Sport

Tonali shitja më e shtrenjtë në historinë e kuqezinjve të Milanit... nënshkruan deri në vitin 2029 me Newcastle

Newcastle bëri një ofertë për Sandro Tonalin, që AC Milan nuk mund t'i rezistonte, me kuqezinjtë që dhanë dritën jeshile për të përfunduar marrëveshjen në 70 milionë euro, ndërkohë që mesfushori italian ka nënshkruar deri në vitin 2029.

23 Qershor 2023, 17:16 Nga DOSJA

Tonali shitja më e shtrenjtë në historinë e kuqezinjve

ANGLI - Sandro Tonali kalon Andriy Shevchenkon, Thiago Silva dhe Kaká, për të arritur një kulm të veçantë teksa numëron mbrapsht për t'u bërë zyrtarisht shitja më e shtrenjtë në historinë e Milanit.

Për këtë u kujdes Newcastle, me anglezët që ushtronin presion mbytës ndaj italianëve dhe përfundimisht morën ‘OK’ për të nënshkruar me mesfushorin italian 23-vjeçar për 70 milionë euro plus bonuse.

Siç zbulohet nga gazetari italian Fabrizio Romano, kuqezinjtë do të kenë gjithashtu një përqindje rishitjeje, me lojtarin që pritet të nënshkruajë një kontratë deri në vitin 2029, me paga vjetore prej 7 milionë euro, e cila mund të arrijë në 9, së bashku me bonusin (2.5 milionë euro të fituara në Milano).

Vihet re se Tonali do të bëjë histori edhe për një arsye më shumë, pasi me paratë që do të shpenzojë Newcastle për ta veshur bardhezi, do të jetë ai që do të mbajë etiketën e transfertës më të shtrenjtë të një futbollisti italian.

Tonali shitja më e shtrenjtë në historinë e kuqezinjve

B.T (Dosja.al)

 

Sondazh

Poll