Politike

Debati për zgjerimin e Greqisë me 12 milje, Meçollari: Ne trembemi tani, por ata s’u trembën kur u zgjeruam dhe nuk shkuam

28 Gusht 2020, 15:33 Nga DOSJA
Debati për zgjerimin e Greqisë me 12 milje, Meçollari: Ne

TIRANË– Artur Meçollari, ish-zëvendës komandanti i Forcave Detare që u shkarkua së fundmi, ka komentuar deklaratën e kryeministrit grek se Athina do të zgjerohet me 12 milje në Jon. Duke qenë se Meçollari është pjesë e grupit të punës që po negocion çështjet e vjetra mes Shqipërisë dhe Greqisë, ku në fokus është zgjerimi i Greqisë më 12 milje, shprehet se kjo gjë po bëhet sipas nenit nenin 15 te UNCLOS 1982.

Lidhur me reagimet në rrjet mes maxhorancës dhe opozitës, Meçollari shkruan se ne trembemi se me zgjerimin e detit teritorial te Greqise ne 12 milje detare ujrat greke vijne deri ne Himare, por greket nuk tremben që ne e kemi detin territorial 12 milje detare dhe nuk kemi vajtur në Korfuz.

“Nje interpretim per zgjerimin e detit territorial te Greqise dhe nenin 15 te UNCLOS 1982. Ne trembemi se me zgjerimin e detit teritorial te Greqise ne 12 milje detare ujrat greke vijne deri ne Himare. Po greket pse nuk tremben qe ne e kemi detin territorial 12 milje detare dhe nuk kemi vajtur ne Korfuz? Cili eshte kuptimi i nenit 15.

1) zgjerimi i detit territorial nuk mund te shtrihet pertej vijes delimituese dhe jo nuk mund te zgjerohen nga shteti bregdetar nese nuk ka nje vije delimituese. Shprehja “pervec rastit kur ka nje marreveshje midis tyre”, ka kuptimin qe deti territorial mund te shtrihet pertej vijes delimituese nese shteti fqinje ta lejon nje gje te tille me marreveshje. Pra te jep det territorial nga deti i tij me marreveshje.

Le te marrim rastin konkret. Ne vitin 2008, Shqiperia shfuqizoj gjeresine e detit territorial 12 milje, e cila nenkupton ZERO, nese nuk e ke te deklaruar. Ne vitin 2012 rikthyem me ligj gjeresine e detit territotial 12 milje detare, por nuk i morrem asgje Greqise, pasi zgjerimi i detit territorial behet brenda vijes delimituese ne drejtim te detit nderkombetar. Mire ne qe shqetesohemi se Greqia do na vij ne Himare po e zgjeruan detin 12 milje detare, po greket pse nuk shqetesohen se ne kemi shkuar ne Korfuz pasi e kemi 12 milje detare?

UNCLOS 1982, Neni 15. Delimitimi i detit territorial ndërmjet Shteteve me brigje përballë ose ngjitur. Kur brigjet e dy Shteteve gjenden përballë ose ngjitur me njëri-tjetrin, asnjë nga dy Shtetet nuk ka të drejtë, përveçse kur ka një marrëveshje ndërmjet tyre, për ta shtrirë detin territorial përtej vijës mediane çdo pikë e së cilës është e baraslarguar nga pikat më të afërta të vijave bazë nga të cilat matet gjerësia e detit territorial të secilit prej dy Shteteve. Megjithatë, dispozita e mësipërme nuk zbatohet kur, për shkak të ndonjë titulli historik ose rrethanave të tjera të veçanta, është e nevojshme që delimitimi i detit territorial të dy Shteteve të mos bëhet sipas mënyrave të mësipërme,”- shkruan Meçollari.

Debati për detin është rindezur prej 3 ditësh në Shqipëri, pas deklaratës së kryeministrit grek, Kyriakos Mitsotakis. Mitsotakis njoftoi se Greqia ka gati projektligjin për zgjerimin me 12 milje në Perëndim të Detit Jon, dhe për këtë do të vijë në Shqipëri edhe ministri i Jashtëm, Nikos Dendias. 12 miljet që do të merren nga Greqia, i përkasin ujërave të përbashkëta dhe ajo atyre territoriale. Në zbatim të Konventës së Montego Bayt, Greqia, ashtu si çdo vend, ka të drejtë të zgjerohet me 12 milje në ujërat e përbashkëta. Shqipëria zgjerimin me 12 milje e ka realizuar që në vitin 1990. Por, sërish ky lajm është hasur në paqartësi në Shqipëri, për shkak edhe të konfuzionit për një marrëveshje për kufirin detar, (që mungon), mes dy vendeve. Kryeministri Edi Rama sqaroi sot, se nuk ka asnjë marrëveshje që pas ndryshimit të qeverive në Greqi.

(f.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

politike politike artir mecollari greqia merr 12 milje nga deti jon artir mecollari greqia merr 12 milje nga deti jon

Sondazh

Poll

MË SHUMË