me helmimin e nxënësve të shkollës së mesme të Përgjithshme “Janaq Kilica” në qytetin e Fierit. Prokuroria i ...
FIER- Pamjet e situatës pas helmimit të mbi 30 nxënësve në spitalin “Janaq Kilica” në Fier, kanë sjellë kaos, frikë dhe panik tek adoleshentët por edhe tek fami...
TIRANË– Seanca ndaj Emiljano Shullazit, Gilmando Danit, Endrit Qyqes, Endrit Zelës dhe Blerim Shullazit është shtyrë për të pestën herë. Mësohet se këtë he...
