Politike

Meta ironizon nga Pusteci: Falë Rilindjes vetëm gomerët janë shtuar këto 11 vite qeverisje

Me anë të një postimi në Facebook, Meta thekson se falë Rilindjes në Pustec pët 11 vite qeverisje, janë shtuar gomerët.

4 Shkurt 2024, 12:41 Nga I.A
Meta ironizon nga Pusteci: Falë Rilindjes vetëm gomerët janë
Ilir Meta

PUSTEC- Kreu i Partisë së Lirisë Ilir Meta ka ironizuar qeverisjen e 11 viteve të Rilindjes në zonën e Pustecit. Me anë të një postimi në Facebook, Meta thekson se falë Rilindjes në Pustec pët 11 vite qeverisje, janë shtuar gomerët. Meta shtoi se çmimi i karburantit vijon të jetë i lartë, duke bërë që fermerët mos të përdorin traktorët, por kafshët për punimin e tokës.

Postimi i Plotë:

Në Pustec, atje ku falë "Rilindjes" vetëm gomerët janë shtuar këto 11 vite qeverisjeje dhe kjo për dy arsye: Së pari për shkak të çmimit të naftës që vazhdon të jetë në "qiell" dhe i paleverdisshëm për të përdorur traktorët për punimin e tokës; Së dyti sepse i vetmi investim i bërë nga "Rilindja" prej gati 5 milionë euro për ujësjellësin, për shkak të korrupsionit, rezultoi në katastrofë për banorët e këtij komuniteti të mrekullueshëm, të cilët jo vetëm duhet të përdorin gomerët për të marrë ujë të pijshëm në burimet e dikurshme, por edhe për t'u larë u leverdis më shumë të përdorin ujin e liqenit të Prespës.

Mjafton të ndiqni këtë emision investigativ   https://youtu.be/uV6aYUQHp6I?si=ëRvzM7xPjYt1RgzB për të kuptuar edhe më mirë pse në këtë parajsë natyrore pakësohen njerëzit e mrekullueshëm dhe sidomos të rinjtë e fëmijët, pakësohen lopët dhe bagëtitë e imta por shtohen gomerët. Partia e Lirisë do të bëjë çdo përpjekje për t'i dhënë fund lënies në harresë dhe injorimit të halleve të këtij komuniteti të mrekullueshëm, që jo vetëm vuan pasojat e braktisjes e korrupsionit por edhe i rrezikohet shëndeti nga kjo papërgjegjshmëri. Me Partinë e Lirisë komuniteti maqedonas do të ketë vëmendjen dhe mbështetjen e merituar!

ilir meta

Sondazh

Poll

MË SHUMË