Politike

Cukali ripërsërit thirrjen: Anti-shpifja s’duhet të miraohet, nuk e ka asnjë vend i BE

18 Dhjetor 2019, 10:36 Nga DOSJA
Cukali ripërsërit thirrjen: Anti-shpifja s’duhet të

TIRANË- Drejtori i Këshillit Shqiptar të Medias, Koloreto Cukali nga protesta e gazetarëve ka thënë edhe njëherë se paketa anti-shpifje nuk duhet të miratohet. Me shallin e zi, në formë prorteste, Cukali tha se ligji nuk ekziston në asnjë nga vendet e BE.

“Këtë ligj nuk e ka asnjë vend në perëndim, madje as në vendet e Ballkanit. Madje frika është se nëse tolerohet ky ligj në Shqipëri, liderët autoritarë në të gjithë botën do ta kishin lakmi”, u shpreh ai.

Më tej ai u shpreh se jemi rikthyer 30 vite mbrapa, pasi tani po merren sinjali vetëm nga ERTV dhe RTSH.

“Genin e protestës në Shqipërisë e kanë paralizuara pak nga pak dhe problemi i këtij vendi është propaganda. Ne e marrim të gjithë informacionin nga ERTV, jemi kthyer 30 vjet mbrapa kur e merrnin sinjalin nga RTSH. E kuptoni sa poshtë ka rënë cilësia e informacionit?! Gazetarët, unë e ti do ta marrim vesh se çfarë ka ndodhur, të vërtetën, por kjo e vërtetë nuk do të shkojë dot tek publiku. Kjo synohet, që të mos shkojë tek publiku…”, u shpreh ai.

Pak ditë më parë Komisioni i Ligjeve, miratoi në parim paketën e cila do të kalojë në Kuvend më 18 dhjetor, me disa ndryshime të papërfillshme, siç është përzgjedhja përmes konkurrimit, e Bordit të Ankesave, një këshill i cili do të ketë fuqi për të gjobitur dhe mbyllur portalet. Ndërkohë që tek “Media”, anëtarët vendosën të ulnin gjobën për portalet në maksimumi 4 milionë lekë të vjetra, por socialistët janë tërhiqur dhe nga ekzekutimi i gjobës para vendimit të gjykatës. Është kjo një nga pikat më të nxehta të paketës anti-shpifje, e njoftuar prej 2 vitesh nga Rama, me arsyetimin se mediat online duhet të funksionojnë në bazë të rregullave. Komuniteti i gazetarëve, intelektualëve dhe organizatat në mbrojtje të të drejtave të njeriut, kanë dalë kundër draftit, pasi sipas tyre bie në kundërshtim me Konventën për të Drejtat e Njeriut. Me këtë paketë, Shqipëria bëhet vendi i parë në Evropë që gjobit gazetarët me vendime administrative, dhe i jep fuqi të plotë AMA-s, si një gjykatë për mediat.

(A.B. Dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

politike politike koloreto cukali nderkombetaret kunder rames paketa anti shpifje koloreto cukali nderkombetaret kunder rames paketa anti shpifje

Sondazh

Poll

Politike 18 Dhjetor 2019, 10:30

TIRANE- Kujtim Gjuzi është treguar i sinqertë në seancën e sotme plenare në Kuvend. Gjuzi e nisi fjalën duke kërkuar kryeministrin Edi Rama, të cilin siç...

MË SHUMË