Politike

PËRPLASJA e plotë/ Rama kapet me gazetarin: COVID-19 është histori suksesi, do apo s’do ti! Skëndaj: Pandemia goditi të sëmurët me kancer… kryeministri: Urime, paske dalë në përfundime…(Ndërhyn Manastirliu)

VIDEO
Rama është pyetur nëse do i kërkojë Komitetit Teknik një analizë për pacientët që nuk kanë marrë shërbim gjatë periudhës së COVID-19.

TIRANË- Kryeministri Edi Rama është përplasur sot me gazetarin Erion Skëndaj. Gjatë konferencës për mediat nga spitali COVID2 “Shefqet Ndroqi”, tashmë i mbyllur Rama është pyetur nëse do i kërkojë Komitetit Teknik një analizë për pacientët që nuk kanë marrë shërbim gjatë periudhës së COVID-19. Por Rama nuk është përgjigjur pyetjes duke thënë se do jepte përgjigjen që donte dhe nuk do ndikohej nga zhurma në sfond (duke iu referuar reagimit pa mikrofon të gazetarit Skëndaj).

Dosja.al sjell të plotë këtë përplasje që tensionoi jo pak konferencën e të parit të qeverisë. 

Replika e plotë, Rama-Skëndaj dhe ndërhyrja e Manastirliut:

Gazetari Erion Skëndaj: Pse u vonua kaq shumë ngritja e kësaj strukture spitalore dhe u detyruan shumë pacientë të dërgoheshin në Elbasan, pasi u mbyll spitali “Shefqet Ndroqi”. A do i kërkoni Komitetit Teknik se sa qytetarë nuk kanë marrë dot shërbim, dhe se sa prej të sëmurëve u është avancuar sëmundja, si kanceri dhe sëmundje të tjera të rënda?

Edi Rama: Diagnozat nuk vendosen në distancë sociale, por duan analiza të thelluara. Por urime juve që keni arritur në konkluzion se ka avancuar kanceri. Unë jam këtu për të dhënë përgjigjen time dhe nuk do ndikohem farë nga zhurma që kam në sfond.(Referuar gazetarit i cili vazhdonte të fliste me mikrofonin fikur).

Në këtë moment, Rama ia kaloi përgjigjen ministren Manastirliu.

Për më shumë bëhu pjesë e grupit më viral në Facebook, Dosja.al

Ogerta Manastirliu: Sistemi i ndërhyrjeve kirurgjikale nuk ka ndaluar për asnjë minutë. Konsultat janë bërë online. Puna ka vijuar, ne kemi mbrojtur qytetarët. Ajo që pret në shëndetësi mund të presë. S’janë qëllimi numrat por cilësia. Në pandemi duhet të përgjigjemi me kujdes. Nëse s’do të ishim përgjigjur me largpamësi, do të flisnim ndryshe. Janë përgjigjur specialistët dhe rezultatet janë këto që shohim sot.

Pas saj, fjalën e mori sërish vetë, dhe tha se do apo nuk do gazetari Skëndaj apo edhe të tjerë që mendojnë si ai, Shqipëria fazën e parë me COVID-19 e ka kaluar me sukses.

Edi Rama: Përgjjia ishte shteruese dhe faktuale. Kjo do të thotë që mjafton të bëni një përpjekje me imagjinatën tuaj, se çfarë do të kishte ndodhur në këtë vend sikur kjo përballje ti kishte rënë botës dhe Shqipërisë, 5-6 vite. Imagjino spitalet që ishim 5-6 vite më parë, me reaminacionet 5-6 vite më parë, me spitalin Shefqet Ndroqi që ishte 5-6 vite më parë. Sot flasim për receta elektronike, çdo gjë që merret nga shtëpia. Përfytyroni radhët për barna me ato letrat e 5-6 viteve më parë. Përtej të gjithave ky është një rast suksesi, doni apo s’doni ju. Kur them ju, kam parasysh kolegun që bëri pyetjen dhe këdo tjetër që nxjerr bishta. Gjithçka ka bishta sigurisht, asgjë nuk është perfekte. Doni ju apo s’doni ju që doni të flisni nga distanca sociale, ky është sukses. Shqipëria ka dalë nga kjo fazë, dhe mos e dhëntë zoti të ketë valë të re, me kokën lart. Shumë e thjeshtë, me kokën lart. Ka një mijë e një gjëra.

Këto deklarata Rama i bëri gjatë një konferencë me mediat. Kryeministri ka thënë se për Reformën Zgjedhore do të flasë i fundit, pasi në proces janë përfshirë ndërkombëtarët. Numri një i qeverisë tha se hapja do vijojë dhe Shqipëria do pres turistë për këtë vit, të cilëve nuk do u bëhen kontrolle dhe ftoi Kosovën të bëjë të njëjtën gjë. Rama tregoi se nuk do ketë shtyrje të gjendjes së fatkeqësisë. Në fund mbrojti dhe Ardi Veliun, duke thënë se zgjidhte atë para moralistëve që e akuzojnë. 

(A.B;F.G. Dosja.al)

Shto Koment